Song of Solomon 3

1"Ica tlayohua nijtemo ipan notlapech yajaya tlen nechicnel'ia. Nijtemo, pero ax nijpanti. 2Huajca nijmatqui nimejqui huan nijtemojtiyajqui ipan nochi nopa altepetl. Nijtemo yajaya tlen niquicnel'ia ipan nochi calles huan campa tianquis. Nijtemo, pero ax nijpanti. 3Huajca niquintlajtlani nopa tlacame tlen quimocuitlahu'iaj nopa altepetl huan niquinilhui: '¿Ax inquiitztoque yajaya tlen niquicnel'ia?' 4Huan sanoc nionpanotoya campa nopa tlamocuitlahuiani huan nijpanti yajaya tlen niquicnel'ia. Huajca niquitzqui ipan ima huan ayoc nijmajcajqui huan nijcalaquito ipan ichaj nonana. 5"Insihuame tlen altepetl Jerusal'en, xiquintestigojquetzaca nopa masame huan cuachacaltzitzi tlen nemij cuatitla para ax inquicochsosolose nopa telpocatl tlen niquicnel'ia. Xijcahuaca ma cochi hasta quema yajaya quinequis isas." 6"¿Ajqueya ne tlen huala ipan huactoc tlali tlen nejnentihuala tlatlajco poctli tlen moquetztoc? Motlalilijtoc miyac tlamantli tlaajhuiyacayotl ihuaya mirra huan copali. 7Xiquitaca. Ya ne icuacarro Salom'on. Quiyahualojtihualahuij 60 soldados tlen m'as yolchicahuaque huan m'as tlapejpenilme tlen tlali Israel. 8Quinmachtijtoque nochi yajuanti tlen quihualicaj machetes quejatza tlatehuise. Sesen tlen yajuanti motzinquechilpitoc imachete para motehuise ica tlayohua quema mahuilili. 9"Nopa Tlanahuatijquetl Salom'on mochihuili nopa cuacarro ica nopa cuatini tlen m'as cuajcualtzi tlen tlali L'ibano. 10Nopa tlaquetzali ipan icuacarro quichijchijqui tlen plata huan icuitlapantetonijca ica oro. Campa mosehu'ia quitlali yoyomitl tlen moradojtic. Huan nochi calijtic ipan nopa cuacarro quipiya se yoyomitl onpano yejyectzi tlen nopa sihuame tlen altepetl Jerusal'en quichihuilijque ica inintlaicnelijcayo." 11"Insihuame tlen altepetl Jerusal'en, xipanquisaca huan xijtlachiliquij ne Tlanahuatijquetl Salom'on. Yajaya quihuica ipan itzonteco nopa corona tlen inana quichijchihuili para ma quitequihuis ipan ni tonal quema mosihuajtis. Ni tonal elis quema m'as quipiyas paquilistli."

will be added

X\