ROMANOS 4

1Huajca ¿tlaque tiquijtose tlen tohuejcapan tata Abraham tlen ica ya pejque nochi israelitame? ¿Quejatza mochijqui xitlahuac iixpa Toteco? 2Intla Toteco quiijtojtosqu'ia para Abraham itztoya xitlahuac iixpa pampa Abraham quichijtosqu'ia miyac tlamantli tlen cuali, huajca Abraham huelis mohueyimajtosqu'ia ica tlen quichijtosqu'ia. Pero ax neli. Iixpa Toteco ax tleno quichijqui Abraham tlen nel'ia cuali ica tlen huelisqu'ia mohueyimatis. 3Pampa Itlajtol Toteco quiijtohua: "Abraham quineltocac para temachtli panos tlen Toteco quiilhui para panos, huan yeca Toteco quichijqui xitlahuac iixpa." 4Intla se tlacatl tequiti huan iteco quitlaxtlahu'ia, huajca ax san tlapic quimaca itlaxtlahuil, pampa quitlantoc. 5Pero Toteco quiijtohua tlacame itztoque xitlahuaque iixpa intla motemachise ipan ya huan ax pampa quichihuaj miyac tlamantli tequitl tlen cuali. Quena, monequi quineltocase Toteco tlen quinchihua tlajtlacolchihuani ma elica xitlahuaque iixpa. 6San se nojquiya quiijto Tlanahuatijquetl David huejcajquiya, quema camatqui tlen quejatza tlahuel paquij tlacame tlen Toteco quinchihua ma itztoca xitlahuaque iixpa, yonque ax hueli quichihuaj tlen senquistoc cuali. 7Quiijto: "Nel'ia paquij nochi tlacame tlen Toteco quintlapojpolhuijtoc inintlaixpanolhua huan inintlajtlacolhua. 8Nel'ia paquij inijuanti tlen Toteco quiijtohua para ayoc quihuicaj tlajtlacoli iixpa." Quej nopa quiijto David. 9Huan ¿ajqueya inijuanti tlen paquij? ¿Inijuanti san israelitame tlen quipiyaj nopa tlanescayotl tlen itoca circuncisi'on ipan inintlacayo? ¡Ax neli! Nojquiya queja nopa paquij tlacame tlen ax quipiyaj nopa tlanescayotl. Pampa ya nimechilhui para Abraham quineltocac Toteco para temachtli panosqu'ia tlen Toteco quiilhui, huan yeca Toteco quiseli huan quiijto para elqui xitlahuac iixpa. 10¿Huan quejatza eltoya Abraham quema Toteco quichijqui xitlahuac iixpa? ¿Quichijqui xitlahuac quema Abraham ya motequilijtoya nopa tlanescayotl tlen itoca circuncisi'on, o quema aya motequilijtoya? Nimechilhu'ia, Toteco quichijqui Abraham xitlahuac iixpa quema aya motequiliyaya nopa tlanescayotl. 11Huan teipa Toteco quimacac Abraham nopa tlanescayotl tlen itoca circuncisi'on ipan itlacayo para se tlanescayotl para Toteco ya quichijtoya xitlahuac iixpa pampa quineltocac para temachtli tlen Toteco quiijtojtoya. Huajca yeca Abraham mochijqui queja totata, o yajaya tlen achtohui tlaneltocac tlen nochi tlaneltocani tlen ax quipiyaj nopa tlanescayotl, pero Toteco quinchijtoc xitlahuaque iixpa pampa quineltocaque. 12Huan Abraham nojquiya eltoc totata tiisraelitame tlen techtequilijtoque nopa tlanescayotl ipan totlacayo intla ax san timotemach'iaj ipan nopa tlanescayotl, pero nojquiya tijtoquil'iaj iojhui Abraham huan tijneltocaj para temachtli tlen Toteco quiijtohua queja Abraham quineltocac quema aya motequiliyaya. 13Toteco ax quitencahuili Abraham huan iixhuihua para quiselisqu'iaj ni tlaltepactli para iniaxca pampa quinneltoquilijque nopa tlanahuatili. Toteco quiijto quichihuasqu'ia pampa quineltoquilis ya, huan yeca itztoyaj xitlahuaque iixpa. 