ROMANOS 7

1Xijtlacaquilica noicnihua tlen inquinmatij itlanahuatilhua Mois'es. ¿Ax inquimatij para nopa tlanahuatili san quipiyaj tequihuejcayotl ica se tlacatl quema noja yoltoc? 2Queja nopa eltoc ica se sihuatl tlen quipiya ihuehue. Nopa tlanahuatili quiijtohua se sihuatl monequi itztos ihuaya ihuehue nochi iyolis. Pero intla ihuehue miquis, huajca nopa tlanahuatili tlen nenamictili ayoc quipiya tequihuejcayotl, huan nopa sihuatl malacantoc. 3Intla nopa sihuatl mosejcotilisqu'ia ihuaya seyoc tlacatl quema noja itztoya ihuehue, yajaya momecatijtosqu'ia. Pero quema ya mijqui ihuehue, nopa tlanahuatili ayoc quitzacuil'ia huan nopa sihuatl ax momecatis yonque monamictis ica seyoc tlacatl. 4Ica imojuanti nojquiya san se. Nochi nopa tlanahuatili ayoc quipiyaj chicahualistli ica imojuanti. Ximomacaca cuenta para inmijque iniixpa nopa tlanahuatili quema inmijque ipan nopa cuamapeli ihuaya Cristo. Huajca ama inmocahuaj intojtontoque tlen nopa tlanahuatili tlen achtohui inmechnahuatiyaya. Ama initztoque queja se sihuatl tlen sampa monamict'ia quema ya mijqui ihuehue. Ama inmochijtoque san se ica Cristo tlen Toteco Dios quiyoliti quema mictoya. Huan ama hueli tijchihuase nopa cuali tlamantli tlen Toteco quinequi ma tijchihuaca. 5Achtohui totlajtlacolchijca nacayo technahuatiyaya. Huan quema tijmatque nopa tlamantli tlen nopa tlanahuatili quiijtojque ma ax tijchihuaca, achi m'as techchihuili ma tijnequica tijchihuase nopa tlamantli. Huan nopa tlajtlacoli san tehualiquil'ia miquistli. 6Pero ama pampa timijque ihuaya Cristo, yajaya techmajcajtoc tlen itlanahuatil Mois'es para ma tiitztose titojtontoque huan yeca nopa tlanahuatili ayoc techpixtoc imaco para ma tijtequipanoca. Ama hueliya tijtequipanohuaj Toteco Dios ipan seyoc tlamantli ojtli tlen yancuic queja Itonal techpalehu'ia ma tijchihuaca. Ayoc tijtequipanohuaj pampa tiquimacasij tlen quiijtojque nopa tlanahuatili huejcajquiya. 7Huajca ¿tlaque quiijtosnequi ya ni? ¿Inmoilhu'iaj niquijtohua para ax cuali nopa tlanahuatili tlen Mois'es temacac? ¡Ax ya nopa! Cuali nopa tlanahuatili. Ax quema nijmachilijtosqu'ia tlaque se tlajtlacoli intla nopa tlanahuatili ax nechnextilijtosqu'iaj. Ax nijmajtosqu'ia intla ax cuali niquixtocas tlen seyoc iaxca intla nopa tlanahuatili ax quiijtojtosqu'ia: "Amo xiquixtoca tlen sequinoc iniaxca." 8Huan pampa se nitlajtlacolchijca tlacatl, quema nijmatqui nopa tlanahuatili quiijtohua ma ax nitlaixtoca, huajca achi m'as nijnequiyaya nochi tlen sequinoc quipixtoyaj. Pero intla ax oncasqu'ia nopa tlanahuatili, nopa tlajtlacoli ax quipiyasqu'ia m'as chicahualistli noca na. 9Noca na quema aya nijmatiyaya tlen quiijto nopa tlanahuatili, nimoilhui ninemiyaya cuali, pero quema nijmatqui nopa tlanahuatili, huajca nimomatqui para nieli se tlajtlacolchijquetl huan nijmatqui miquistli huan tlatzacuiltilistli nechchiyayaya. 