Psalms 62

1Na san ipan Toteco Dios nimochiya para yajaya ma nechmanahui, pampa san ya hueli temaquixt'ia. 2Nimotlat'ia ipan ya para ax tleno nechajsis. San yajaya nechmaquixt'ia huan nechmocuitlahu'ia quema huala tlaohuijcayotl. Ax tleno hueli nechpanos. 3Pero ¬Ņhasta quema tlamis nocualancaitacahua nechtehuise? Ayoc nijpiya m'as chicahualistli queja tlanahuatijquetl ipan notlanahuatilis. Nocualancaitacahua quisencahuaj quejatza huelis nechmajcahuase. Nechitaj queja se nitlapepecholi o nitepamitl tlen nihuetzisnequiya. 4Quena, san moilhu'iaj san sejco quejatza huelis nechtzontlamiltise. Quinpact'ia quitlacaquilise istlacayotl huan tlacajcayahualistli. Ica inincamac nechcamahu'iaj yejyectzi, pero ipan ininyolo nechtelchihuaj. 5Pero na san nimochiya ipan Toteco Dios, san nimochiya para yajaya ma nechmanahui, pampa san ya hueli temaquixt'ia. 6Nimotlat'ia ipan ya para ax tleno nechajsis. San yajaya nechmaquixt'ia huan nechmocuitlahu'ia quema huala tlaohuijcayotl, yeca san ipan ya nimotemach'ia. 7San Toteco Dios hueli nechmaquixtis huan sampa nechhueyitlalis iniixpa sequinoc. Yajaya nechtlat'ia huan nechfuerzajmaca. Nechmocuitlahu'ia para ma ax nechajsi tlen fiero. 8¬°Innotlacajhua, nochipa ximotemachica ipan Toteco Dios! Xijpohuilica nochi tlen eltoc ipan imoyolo, pampa san yajaya hueli techmocuitlahuis ica tlen ax cuali. 9Ax tleno nel'ia ininpati tlacame iixpa Toteco, yonque tlen tominpiyaj o tlen teicneltzitzi. Intla se quintlalisqu'ia ipan balanza para quinyejyecosqu'ia intla etique queja se tlamantli tlen tlahuel ipati, momacas cuenta para melahuac ax etique pampa tlacame itztoque san queja ajacatl. 10Tlacame, amo ximoilhuica para intlatehuise para inquitlanise m'as tomi. Amo ximoilhuica para intlaxtequise para inmoricojchihuase. Huan intla inmochihuase rico, amo ximohueyimatica, niyon amo ximotemachica ipan imotomi. 11Nijmati ya ni, pampa miyac hueltas Toteco Dios nechilhuijtoc: san yajaya quipiya nochi chicahualistli. 12San ta, Toteco, titeicnel'ia mojmostla. Huan tiquintlaxtlahu'ia sesen tlacatl queja quinamiqui ica tlen quichijtoque.

will be added

X\