Song of Solomon 8

1"Nel'ia cuali intla tieltosqu'ia tinoicni tlen quichichitijtosqu'ia nonana. Queja nopa, quema nimitzpantisqu'ia campa hueli nimitztzoponisqu'ia huan ax aqui nechpinajtisqu'ia. 2Huan na nimitzhuicasqu'ia huan nimitzcalaquisqu'ia ichaj nonana huan ta tinechmachtisqu'ia. Huan na nimitzmacasqu'ia nopa xocomeca atl tlen quipiya tlaajhuiyacayotl. Huan nimitzmacasqu'ia iayo nogranadas tlen m'as tzopelic. 3Huan moma arraves tijtlalisqu'ia tlatzintla tlen notzonteco huan ica moma nejmatl tinechnajnahuasqu'ia." 4"Insihuame tlen altepetl Jerusal'en, nimechilhu'ia amo xijcochsosoloca tlen niquicnel'ia. Xijcahuaca ma cochi hasta quema yajaya quinequis isas." 5"¿Ajqueya ne tlen motlatzquilijtihuala iajcolpa yajaya tlen quiicnel'ia?" "Na nimitzixiti itzala se manzana cuahuitl campa monana quipixqui tlacuajcualocayotl quema mitztlacatilti. 6Xinechtlatzquilti ipan moyolo queja se sello huan xinechhuica nochipa ipan moajcol queja se tlanescayotl para tinechicnel'ia. Pampa nel'ia chicahuac nopa tlaicnelijcayotl tlen nijmachil'ia huan eltoc queja miquistli pampa ax hueli nijtzacuilis. Tlahuel nimitznequi huan nopa tlaicnelijcayotl eltoc queja se tlitl tlen cahuani ixochiyo pampa tlahuel tlatla. 7Yonque quitequilisqu'iaj tlahuel miyac atl ax huelis quisehuise nopa tlilelemectli tlen tlaicnelijcayotl. Niyon ax huelis quisehuise yonque hualasqu'iaj ipani nochi pilatlajtzitzi. Huan intla se tlacatl quinequisqu'ia quicohuas nopa tlaicnelijcayotl tlen nijmachil'ia huan nechtlaxtlahuisqu'ia ica nochi iricojyo tlen quipiya, ax quiaxilisqu'ia huan san nijpinahualtisqu'ia." 8"Tijpiyaj se tosihua icni tlen noja pilsiltzi. Aya chichihualquisa. Huajca ¿tlachque tijchihuase intla hualase quiijtlaniquij? 9Intla yajaya momocuitlahu'ia ica telpocame, huajca tijfuerzajmacase. Intla yajaya quinsel'ia telpocame, tijyahualose ica huapaltini tlen tiocuahuitl para ax huelis quiajsise." 10"Na nimomocuitlahuijtoc huan ama nijpiya nochichijhua queja torres tlen huejcapantique. Huan yeca yajaya tlen nechicnel'ia paqui ica na. 11"Salom'on, tijpixqui se xocomeca mili ipan Baal Ham'on tlen tiquincahuili sequinoc ma quimocuitlahuica para se tlaxtlahuili. Huan quema ajsiyaya tonali para quitequise itlajca, sesen tlen yajuanti mitzmacaj mil plata tomi. 12Pero ica nopa xocomeca mili tlen noaxca na, nica eltoc ni mil plata tomi tlen nijpiya, nochi eltoc para ta Salom'on. Huan nopa 200 plata tomi ya niquinmacac nopa tlacame tlen quimocuitlahuiyayaj." 13"Ta tlen nimitzicnel'ia, ta tlen tiitztoc ipan xocomeca miltini, nochi mohuampoyohua quipajcaquij motos pampa tlahuel yejyectzi. Huan na nojquiya tinechcahuili ma nijcaqui." 14"Ximoisihuilti ta tlen nimitzicnel'ia. Ximotlalojtihuala queja se hueyi masatl o queja se cuachacaltzi ipan nopa cuatitlamitl tlen temitoc ica tlaajhuiyacayotl."

will be added

X\