1 Iixpa Cristo nimechilhu'ia tlen nel'ia, huan ax niistlacati. Ipan noyolo nijmati para melahuac tlen nimechilhu'ia huan Itonal Toteco quimati para melahuac. 2 Mojmostla nijpiya hueyi cuesoli ipan noyolo huan nitlaijiyohu'ia 3 ipampa notlacajhua tlen san se toeso tijpiyaj, pampa inijuanti ax quineltocaj Cristo. Intla huelisqu'ia niquinmanahuisqu'ia na, nijchihuasqu'ia pampa tlahuel nijnequi niquinpalehuis. Intla quinpalehuisqu'ia para nimoiyocacahuasqu'ia tlen Cristo huan nimocuapolosqu'ia nepa mictla para niquinpatlasqu'ia, nijchihuasqu'ia. Pero ax hueli. 4 Toteco Dios quintlapejpeni israelitame para elise iconehua. Quinnextili itlatlanex. Quisencajqui tlajtoli ininhuaya. Quinmacac itlanahuatil. Quinnextili quejatza ma quihueyimatica. Huan Toteco quintencahuili miyac tlamantli para teipa quinmacas. 5 Huan tiisraelitame tiquinpixque tohuejcapan tatahua tlen huejcajquiya tlen tlaixmatilme para huejhueyi tlacame iixpa Toteco. Huan tlen nopa hueyi israelita tlacame tlacatqui Cristo queja se tlacatl, yonque yajaya Toteco huan quinahuat'ia nochi tlen onca. Ma tijhueyichihuaca Cristo para nochipa. Quej nopa ma eli. 6 Pero ax hueli timoilhuise para ax quisqui melahuac nochi tlen Toteco quintlajtolcahuilijtoc israelitame. ¡Ax ya nopa! Pero ax nochi iteipa ixhuihua Israel nel'ia itztoque israelitame huan iconehua Toteco. 7 Toteco ax quintlapejpeni nochi iteipa ixhuihua Abraham para elise iteipa ixhuihua tlen quiselisqu'iaj nopa tlatiochihualistli. Pero Toteco quiilhui Abraham: "Niquintlapejpenis iteipa ixhuihua motelpoca Isaac huan niquinitas para moconehua." 8 Huajca timomacaj cuenta para Toteco ax quinita para iconehua nochi tlen tlacatque ica ieso Abraham. Pero Toteco quitencahuili Abraham para quipiyasqu'ia Isaac. Huan Toteco quiijto quintlapejpenisqu'ia iteipa ixhuihua Isaac para quiselise itlatiochihualis pampa Isaac tlacatqui pampa Abraham quineltocac tlen Toteco quitencahuilijtoya. 9 Huan ya ni tlen Toteco quiijto quema quitencahuili Abraham tlen quimacasqu'ia, quiilhui: "Ne se xihuitl amanijca quema nimocuepas, mosihua Sara quipixtos se conetl." 10 Huan icone elqui Isaac, tohuejcapan tata, tlen teipa mosihuajti ihuaya Rebeca. Huan teipa Rebeca quinnemilti cuateme ipan itlacayo. 11 Huan quema aya tlacatiyayaj nopa cuateme, Toteco quimacac Rebeca se tlajtoli para quinextilis para yajaya ica ipaquilis quitlapejpen'ia ajqueya quitiochihuas, huan nochi pano queja yaja quitlapejpen'ia ma eli. Ax quitiochihua ipampa tlen cuali o ax cuali quichijtoc nopa tlacatl. 12 Huajca Toteco quiilhui Rebeca para Esa'u tlacatisqu'ia achtohui, pero Jacob, nopa teipa ejquetl, quinahuatisqu'ia. 13 Pampa ijcuilijtoc campa Toteco quiilhui Rebeca: "Niquicnel'ia Jacob, pero Esa'u, axtle." 14 Huajca ¿huelis tiquijtose para ax xitlahuac tlen Toteco quichihua pampa quitlapejpeni se huan nopa seyoc, axtle? Amo ximoilhuica queja nopa. 15 Pampa Toteco quipiya tequihuejcayotl para quichihuas tlen quinequi. Eltoc queja Toteco quiilhui Mois'es huejcajquiya: "Niquintlasojtlas tlen nijnequi niquintlasojtlas, huan ica inijuanti tlen nijnequi, nijpiyas hueyi noyolo." 16 Huajca Toteco ax quitlasojtla se tlacatl pampa nopa tlacatl queja nopa quinequi, o pampa nopa tlacatl tequiti chicahuac para quifuerzajhuis Toteco ma quitlasojtla. ¡Ax ya nopa! Toteco iselti quintlapejpen'ia ajqueya quintlasojtlas. 