Psalms 75

1¡Timitztlascamatij, Toteco Dios, pampa tiitztoc tonechca! Pampa tlacame tepohuil'iaj nochi huejhueyi chicahualnescayotl tlen tijchijtoc. 2Huan Toteco Dios quiijtohua: "Quena, quema ya nimocualtlalijtos, na niquixtlalis se tonal. ¡Huan niquintlatzacuiltis queja quinamiqui nochi nopa tlaixpanoca tlacame! 3Yonque ni tlaltepactli mojmolinis huan nochi tlacame huihuipicase, itlaquetzalhua ax huetzise pampa na niquinquetztoc cuali ipan ininlugar." 4Niquinilhui tlacame tlen mohueyimatij ma ax mohuihuinequica. Huan niquinilhui tlaixpanoca tlacame ma ax mohueyimatica. 5Niquinilhuijtoc tlen quipiyaj chicahualistli ma ax tetlamiijilhuica. Huan quema incamatij, amo ximoyacaquetzaca para inmohueyimatise. 6Pampa san Toteco hueli tehueyitlal'ia. Axaca tlen huala tlen campa quisa tonati, o ica campa oncalaqui, o campa huactoc tlali huelis quihueyitlalis se tlacatl. ¡Axtle! 7San Toteco Dios itztoc Juez. San yajaya nopa tetlajtolsencajquetl tlen hueli tehueyitlal'ia huan temaca chicahualistli. Huan sequin tlacame quinhueyitlal'ia huan sequin quinicnotlal'ia. 8Toteco quipixtoc imaco se caxitl tlen temitoc ica huino tlen nel'ia cococ. Huan ya nopa eltoc nopa tlatzacuiltili tlen quintitlanilis tlaixpanoca tlacame ipan ni tlaltepactli. Huan monequis quiise hasta quitlamise ica nochi itetejtzo. 9Pero na para nochipa nitepohuilis nochi tlen quichijtoc Toteco Dios, yajaya tlen iTeco Jacob. 10Yajaya quiijtohua: "Na nijtlamiltis ininchicahualis nopa fiero tlacame, pero tlen itztoque xitlahuaque noja niquinmacas m'as chicahualistli."

will be added

X\