ROMANOS 3

1Pero amo ximoilhuica ax tleno ipati pampa tojuanti tiisraelitame huan pampa techtequilijtoque nopa tlanescayotl tlen itoca circuncisi'on ipan totlacayo queja Toteco quiijto. 2Tlahuel miyac ipati. Achtohui ipati pampa Toteco techcahuilijtoc tiisraelitame Itlajtol. 3Huan ama, yonque sequin israelitame quitlahuelcajtoque tlen quiijtojque para quichihuase huan ayoc quineltocaj Toteco, ax quinequi quiijtos para ax temachtli Toteco Dios, huan para yajaya ax quichihuas tlen quiijtojtoc. 4¡Ax ya nopa! Toteco yajaya temachtli huan yonque nochi sequinoc istlacatij, yajaya ax quema istlacati. Eltoc queja ijcuilijtoc ipan Itlajtol Toteco campa quiijtohua tlen ya: "TiNoteco nempa nesi para xitlahuac nochi tlen tiquijtohua. Huan intla tlacame mitzhuicasqu'iaj iixpa se juez para mitztlajtolsencahuasqu'iaj ica tlen tiquijtojtoc, ta tiquintlanisqu'ia." 5Pero huelis se moilhuis para inintlajtlacolhua tlacame quipalehu'ia Toteco. Huelis se moilhuis quema tlacame istlacatij huan quichihuaj tlen ax cuali, quinext'ia para ax queja nopa quichihua Toteco. Quinext'iaj para Toteco itztoc nel'ia iyoca tlen tlajtlacoli huan yajaya nel'ia temachtli. Huajca huelis se moilhuis para ax xitlahuac para Toteco tetlatzacuiltis pampa inintlajtlacolhua quipalehu'ia Toteco para quinextis para yajaya nelcuali. Quej nopa moilhu'iaj sequin tlacame, pero ax melahuac. 6Ax huelis tiquijtose ya nopa. Pampa Toteco yajaya senquistoc xitlahuac, huan yeca yajaya quintlajtolsencahuas nochi tlacame ipan ni tlaltepactli. 7Pero huelis sequin imojuanti noja inmoilhu'iaj para quema se tlacatl istlacati, quinext'ia para Toteco itztoc nel'ia iyoca huan nel'ia temachtli. Huan yeca inmoilhu'iaj ax cuali para Toteco quitlatzacuiltis nopa tlacatl tlen istlacati pampa iistlacayo quipalehui Toteco. 8Pero ax neli. Tlen moilhu'ia queja nopa nel'ia huihuitic. Huelis yajaya nojquiya quiijtos ma titlajtlacolchihuaca noja m'as para ma nesi noja m'as cuali Toteco Dios. Huan sequin tlacame tlen istlacatij huan techtlaijilhu'iaj, quiijtohuaj nitlamacht'ia ya inon. Quinamiqui para tlacame tlen camatij queja nopa ma quiselica nopa tlatzacuiltilistli tlen quinchiya. 9Huajca tojuanti tiisraelitame ax neli tiitztoque achi cuali iixpa Toteco que sequinoc xinachtli tlacame. Nimechnextilijtoc para nochi yonque israelitame o ax israelitame, nochi tlacame quihuicaj tlajtlacoli iixpa. 10Eltoc queja ijcuilijtoc ipan Itlajtol Toteco campa quiijtohua: "Axaca quichihua tlen cuali iixpa Toteco, niyon se. 11Axaca nel'ia quimachil'ia Toteco. Axaca nel'ia quitemohua. 12Nochi tlacame mocuapolojtoque. Nochi quichijtoque tlen ax quinamiqui quichihuase. Axaca quichihua tlen nel'ia cuali. Niyon se. 13Tlen camatij nochi tlacame eltoc fiero queja quema quitlapohuaj campa quitoctoque se mijcatzi. Quej nopa fiero inincamac tlacame. Ica ininnenepil nochi istlacatij. Inintlajtol nelcococ queja quema tetzacan'ia se cohuatl tlen temict'ia. 14Tlacame san tlatelchijtinemij huan san cuajcualantoque. 15San quinejnectoque temictise. 16Campa hueli yohuij, quintlaijiyohuilt'iaj huan quincuesolmacaj sequinoc. 17Ax quimatij quejatza quipantis nopa ojtli tlen tlasehuilistli tlen Toteco temaca. 18Ax moilhu'iaj intla monequi ma quitlepanita huan ma quiimacasica Toteco Dios." Quej nopa ijcuilijtoc ipan Itlajtol Toteco. 