10Yeca para na, nopa cuali tlanahuatili tlen eltoya para nechnextilis se yolistli tlen cuali, nechnextili para quinamiqui nimiquis. 11Huajca notlajtlacolchijca yolo quichijqui ma ax nijmachili, huan quitequihui nopa cuali tlanahuatili para nechcajcayahuas huan para nechchihuas ma nijhuica tlajtlacoli para nimiquis. 12Huajca tlatzejtzeloltic itlanahuatil Mois'es. Huan tlatzejtzeloltic, xitlahuac huan cuali nochi tlen technahuat'ia. 13Huan ax huelis tiquijtose nochi nopa cuali tlanahuatili quichijqui ma nimiqui. ¡Ax ya nopa! Timiquise pampa totlajtlacolchijca yolo quitequihui nopa cuali tlanahuatili para ma techhualiquili tlatzacuiltili. Yeca technextil'ia para tlahuel fiero totlajtlacolchijca yolo. Huan nopa tlanahuatili tlen cuali technextil'iaj para nel'ia tlahuel titlajtlacolchijca tlacame. 14Tijmatij para cuali nopa tlanahuatili huan ax itlajtlacol nopa tlanahuatili para nijpantis miquistli, pero notlajtlacol pampa san nitlajtlacolchijca tlacatl. Eltoc queja nimotemactili para nijtequipanos notlajtlacolchijca yolo. 15Ax nijmachil'ia tlen nijchihua. Nel'ia nijnequi nijchihuas tlen cuali, pero ax nijchihua. Pero nopa tlen nijcocol'ia, ya nopa nijchihua. 16Nijmati para ax cuali tlen nijchihua, huan queja nopa nijnext'ia para cuali nopa ojtli tlen nopa tlanahuatili techmacht'iaj. 17Huan niquita ax na tlen nijchihua tlen ax cuali, pero eltoc notlajtlacolchijca tlalnamiquilis tlen eltoc nopani tlen quichihua tlen fiero. 18Huan nijmati ipan notlajtlacolchijca yolo, ax tleno onca tlen cuali, pampa nijnequi nijchihuas tlen cuali, pero ax nihueli. 19Ax nijchihua nopa cuali tlamantli tlen nijnequi nijchihuas, pero ajachica nijchihua tlen ax cuali tlen ax nijnequi nijchihuas. 20Huajca, intla nijchihua tlen ax nijnequi nijchihuas, nijmachil'ia para ax nel'ia na nimochihuil'ia ma nitlajtlacolchihua. Pero eli nopa tlajtlacoli tlen eltoc ipan noyolo pampa nitlajtlacolchijca tlacatl, ya nopa tlen nechchihua ma nitlajtlacolchihua. 21Huajca niquita queja nopa eltoc ica titlacame. Onca tlajtlacoli ipan toyolo, huan yonque tijnequij tijchihuase tlen cuali, tijchihuaj tlen ax cuali. 22Pampa ipan noyolo nechpact'ia nijchihuas nopa tlen cuali tlen quiijtohuaj itlanahuatilhua Toteco, 23pero nochipa ipan na onca tlajtlacoli tlen quitehu'ia tlen cuali nijnequi nijchihuas ipan notlalnamiquilis. Huan queja se tlatequipanojquetl monequi quineltocas iteco, nopa tlajtlacoli nechchihua ma nitlajtlacolchihua. 24¡Nel'ia niteicnelti! ¿Ajqueya nechmaquixtis tlen ni yolistli tlen tlajtlacoli tlen nechhualiquil'ia miquistli? 25Tlascamati Toteco Dios. Tohueyiteco Jesucristo yajaya quichihua. Huajca na ica notlalnamiquilis nijtequipanohua Toteco huan nopa tlanahuatili, pero notlajtlacolchijca nacayo noja quinequi tlajtlacolchihuas.

will be added

X\