1 ABANYA KORĨNTO 13

1Namabũga omo mĩbũge y'abandu n'ey'abamalaĩka, nĩkwa isingwite olwanzo, nabiribya ng'omukenge owakalahira kutse ng'ekengele eyĩkabũgĩrana. 2Kandi nomo nangabya n'olũsũnzo lw'erĩtũla omwatsi, kandi nyasĩ erĩkũmbo lyosĩ, n'eriminya lyosĩ, kandi nomo nangabya n'erĩkĩrĩrya lyosĩ erikatoka erĩlũsya ebitwa, nĩkwa isingwite olwanzo, inyiri busa. 3Nomo nangabya ngahĩtya ebyosĩ ebyo nyiwite kandi namaha omubiri wage erĩhĩsĩbwa, nĩkwa isingwite olwanzo, sibyenyigasirakĩ. 4Olwanzo lukayibombeka, kandi luli n'obwenge; olwanzo silulibya n'obũha; siluliyihalamba, siluliyiheka. 5Olwanzo sihulibula erĩsĩkya; siluliyirondera endũndĩ ĩlolwene-lwene; kandi silulihitana litya-litya; silulitsungirira ekibi. 6Olwanzo silulitsemera ebitatunganene, nĩkwa lukatsemera eby'ekwenene. 7Olwanzo siluliluha, omo myatsi yosĩ lũkĩkĩrĩraya, lukabya n'amaha, lũkayĩyĩnaya. 8Olwanzo lukakota; nĩkwa olũsũnzo lw'eriminyerera omwatsi lwasyalũsĩbwaho, kandi erĩbũga emĩsĩndo-mĩsĩndo y'ebĩnywa lyasyũmbya; hali olũsũnzo lw'eriminya, nĩkwa lwasyalũsĩbwaho. 9Kusangwa twasĩ bike, kandi tũkatũlago buke. 10Nĩkwa omugulu emyatsi yosĩ yasyahĩkana, ebike byasyalũsĩbwaho. 11Omugulu nabya mwana, nabya ngabũga ng'omwana, monaganĩrya ng'omwana, monasoha omwatsi ng'omwana. Nĩkwa omugulu namabikula, monaleka emyatsi y'obwana. 12Kusangwa lino tukalangira bike ng'omo kiyo, nĩkwa ekiro ekyo, twasyalangira obũsũ oko bũsũ; lino nyasĩ bike, nĩkwa ekiro ekyo nasyaminya ndeke ngoko Nyamuhanga anyasĩ ndeke. 13Neryo lino emyatsi ĩsatu ineho, erĩkĩrĩrya, n'amaha, n'olwanzo; nĩkwa olwanzo lũlengĩre eyindi myatsi eyĩ.

will be added

X\