19Tojuanti tijmatij para nochi tlen itlanahuatil Mois'es tlamacht'iaj, eltoc para techmachtis tiisraelitame para ma tijmachilica para tijhuicaj tlajtlacoli iixpa Toteco, huan para ayoc huelis timohueyimatise quema ticamatij queja tiitztosqu'iaj ticuajcualme, pampa ax neli. Nochi tlen itztoque ipan ni tlaltepactli quichiyaj para Toteco quintlajtolsencahuas pampa quihuicaj tlajtlacoli iixpa. 20Axaca se tlacatl tlen mochijtoc xitlahuac iixpa Toteco san pampa quineltoquilijtinemi nochi tlen quiijtohuaj nopa tlanahuatili. Pampa quema achi m'as tiquixmatij itlanahuatilhua, achi m'as nochi nopa tlanahuatili techmachilt'iaj totlajtlacolhua huan para ax neli tijchihuaj nochi tlen quiijtohuaj. 21Pero ama Toteco Dios technextilijtoc seyoc ojtli para techchihuas tixitlahuaque iixpa huan ax ica nopa miyac tlanahuatili. Itlajtol Toteco tlen huejcajquiya techyolmelahua quejatza quichihuas. 22Toteco Dios techchihua tixitlahuaque iixpa quema tijneltocaj Jesucristo. Quena, nochi tlacame tlen quineltocaj mochihuaj xitlahuaque iixpa Toteco pampa Toteco ax quinchicoicnel'ia san sequin inieso tlacame. 23Pampa nochi tlacame tlajtlacolchijtoque. Axaca senquistoc cuali queja Toteco tlen nel'ia cuajcualtzi hasta quipiya itlatlanex. 24Pero hueyi iyolo Toteco ica tojuanti huan yajaya techchihua ma tiitztoca tixitlahuaque iixpa san tlapic, pampa Jesucristo ya tlaxtlajqui totlahuiquilis ipampa totlajtlacolhua quema mijqui. 25Quena, Toteco Dios quitlali Jesucristo para quiselis nopa tlatzacuiltilistli ipampa totlajtlacolhua, para ica ya nopa ma quitlamiltis icualancayo Toteco tohuaya. Huan Toteco techchihua tixitlahuaque iixpa quema tijneltocaj para Cristo mijqui huan quitoyajqui ieso topampa tojuanti. Huejcajquiya nesiyaya para Toteco Dios ax quichihuayaya tlen xitlahuac pampa quipixqui iyolo huan ax quitlachili inintlajtlacolhua tlacame. Pero ama tiquitaj para nel'ia xitlahuac Toteco, pampa yajaya san quichiyayaya ma huala Cristo tlen nel'ia tlaxtlahuas ipampa inintlajtlacol nochi tlacame. 26Ipan ni tonali Toteco technextilijtoc para yajaya nel'ia xitlahuac. Huan yajaya tlen quinchihua tlacame ma itztoca xitlahuaque iixpa intla quineltocaj tlen Jes'us quichijqui ininpampa. 27Huajca ¿huelis timohueyimatise huan tiquijtose tlen tijchijtoque para timochihuase tixitlahuaque iixpa Toteco? Ax tihueli. Pampa ax tiitztoque tixitlahuaque iixpa pampa tijchijtoque tlen cuali, pero Toteco techchihua tixitlahuaque iixpa quema tijneltocaj Jesucristo. 28Huajca tijmachil'iaj para Toteco techchihua ma tiitztoca tixitlahuaque iixpa intla tijneltocaj Jesucristo, yonque ax tijchijtoque nochi tlen quiijtohuaj itlanahuatilhua Mois'es. 29¿Huan Toteco san toTeco tiisraelitame pero ax ininTeco tlacame tlen ax israelitame? ¡Ax neli! Yajaya Toteco tiisraelitame huan nojquiya ininTeco tlen ax israelitame. 30Pampa Toteco Dios san setzi huan san se ojtli para tiitztose xitlahuac iixpa. Yajaya techchihua tixitlahuaque iixpa tiisraelitame huan tlen ax israelitame quema tijneltocaj Cristo. 31Huan ama pampa tijneltocaj Cristo, ¿huelis tiquijtose ayoc tijchihuase tlen cuali technahuat'ia nochi nopa tlanahuatili? ¡Axtle! ¡Ax ya nopa! Ama, achi m'as tijchihuase nochi tlen cuali tlen nopa tlanahuatili quinequiyaya technextilise.

will be added

X\