1 ABANYA TESALONĨKA 1

1Ĩtwe Paũlo na Sĩlvano na Tĩmoteo, tukasaka ebarua eyĩ oko bandu ab'ekanisa eyiri eTesalonĩka, abandu ba Nyamuhanga Tata n'Omukama Yesu Kristo. Olukogo n'obuholo bibye nenyũ. 2Tukaha ewasĩngya emigulu yosĩ uku Nyamuhanga busana n'ĩnywe bosĩ, kandi itukabahula emigulu yosĩ omw'isaba lyetu. 3Tukibuka embere sya Nyamuhanga Tata wetu, ngoko mukakola omw'ĩkĩrĩrya n'omo lwanzo; kandi ngoko mũsĩkĩre omo maha wenyũ busana n'Omukama wetu Yesu Kristo. 4Tũnasĩ, balĩkyetu, ngoko Nyamuhanga abanzĩre, kandi abiriyisoga nywe eribya bandu buwe. 5Neryo motwabaletera Engulu Yowene, butsira omo bĩnywa bisa, nĩkwa omo maka, n'omo Mũlĩmũ Abũyĩrĩre, n'erĩsĩngana ly'omwatsi w'ekwenene. Mũnasĩ emikolere yetu omo katĩkatĩ kenyũ; ngoko twakola busana n'erĩbawatĩkya. 6Nenyũ mwatũgerereraya, kandi mwagerereraya Omukama nibya. Nomo mwanabana amalĩge mangi, momwangirira erĩkangĩrĩrya eryo omo butseme obũkalũa oko Mũlĩmũ Abũyĩrĩre. 7Neryo momwabya ekĩmĩnyĩsyo busana n'abandu abĩkĩrĩraya eMakedonĩa n'ekihugo ky'Abagĩrĩkĩ. 8Kusangwa busana nenyũ ekĩnywa ky 'Omukama mokyatsungana butsira eMakedonĩa n'ekihugo ky'Abagĩrĩkĩ hasa, nikwa engulu y'erĩkĩrĩrya lyenyũ uku Nyamuhanga yabiritsungana ehosĩ, neryo siritolere tukahula omwatsi. 9Kusangwa abandu bosĩ bakatũlago ngoko mwatũkokaya, kandi ngoko mwaleka esyosanamu n'eribindukira Nyamuhanga, imwatoka erikolera Nyamuhanga w'ekwenene, oyuliho. 10Kandi imwatoka eririndirira Omugala wuwe erĩlũa elubula. Omugala wuwe oyo ni Yesu, oyo walũbũkĩbawa oko baholĩ, oyũkatũlamaya okw'ihitana lya Nyamuhanga erikandisyasa.

will be added

X\