14Huan intla nopa tlacame tlen motemach'iaj ipan itlanahuatil Mois'es, ya quiselijtoyaj tlen Toteco quintencahuilijtoc; huajca san tlapic para ma tijneltocaca Tohueyiteco. Huan san tlapic elisqu'ia para Toteco techtencahuilisqu'ia techmacas se tlajquiya pampa axaca hueli quichihua nochi tlen itlanahuatilhua Mois'es quiijtohuaj. 15Quema onca se tlanahuatili, san quichihua para ma tijcualancamacaca Toteco pampa ax tiyajatij tijtlamichihuase, huan tiquixpanoj. San hueli tiitztose huan ax tiquixpanose se tlanahuatili, intla ax oncasqu'ia se tlanahuatili para ma tiquixpanoca. 16Huajca monequi tijneltocase Toteco para ma tijselica tlen techtencahuilijtoc techmacas san tlapic pampa hueyi iyolo tohuaya. Huan temachtli tijselise tlen techtencahuilijtoc yonque tiquintoquil'iaj nopa itlanahuatil Mois'es queja israelitame o axtle, intla nel'ia tijneltocaj Toteco queja Abraham quichijqui. Pampa nochi tlacame tlen tijneltocaj queja Abraham, yonque israelitame, o ax israelitame, nochi tiitztoque queja tiiteipa ixhuihua. 17Ya nopa tlen quinequi quiijtos campa ijcuilijtoc huejcajquiya tlen Toteco quiilhui Abraham, quiilhui: "Nimitzchijtoc tielis tiinintata nel'ia miyac xinachtli tlacame ipan campa hueli tlaltini." Ya ni panoc pampa Abraham quineltocac Toteco tlen quinyolit'ia tlen mictoque huan quinnahuat'ia ma yolica tlen aya yolij. 18Quema Toteco quiilhui Abraham para elis inintata tlahuel miyac xinachtli tlacame ipan miyac tlaltini, Abraham quineltocac para temachtli panosqu'ia tlen Toteco quiilhui. Quineltocac yonque ax quimachili quejatza huelisqu'ia panosqu'ia. Nojquiya Toteco quiilhuijtoya: "Moteipa ixhuihua elise queja ininmiyaca sitlalime." 19Huan Abraham ax caxanqui quineltoca Toteco yonque quimatqui ya panotoya xihuitl para quipiyas se icone pampa nechcatitoya para quipiyas cien xihuitl. Huan isihua Sara nojquiya panotoyaya xihuitl para huelis quipiyas se icone. 20Pero Abraham, niyon quentzi ax caxanqui quineltoca para panos nochi tlen Toteco quitencahuili. San achi m'as quineltocac tlen Toteco quiilhui, huan achi m'as motemachi ipan ya, huan ica ya nopa m'as monexti ihueyitilis Toteco. 21Abraham quimatiyaya para temachtli Toteco quipixqui chicahualistli para huelis quichihuas tlen hueli tlamantli tlen quitencahuilijtoya. 22Huan yeca pampa quineltocac Toteco, Toteco quiijto para Abraham itztoya xitlahuac iixpa. 23Pero ax san para ya, ijcuilijtoc ipan Itlajtol Toteco para Toteco quiseli Abraham huan quiijto para xitlahuac iixpa. 24Ijcuilijtoc nojquiya para tojuanti ma tijmatica para Toteco nojquiya techselis, huan quiijtos tlamiyacapa para tixitlahuaque iixpa intla timotemach'iaj ipan ya tlen quiyolcuic Tohueyiteco Jesucristo quema ya mictoya. 25Quena, motemactili Jesucristo para miquis para tlaxtlahuas totlajtlacolhua huan teipa moyoliti para Toteco Dios hueli techchihuas tixitlahuaque iixpa.

will be added

X\