Zechariah 12

1Ya ni nopa tlajtoli tlen TOTECO nechmacac ica tlen ininpantis israelitame. Quena, TOTECO tlen quipatlajqui elhuicactli, huan quitlalili itzinpehualtil ni tlaltepactli, huan quichijqui nopa tonaltzi tlen eltoc ipan iyolo sesen tlacatl quej ni, quiijtohua: 2"Nijchihuas altepetl Jerusal'en para elis queja se caxitl tlen temitoc ica nocualancayo para nochi sequinoc tlaltini. Elis queja temitoc ica se pajtli tlen tlahuel cococ huan fiero. Huan quinchihuas ma moihuintica huan ma huihuipicaca nochi tlacame tlen ehuaj ipan tlaltini tlen quinequise quintehuise tlali Jud'a huan altepetl Jerusal'en. 3Quena, ipan nopa tonali nijchihuas Jerusal'en ma eli queja se hueyi tetl tlen tlahuel etic. Huan yonque nochi tlaltini mosentilise para quitehuise, nochi tlen quinequise quiolinise, quintlamitepachos." 4Quej ni quiijtohua TOTECO: "Ipan nopa tonali, na niquintemajmatis nochi cahuayojme tlen quinhualicaj soldados para quitehuise altepetl Jerusal'en. Huan nopa soldados tlen ipan tlejcotoque niquinchihuas ma tlapoloca. Pero na niquinmocuitlahuis nochi tlali Jud'a ehuani. Huan nochi cahuayojme tlen ininpan tlejcotoque para tlatehuise mocuepase popoyotzitzi. 5"Huan nopa tlayacanani ipan tlali Jud'a quiitase ya ni huan quiijtose: 'Xiquitaca, Jerusal'en ehuani quipant'iaj chicahualistli ipan TOTECO Tlen Quinyacana Ielhuicac Ejcahua Ma Tlatlanitij pampa yajaya tlen ininTeco.' 6"Ipan nopa tonali nijchihuas nopa tlayacanani ipan tlali Jud'a elise queja se tlicuahuitl tlen quichihuas ma tlatla miyac cuatini ipan se cuatitlamitl. Itztose queja tlicuahuitl tlen quichihua ma tlatlas trigo pixquistli tlen huactoc huan nopa tlayacanani quintlatise nochi tlaltini tlen mocahuaj nechca tlen ininnejmatl hasta iniarraves. Pero ipan nopa tonali quema Jud'a ehuani quintlanise nopa tlaltini, altepetl Jerusal'en sampa temis ica tlacame ica miyac paquilistli para itztose ipan inialtepe. 7"Pero na, niimoTECO, achtohui niquinmaquixtis nopa tlacame tlen itztoque ipan tlali Jud'a huan teipa niquinmaquixtis tlen ehuani ipan altepetl Jerusal'en. Nijchihuas ya nopa para nopa tlacame tlen ehuani ipan altepetl Jerusal'en tlen iteipa ixhuihua David ax quiselise m'as tlatlepanitacayotl que ne sequinoc tlen itztoque ipan sequinoc altepetini ipan tlali Jud'a. 8Ipan nopa tonali TOTECO quinmanahuis nopa tlacame tlen itztoque ipan altepetl Jerusal'en. Huan yeca se tlen ax quipiyas m'as chicahualistli ipan nopa tonali quipiyas chicahualistli queja Tlanahuatijquetl David. Huan tlen hualahuij ipan iteipa ixhuihua David elise queja Toteco Dios, queja ielhuicac ejcahua TOTECO tlen yohuij iniixtla notlacajhua. 9Huan ipan nopa tonali nimotlalis para niquintzontlamiltis nochi tlacame tlen nochi tlaltini tlen hualase para quitehuise altepetl Jerusal'en. 10"Huan ipan nopa tonali niquinmacas iteipa ixhuihua David huan nochi tlen itztoque ipan Jerusal'en nopa Tonaltzi tlen quinpalehuis para moicnelise huan momaijtose. Huan yajuanti nechitase na tlen nechtlapohuilijque noelchiquicanahuiya huan nechchoquilise queja chocaj tetajme quema miqui se conetl tlen iyojtzi. Huan mocuesose nopampa na queja mocuesohuaj quema miqui se achtohui ejquetl. 11Huan ipan nopa tonali, ipan altepetl Jerusal'en chocase huan mocuesose achi m'as huan ax queja panoc quema mijqui nopa cuali tlanahuatijquetl tlen itoca Jos'ias huejcajquiya nechca Hadad Rim'on ipan nopa tlamayamitl tlen itoca Meguido. 12"Nochi israelitame campa hueli ipan ni tlali chocase miyac ica tlen nechchihuilijtoque. Sesen huejhueyi familia chocase iyoca. Tlacame tlen itztoque iteipa ixhuihua David yase iyoca. Huan ininsihuajhua nojquiya moiyocaquixtise para mocuesose. 13Huan chocase huan mocuesose ininseltitzitzi nochi iteipa ixhuihua Lev'i. Huan ininseltitzitzi mocuesose iteipa ixhuihua Simei. Huan sihuame mocuesose iyoca tlen ininhuehuejhua. 14Huan chocase nochi ipan nochi sequinoc huejhueyi familias tlen israelitame. Huan sesen hueyi familia chocas huan mocuesos iyoca ipampa tlen nechchihuilijtoque. Huan sesen tlacatl chocas iyoca tlen isihua.

will be added

X\