Song of Solomon 4

1"Nel'ia tiyejyectzi ta tlen nimitzicnel'ia. Tlahuel tiyejyectzi. Moixtiyolhua nesi queja ome palomas tlen motlatijtoque iica moixtzajca. Motzoncal eltoc yejyectzi queja chivojme tlen mahuilt'iaj ipan nopa cuatitlamitl tlen tlali Galaad. 2Motlancochhua eltoc nelchipahuac queja iniijhuiyo nopa borregojme tlen yancuic quinxintoque huan quipajpactoque. Eltoc senquistoc cuali huan ajsitoc. Sesen tlen yajuanti quipiya iixnamic huan niyon se ax mopant'ia iselti. 3Motenxipal nel'ia chichiltic queja icpatl tlen chichiltic. Mocamac onpano yejyectzi. Mocampa nesi queja quitlajcotejque se granada huan quitlalijtoque ipan sesen lado para motlatise iica moixtzajca. 4Moquechcuayo eltoc queja nopa huejcapantic torre tlen nel'ia cuali quichijchijqui David para ipan quiajcocuise tlatehuijca tepostli. Nopano quicuapilojtoque mil tepos tzajcayotl tlen iniaxca itlatequipanojcahua tlen m'as mosemacayayaj tlatehuise. 5Nopa ome mochichijhua eltoc queja ome cuachacaltzitzi tlen cuateme tlen tlacuajtinemij campa onca nopa xochitl lirio. 6Na niixtlejcos ipan nopa tepetl campa onca mirra huan nopa tlachiquili campa onca copali hasta tlanesis cuali huan ya panotos tzintlayohuilotl. 7Nel'ia tiyejyectzi, ta tlen nimitzicnel'ia. Tiyejyectzi tlen moicxihua hasta ipan motzonteco. Huan ax onca niyon se tlamantli tlen ax cuali ipan ta. 8"Xihuala nohuaya, tinosihua. Xihuala nohuaya tlen tlali L'ibano. Xitemo tlen nopa tepetl Amana huan tepetl Senir huan tepetl Herm'on. Xitemo tlen nopa cuatitlamitl campa onca leones huan leopardos. Xihuala nohuaya. 9Tinechichtequili noyolo, tinosihua, ta tlen nimitzicnel'ia. Tinechichtequili san ica motlachiyalis huan ica nopa costli tlen timotlalilijtoc moquechtla. 10Nel'ia nechpact'ia motlaicnelijcayo, tinosihua, ta tlen nimitzicnel'ia. Nel'ia tzopelic motlaicnelijcayo hasta quionpano nopa xocomeca atl. Motlaajhuiyacayo noja m'as ajhuiyac que nochi sequinoc tlaajhuiyacayotl. 11Tinosihua, motenxipal nel'ia tzopelic queja nectli. Huan tlatzintla tlen monenepil quisa nectli huan lechi. Huan moyoyo mijmiyot'ia ajhuiyac queja nopa cuatitlamitl huan tiocuatini tlen tlali L'ibano. 12"Tinosihua, tiitztoc queja se xochimili tlen cuali tlatzactli san para na. Tiitztoc queja se ameli tlen cuali tzactoc huan queja se ameyalotl tlen san na noaxca. 13Tiitztoc queja se yejyectzi xochimili campa chamani nopa granada huan temaca itlajca tlen ajhuiyac para ma nijcua. Tiitztoc queja se cuamili tlen alhe~na huan sequinoc tlatzopelcayotl tlen m'as ajhuiyac, 14queja nardos huan azafr'an, ohuatl tlen mijmiyot'ia ajhuiyac huan canela, huan nochi tlamantli cuatini tlen temaca copali, mirra huan 'aloes. Nochi tlen m'as ajhuiyac nijpant'ia ipan ta. 15Ta tiitztoc queja se ameli campa meya tlahuel miyac atl para quiatequis nopa xochimili. Tiitztoc queja se ameli tlen temaca atl tlen cuali huan quimaca yancuic yolistli tlen quiis. Tinechseselt'ia queja nopa atl tlen nopa pilatlajtzitzi tlen meya ipan tlali L'ibano." 16"Ma pehua ajaca nopa ajacatl tlen huala ica ajco huan nopa ajacatl tlen huala ica tlani. Ma tlailpitzaquij ipan noxochimil. Ma quichihuase ma momoyahua iajhuiyaca notlacayo para quinotzas yajaya tlen niquicnel'ia ma huala huan ma quicua tlen m'as tzopelic tlen itlajca."

will be added

X\