17 Yeca ijcuilijtoc ipan Itlajtol Toteco tlen Toteco quiilhui nopa Tlanahuatijquetl Fara'on: "Nimitztlalijtoc titlanahuatijquetl para nijchihuas tlanescayotl moixpa para ma monexti nochicahualis huan yeca nochi tlacame ipan tlaltepactli quimatise tlen na." 18 Huajca tiquitaj Toteco quitlasojtla tlen quinequi quitlasojtlas. Huan intla quinequi quiyoltetilis se tlacatl, quiyoltetil'ia. 19 Huajca huelis innechtlajtlanise: "¿Para tlen Toteco quintelhu'ia tlacame pampa axaca hueli quichihua seyoc tlamantli tlen ax queja Toteco quitlapejpenijtoc ma eli?" 20 Huan nimechnanquilisqu'ia: Ta san titlacatl. Ax huelis timocamaijixnamiquis ihuaya Toteco. Se comitl ax huelis quitlajtlanis nopa chachapalchijquetl: "¿Para tlen tinechchijqui queja nieltoc?" ¡Axtle! 21 Nopa chachapalchijquetl quipiya tequihuejcayotl para quichihuas tlen quinequi. Huelis ica se quentzi soquitl quichihuas se comitl para se tequitl tlen yejyectzi huan ica seyoc quentzi soquitl quichihuas se comitl para tlen hueli tequitl. 22 Toteco san se quipiya tequihuejcayotl. Huan huelis Toteco quinequiyaya quinnextilis fiero tlacame icualancayo para nochi ma quimatica ichicahualis, pero ax nimantzi quichijqui. Yajaya tlahuel quipixqui iyolo ininhuaya yonque quinamiquiyaya para quintlatzacuiltis. 23 Quej nopa quichijqui pampa quinequiyaya quichiyas para nochi tlacame ma quimatica onpano hueyi ihueyitilis, huan iteicnelijcayo ica tojuanti tlen techtlapejpenijtoc, huan techcualtlalijtoc para teipa techhuicas elhuicac campa tlatlanextli. 24 Huan ax technotzqui san tojuanti tiisraelitame para ma techtlasojtla, pero nojquiya inmechnotztoc intlacame tlen ax inisraelitame. 25 Ica intlacame tlen ax inisraelitame, Toteco quichijqui tlen huejcajquiya quiijto ipan iama nopa tiocamanalojquetl Oseas. Quiijtohua: "Niquinnotzas tlacame ma elica notlacajhua tlen ax eliyayaj notlacajhua. Huan inijuanti tlen achtohui ax niquinicneliyaya, ama niquinicnelis. 26 Huan ipan nopa tlali campa achtohui Toteco quinilhui para inijuanti ax itlacajhua, teipa nochi quiijtose: 'Iniconehua Toteco Dios tlen yoltoc.' " 27 Huan ica israelitame elis queja huejcajquiya nopa tiocamanalojquetl Isa'ias chicahuac quiijto: "Yonque israelitame momiyaquilise nel'ia miyac queja imiyaca xali nechca hueyi atl, san pilquentzi israelitame momaquixtise. 28 Pampa Toteco xitlahuac quintlajtolsencahuas tlacame huan nimantzi quintlatzacuiltis." 29 Huan ipan sejcoyoc Isa'ias quiijto: "Intla Toteco tlen quipiya nochi chicahualistli ax quipiyasqu'ia iyolo ica toteipa ixhuihua, huan ax quinequisqu'ia quincahuilis sequin ma itztoca, techtzontlamiltijtosqu'ia nochi tiisraelitame queja panoc ica nopa tlacame tlen itztoyaj ipan altepetini Sodoma huan Gomorra huejcajquiya." 30 Huajca ¿tlaque quiijtosnequi ya ni? Inijuanti tlen ax israelitame huan ax quitemohuayayaj quejatza mochihuase xitlahuaque iixpa Toteco, quisque xitlahuaque pampa quineltocaque tlen Toteco quinilhui huan yajaya quinchijqui xitlahuaque iixpa. 31 Pero nopa israelitame tlen quinequiyayaj mochihuase xitlahuaque iixpa Toteco pampa quichihuayayaj tlen nopa tlanahuatili quiijtojque, ax quisque xitlahuaque iixpa. 32 ¿Para tlen ax quisque xitlahuaque iixpa Toteco? Ax quisque xitlahuaque pampa quinequiyayaj elise xitlahuaque ipampa cuali tequitl tlen quichihuasqu'iaj. Ax quinequiyayaj para san quineltocase Cristo. Huajca inijuanti motepotlamijque huan mocuapolojque pampa Cristo eltoc queja se tetl ipan ojtli ica tlen tlacame ipan motepotlam'iaj. 33 Eltoc queja ijcuilijtoc ipan Itlajtol Toteco campa quiijtohua: "Xiquitaca, ipan altepetl Jerusal'en nijtlalis se tlacatl tlen elis queja se tetl campa tlacame motepotlamise. Motepotlamise pampa ax quinequise quineltocase, pero ajqueya quineltocas ax quema mopinahuas pampa quineltocac."
