Song of Solomon 1

1Ya ni nopa huicatl tlen m'as yejyectzi tlen quicualtlali Salom'on. 2"Tinechtzoponisqu'ia ica mocamac pampa m'as cuali motlaicnelil que xocomeca atl. 3Nel'ia ajhuiyac motlaajhuiyacayo. Motoca nojquiya ajhuiyac queja se tlaajhuiyacayotl pampa nochi quimatij tijchijtihualajtoc tlen senquistoc cuali. Yeca tlahuel mitzicnel'iaj nochi sihuame. 4Tlanahuatijquetl, tinechhuicasqu'ia mohuaya. Tinechhuicasqu'ia ipan mochaj." "Tipaquij miyac para totlanahuatijca. Itlaicnelilis eltoc m'as cuali que xocomeca atl. Yeca tlahuel quiicnel'iaj nochi sihuame ipan icaltlanahuatil." 5"Insihuame tlen altepetl Jerusal'en, na niyayahuic, pero niyejyectzi. Nel'ia niyayahuic queja ininyoyoncalhua iixhuihua Cedar, pero niyejyectzi queja icortinas Salom'on. 6"Amo xinechcualancaitaca pampa niyayahuic pampa nechtlatijtoc tonati. Noicnihua cualanque nohuaya huan nechtlalijque ma nijmocuitlahui xocomeca miltini pero ax nimomocuitlahuijtoc ica noselti." 7"Tinechilhuisqu'ia ta tlen nimitzicnel'ia, ¿canque tiquinmocuitlahu'ia moborregojhua? ¿Canque tiquinsiyajcahua ica tlajcotona? Pampa ax quinamiqui nimocuapolojtinemis queja se nitlacanenca sihuatl huan fiero ninesis quema niajsis campa inintlapiyalhua mohuampoyohua." 8"Intla ax tijmati canque itztoc, ta tlen m'as tiyejyectzi tlen nochi yejyectzitzi sihuame, xiquintoquili iniicxihua nopa borregojme hasta campa itztoque nopa sequinoc tlamocuitlahuiani. Nopano xiquinmocuitlahui moborregojhua campa quichijchijtoque ininxajcal para tijmatis canque itztoc yajaya tlen tiquicnel'ia." 9"Ta tlen nimitzicnel'ia, nimitzita para pano tiyejyectzi. Tiitztoc tlen m'as yejyectzi tlen nochi ichpocame queja icahuayo Fara'on eltoc m'as cuali tlen nochi cahuayos huan quitilana icarro. 10Nel'ia yejyectzi mocampa. Huan mopijpilol achi m'as quinext'ia moyejca. Moquechcuayo nesi yejyectzi ica nopa costli tlen timotlalilijtoc ica nopa piltetzitzi tlen nelcuajcualtzi. 11Timitzchihuilise pijpiloli tlen tlahuel yejyectzi ica oro huan campa hueli tijtlatzquiltilise plata para timotlalilis." 12"Quema nopa tlanahuatijquetl noja mosehuijtoya campa imesa, notlaajhuiyacayo tlen nardo mijmiyotiyaya ajhuiyac huan tlamahuayaya campa hueli. 13Para na, yajaya tlen niquicnel'ia eltoc queja se quechtli tlen nopa tlaajhuiyacayotl mirra tlen nochipa huiyontoc noyolixco. 14Itztoc queja se tzontli nopa xochitl tlen alhe~na tlen nopa xochimili ipan altepetl En Gadi." 15"Tlahuel tipilyejyectzi, ta tlen nimitzicnel'ia. Quena, tlahuel tiyejyectzi. Moixtiyolhua nesi queja ome pilpalomajtzitzi." 16"Nel'ia tiyejyectzi ta tlen na nimitzicnel'ia. Quena, onpano ticuali." "Yejyectzi campa timotecaj para timosiyajcahuaj ipan ni sacapetlatl tlen xoxohuic. 17Eltoc queja nopa cuatetomitl tlen tochaj eltoc ni tiocuatini huan nopa tlapamitl eltoc ni cuatini tlen cipr'es."

will be added

X\