1 YOANE 1

1Tukabasakira omwatsi w'Ekĩnywa ky'engebe, ekitula erĩtsũka erĩmbere. Twabĩrĩowakyo, kandi twabirilangirakyo omo meso wetu. Inga, twabirilola kukyo, kandi ebyala byetu byabĩrĩtũla kukyo. 2N'engebe eyo moyaminyikala, netu twabirilola kuyo n'eribya balangĩrĩ bayo, kandi tũkabatũlĩra engebe y'erikota, eyabya haguma na Tata n'erĩmĩnyĩkalĩbwa ũkw'ĩtwe. 3Tũkabatũlĩra nibya ekyo twalangira n'ekyo towa, neryo mutoke eribya buguma netu; kandi obuguma bwetu buli haguma na Tata, n'Omugala wuwe Yesu Kristo. 4Tukasaka emyatsi eyĩ, obutseme bwetu bũhĩkane. 5Omwatsi ogo twabĩrĩowa ũku Mugala wuwe n'erĩbatũlĩrago goyũ: tuti, Nyamuhanga ni kyakakala, kandi sihali omwĩrĩmya n'ahake omwisi wuwe. 6Twamabũga tuti tukasakana naye, itunemulendera omo mwĩrĩmya, tukabiha, isitulikwama ekwenene omo migendere yetu. 7Nĩkwa emibere yetu yamabya y'ekyakakala ngoko Kristo ali omo kyakakala, tukabya haguma omo buguma, n'omusasi wa Yesu Omugala wa Nyamuhanga akatweraya kw'ebibi byosĩ. 8Twamabũga tuti situwite kĩbi, tukayiteba, n'omwatsi w'ekwenene siali netu. 9Nĩkwa twamakangya kwenene, ebibi byetu, Nyamuhanga sialiregula, kandi akakola ekitunganene. Asyatubuyira ebibi byetu n'erĩtwerya kw'ekitatunganene kyetu kyosĩ. 10Twamabũga tuti sitwetakola kibi, itukayira Nyamuhanga mo mũbehĩ, n'ekĩnywa kiwe isikiri ũmw'ĩtwe.

will be added

X\