Psalms 65

1Toteco Dios, san ta quinamiqui ma timitzhueyimatica, ta tlen tiitztoc ipan altepetl Jerusal'en. Huan quinamiqui ma timitzmacaca nochi tlen timitztlajtolcahuilijtoque timitzmacase. 2Ta titechnanquil'ia quema timomaijtohuaj huan titechmaca tlen timitztlajtlan'iaj, huajca nochi tlacame ipan tlaltepactli ma hualaca campa ta. 3Yonque toyolo temitoc ica tlajtlacoli, ta titechtlapojpolhu'ia nochi totlaixpanolhua. 4¡Nel'ia tipaquij miyac tojuanti tlen titechtlapejpenijtoc para ma tihualaca, huan ma tiitztoquij mohuaya ipan motiopa tlen tlatzejtzeloltic! ¡Ta titechmacas hueyi paquilistli huan nochi tlen cuali tlen onca nopano! 5Quema timitztlajtlan'iaj se tlamantli, ta titechnanquil'ia ica huejhueyi tlamantli. Toteco Dios, nochi tlacame ipan tlaltepactli motemach'iaj ipan ta. Quena, yonque itztoque hasta campa ontlantoc hueyi atl, nochi motemach'iaj para ta tiquinpalehuis. 6Ta ica mohueyi chicahualis tiquinchijchijqui nopa tepetini huan tiquintlatzquilti campa eltoc. 7Ta tijseselt'ia nopa hueyi atl quema mosisin'ia. Huan tiquinyoltlal'ia tlacame campa hueli quema quinequij motehuise. 8¡Yeca nochi tlacame tlen itztoque hasta campa ontlantoc tlaltepactli, mitztlepanitaj huan mitzimacasij para mitzixpanose quema quiitaj nopa huejhueyi tlamantli tlen tijchihua! Tijchihua para tlacame ma paquica tlen quema tlanesi huan hasta quema tlayohuiya. 9Ta ticatequ'ia ni tlaltepactli para ma tlaelilti, ica nopa atemitl tlen ta moaxca tlen ax quema huaquij. Ta tijcualtlal'ia ni tlali para motlacajhua ma quitocaca ininxinach, huan teipa tijchihua para ma onca se hueyi pixquistli. 10Ta tijxolon'ia ica miyac atl nopa surcos ipan mila. Tijchihua ma huetzi atl para ma yaman'ia nopa tlali huan ma poxoni nopa tlaltojtolomitl. Huan tijchihua para ma ixhua nochi tlamantli tlatoctli ipan nochi tlaltepactli. 11Teipa sesen xihuitl tijtlamilt'ia ica se pixquistli tlen nel'ia yejyectzi. Huan nopa mixtli tijchihua para tlaahuetzilt'ia miyac. 12Onca sacatl ipan huactoc tlali, huan campa tlaixtemolis moscalt'iaj cuajcuali xihuitl, huan temacaj ininxochiyo. Nesi queja moscalt'iaj ica miyac paquilistli. 13Ta tijchijtoc para nochi potreros ma temica ica borregojme para quicuase nopa sacatl. Huan ipan nochi nopa tlamayamitl motlanantoc trigo mili. Eltoc queja nochi tlen ta tijchijtoc ipan tlaltepactli tzajtzij ica paquilistli huan huicaj.

will be added

X\