Song of Solomon 2

1"Na niitztoc queja se xochitl tlen Sar'on. Quena, niitztoc queja nopa xochitl lirio tlen onca ipan tlamayamitl." 2"Quema ta tlen nimitzicnel'ia timopant'ia ininhuaya sequinoc ichpocame, tiitztoc queja se xochitl lirio tlen mopant'ia campa huitztli." 3"Quema ta tlen nimitzicnel'ia timopant'ia tlatlajco sequinoc tlacame, tiitztoc queja se manzana cuahuitl tlen mopant'ia ininhuaya sequinoc cuatini. Nel'ia nechpact'ia nimosehuis itzintla nopa manzana cuahuitl para ma nechecahuili. Huan nel'ia tzopelic nijmachil'ia itlajca. 4Ta tinechhuicac ipan mochaj tlen yejyectzi campa onca nochi tlen cuali para ma nijcua hasta niixhuis. Nopano tinechtlachili ica motlaicnelijcayo para nochi quimatise tinechicnel'ia. 5Xinechfuerzajmaca ica tortas tlen xocomecatl itlajca tlen huactoc huan xinechtlamaca ica manzanas pampa tlahuel nijnequi motlaicnelilis. 6Xijtlali moma arraves tlatzintla tlen notzonteco huan ica moma nejmatl xinechnajnahua." 7"Insihuame tlen altepetl Jerusal'en, xiquintestigojquetzaca nopa masame huan cuachacaltzitzi tlen nemij cuatitla para ax inquicochsolose nopa ichpocatl tlen niquicnel'ia. Xijcahuaca ma cochi hasta quema yajaya quinequis isas." 8"Ya huala yajaya tlen niquicnel'ia. Xiquitaca, ya huala. Nijcaqui para huitontihuala ipan cuatitlamitl huan campa tepetini. 9Yajaya tlen niquicnel'ia itztoc queja se oquich masatl o se oquich cuachacaltzi. Xiquitaca, ya ajsico huan moquetztoc nocalixpa. Hualtlachixtoc ipan noventana. 10"Huan yajaya nechilhui: 'Ximehua ta tlen nimitzicnel'ia, ta tlen tipilyejyectzi huan ma tiyaca. 11Ya panoc tonali quema tlahuel tlaseseya huan ayoc tlaahuetzi. 12Nochi xochitl ya cahuanij ipan cuatitlamitl. Ya ajsic tonali para huicase pilpalomajtzitzi. Quena, ya ajsic tonali para tlatotoniyas. 13Nopa higuera cuahuitl ya quipixtoc itlajca huan nopa xocomeca miltini ya xochiyohuaj huan ajhuiyac mijyot'iaj. Huajca ximehua ta tlen nimitzicnel'ia, ta tlen tlahuel tiyejyectzi huan ma tiyaca.' " 14"Tinopaloma tlen timotlat'ia ipan nopa tetini tlen huejhueyi huan campa mahuilili. Xinechcahuilisqu'ia ma niquita moxayac. Xinechcahuilisqu'ia ma nijcaqui motos tlen eltoc queja nijcuasqu'ia se tlatzopelcayotl. Quena, tlahuel nechpact'ia nijcaquis motos huan niquitas moxayac." 15"Xiquinmasiltica nopa cayochime tlen pilsiltzitzi tlen quixolehuaj toxocomecamil pampa toxocomecamil ya xochiyohua. Ma ax tleno quixolehuas totlaicnelijcayo se ica seyoc." 16"Nijmati yajaya tlen niquicnel'ia noaxca huan na niiaxca ya. Yajaya quinmocuitlahu'ia iborregojhua campa onca miyac xochitl tlen lirios. 17Xihuala ta tlen nimitzicnel'ia huan ximocahua hasta tlanesis huan mijcuinis tzintlayohuilotl, xihuala ta tlen nimitzicnel'ia. Xiitzto queja se oquich masatl o se oquich cuachacaltzi tlen motlalohua ipan tepetini."

will be added

X\