1 YOANE 5

1Oyũkĩkĩrĩraya Yesu kw'ali Kristo, Nyamuhanga abirimubuta, n'oyo wanzĩre ĩse anzĩre n'omwana wuwe. 2Tũnasĩ ko twanzĩre abana ba Nyamuhanga, ũmw'ekĩ tuti, Tukanza Nyamuhanga n'erikola ebihano biwe. 3Kusangwa erianza Nyamuhanga ni 'kwama ebihano biwe, kandi ebihano biwe sĩbĩkalĩre. 4Kusangwa oyũbũtĩrwe na Nyamuhanga akakĩnda ekihugo. Neryo erĩkĩrĩrya lyetu lyo lyabĩrĩkĩnda ekihugo. 5Kandi nindi oyũkakĩnda ekihugo kwehĩ? Yo n'oyũkĩkĩrĩraya ko Yesu ni Mugala wa Nyamuhanga. 6Yesu Kristo yoyo wasa: nĩkwa mwasa omo magetsi n'omusasi. Mwatasa n'amagetsi masa, nĩkwa omo magetsi n'omusasi. 7Kandi nĩ Mũlĩmũ yo yũkatũlago, kusangwa Omũlĩmũ ni w'ekwenene. 8Kusangwa abalangĩrĩ basatu bakatũlago, Omũlĩmũ, n'amagetsi, n'omusasi. N'abasatu aba bakabũga kiguma. 9Tũkalĩga omwatsi owakatũlawa n'abandu, nĩkwa erĩtũlago lya Nyamuhanga lĩlabĩre, kusangwa Nyamuhanga yo wabĩrĩrũla omwatsi w'Omugala wuwe. 10Oyũkĩkĩrĩraya Omugala wa Nyamuhanga awite erĩtũlago omo mutima wuwe; n'oyũtĩkĩrĩraya Nyamuhanga, abirimuyira mo mũbehĩ, kusangwa sĩalĩtĩkĩrĩrya omwatsi ogo Nyamuhanga abĩrĩtũla busana n'Omugala wuwe. 11N'omwatsi ogo atũla goyũ: ati, Nyamuhanga abirituha engebe y'erikota, n'engebe eyĩ ikabanika omo Mugala wuwe. 12Oyuwite Omugala awite engebe, n'oyutawite Omugala wa Nyamuhanga siawite engebe. 13Ngabasakira emyatsi eyĩ, ĩnywe mwĩkĩrĩrye omo lĩna ly'Omugala wa Nyamuhanga, imwatoka eriminya ko muwite engebe y'erikota. 14Ekĩ kikaleka ĩtwasĩka embere sya Nyamuhanga, kusangwa twamabũlya kindu omw'isonda liwe, akatowa. 15Neryo kusangwa tũnasĩ kw'akatowa, tũnasĩ kandi kw'akatuha ebyo tũkamũbũlaya. 16Omundu amalangira mũlĩkyabo akakola ekibi ekiterera oluholo, angasaba Nyamuhanga, naye asyamuha engebe. Ekĩ kikahula abakakola ekibi ekitereta oluholo. Kandi hali ekibi ekikaleta oluholo; sĩndĩbũga nyiti mwasyasaba busana n'ekibi ekyo. 17Ebyosĩ bitatunganene ni kibi, nĩkwa hali ekibi ekitereta oluholo. 18Tũnasĩ omundu oyo Nyamuhanga akabuta, sialikwamirira ebibi Kusangwa Omugala wa Nyamuhanga akamũtegaya ndeke, n'Omubi Oyũ sĩalĩmũtũlako. 19Kandi tũnasĩ ko tuli ba Nyamuhanga, n'ekihugo kyosĩ kiri omo bũtokĩ bw'Omubi Oyũ. 20Nĩkwa tũnasĩ k'Omugala wa Nyamuhanga abĩrĩhĩka, n erituha eriminya, itwatoka eriminya Nyamuhanga ow'ekwenene. Kandi tumatikene na Nyamuhanga ow'ekwenene, kandi tumatikene n'Omugala wuwe Yesu Kristo. Oyũ ni Nyamuhanga w'ekwenene, kandi iye ni ngebe y'erikota. 21Ĩnywebana bage, mũyĩtegaye oko syonyamuhanga sy'amabehĩ.

will be added

X\