ROMANOS 16

1Se tosihua icni, itoca Febe, yas nopona inmechitati. Yajaya se tlapalehuijquetl ipan nopa tiopa tlen tlaneltocani ipan altepetl Cencrea. Nijnequi xiquixmatica, 2huan xijselica ipan Tohueyiteco queja quinamiqui para tojuanti tlen tiiaxcahua Toteco ma timoselica. Huan xijpalehuica Febe ica tlen hueli tlamantli tlen quipolohua, pampa yajaya quinpalehuijtoc miyac tlaneltocani huan nojquiya nechpalehuijtoc. 3Xiquintlajpaloca Priscila huan Aquila tlen tequitij nohuaya ipan itequi Cristo Jes'us. 4Inijuanti motemacaque huan nechmanahuijque, yonque hueltosqu'iaj mictosqu'iaj nohuaya. Huan niquintlascamati ica tlen quichijque. Huan nojquiya quintlascamatil'iaj nochi tiopantini tlen tlaneltocani tlen ax israelitame tlen mosentil'iaj campa hueli. 5Nojquiya xiquintlajpaloca nopa tlasentilistli tlen toicnihua tlen mosentil'iaj ipan ininchaj Priscila huan Aquila. Xijtlajpaloca Epeneto tlen niquicnel'ia. Yajaya nopa achtohui tlali Acaya ejquetl tlen quineltocac Cristo. 6Xijtlajpaloca Mar'ia tlen tequititoc chicahuac imopampa. 7Xiquintlajpaloca nochampoyohua Andr'onico huan Junias tlen itztoyaj nohuaya ipan tlatzactli. Nochi itlayolmelajcahua Toteco nel'ia quintlepanitaj miyac. Inijuanti tlayacanque motemachijque ipan Cristo quema aya nijneltocayaya. 8Xijtlajpaloca Amplias tlen niquicnel'ia ipan Toteco. 9Xijtlajpaloca Urbano tlen tequiti nohuaya ipan itequi Cristo Jes'us. Huan xijtlajpaloca Estaquis tlen niquicnel'ia. 10Xijtlajpaloca Apeles tlen quistoc cuali iixpa Toteco. Xiquintlajpaloca nopa tlaneltocani tlen mosentil'iaj ipan ichaj Arist'obulo. 11Xijtlajpaloca Herodi'on, nochampoyohua. Xiquintlajpaloca tlen quineltocaj Tohueyiteco ipan ichaj Narciso. 12Xiquintlajpaloca nopa sihuame Trifena huan Trifosa tlen chicahuac tequitij para Toteco. Xijtlajpaloca P'ersida tlen nochi tojuanti tiquicnel'iaj. Yajaya tequitic miyac ipan itequi Tohueyiteco. 13Xijtlajpaloca Rufo tlen Toteco quitlapejpenijtoc para elis iaxca. Nojquiya xijtlajpaloca inana tlen mochijtoc queja nonana. 14Xiquintlajpaloca As'incrito, Flegonte, Hermas, Patrobas, Hermes huan toicnihua tlen itztoque ininhuaya. 15Nojquiya xiquintlajpaloca Fil'ologo, Julia, Olimpas, Nereo huan isihua icni huan nochi tlen itztoque ininhuaya tlen iaxcahua Toteco. 16Ximotlajpaloca huan ximotzoponica ica tlatlepanitacayotl tlen tlatzejtzeloltic pampa inmoicnel'iaj ipan Cristo. Nochi itiopahua Cristo tlen mosentil'iaj campa hueli inmechontlajpalohuaj. 17Nojquiya, nimechilhu'ia, noicnihua, xijtlachilica ajqueya inijuanti tlen quinequij inmechtlajcoxelose huan quinequij quincuapolose tlaneltocani ica tlamachtilistli tlen ax queja inmomachtijtoque. Xiquinhuejcacahuaca. 18Pampa tlacame queja nopa ax quitequipanohuaj Tohueyiteco Cristo, pero san quichihuaj tlen inijuanti quinequij ipan ininyolo. Camatij yejyectzi huan quinyejyectlal'iaj tlen ax quimatij itlajtol Toteco para huelis quincajcayahuase. 19Pero nochi quicactoque para inquichihuaj tlen Toteco quinequi, huan inquichihuaj ma nipaqui miyac. Nijnequi xielica inneltlalnamiquini para nimantzi inquichihuase nochi tlen cuali, pero ximochihuaca queja inhuihuime tlen ax inquimatij quejatza inquichihuase tlen ax cuali. 20Ax huejcahuas para Toteco Dios tlen techmaca tlasehuilistli quitzonpechis Axcualtlacatl tlatzintla imoicxihua. Tohueyiteco Jes'us ma quipiya hueyi iyolo ica imojuanti. 21Timoteo tlen tequiti nohuaya inmechontlajpalohua. Huan nojquiya inmechontlajpalohuaj nochampoyohua Lucio, Jas'on huan Sos'ipater. 22Na niTercio tlen niquijcuilohua tlen Pablo nechilhuijtiyajqui, nojquiya nimechtlajpalohua ipan Tohueyiteco. 23Nojquiya inmechontlajpalohua Gayo tlen nechcahuil'ia ma nimocahua ipan ichaj. Huan nojquiya quincahuil'ia nochi nopa tiopamitl tlen tlaneltocani tlen nica ehuaj ma mosentilica nica. Erasto nopa tesorero tlen toaltepe inmechontlajpalohua huan nojquiya iicni Cuarto. 24Tohueyiteco Jesucristo ma quipiya hueyi iyolo ica nochi imojuanti. Quej nopa ma eli. 25Ma tijpaquilismacaca Toteco tlen huelis inmechchihuas intemachme queja quiijtohua ni cuali tlajtoli tlen Jesucristo tlen nimechilhuijtoc. Pampa nimechnextilijtoc Toteco quinequi quinmaquixtis tlen ax israelitame huan huejcajquiya axaca quimatiyaya ya ni pampa noja eltoya ixtacatzi. 26Pero ama Toteco technextilijtoc ni tlamantli tlen huejcajquiya itiocamanalojcahua quiijcuilojque para panos. Huan ama tlanahuatijtoc Toteco tlen itztoc para nochipa para nochi inieso tlacame ipan nochi tlaltini ma quimatica ni tlajtoli quejatza Jesucristo quinmaquixtis para inijuanti huelis quineltocase huan quichihuase tlen ya quinequi. 27¡Ma tijhueyichihuaca Toteco Dios pampa san ya iyojtzi itztoc Dios, huan san ya nochi quimachil'ia! Ma tijhueyichihuaca para nochipa ica itlapalehuil Jesucristo. Quej nopa ma eli.

will be added

X\