Psalms 52

1¡Xijtlacaquili ta tlen timoilhu'ia para tlahuel tihueyi! ¿Para tlen timohueyimati ica tlen fiero tiquinchihuili itlacajhua Toteco Dios? Toteco Dios quipixtoc iteicnelilis para nochipa. 2Pero ta nochipa timoyolilhu'ia san tlen fiero tiquinchihuilis sequinoc. Huan nochi istlacayotl tlen quisa mocamaco eli queja se cuchillo tlen tlahuel tlatequi. 3Achi m'as mitzpact'ia tijchihuas tlen fiero huan ax tlen cuali. Huan nojquiya achi m'as mitzpact'ia istlacayotl huan ax tlen melahuac. 4Mitzpact'ia titeistlacahuis. Huan mitzpact'ia tiquijtos tlajtoli tlen tecocohua. ¡Tiistlacatica tlacatl! 5Yeca Toteco Dios mitztzontlamiltis para nochipa. Mitzhuahuatatzas para mitzquixtis tlen mochaj, huan ayoc tiitztos ipan ni tlaltepactli campa itztoque tlacame. 6Nochi tlacame tlen quitlepanitaj Toteco, quiitase tlen yajaya quichihuilis nopa fiero tlacatl, huan momajmatise. Huajca inijuanti quihuetzquilise huan quiijtose: 7"Xiquitaca tlen ipantic ne tlacatl tlen ax quitlepanita Toteco Dios. San motemachi ipan itomi huan nochi tlamantli pajpatiyo tlen yajaya quipiya, huan quichijtinenqui tlen ax cuali." 8Pero na cuali niijcatoc queja se olivo cuahuitl, huan Toteco nechyahualohua para nechmocuitlahuis. Na nimotemach'ia ipan Toteco para yajaya ma nechtlasojtla nochipa. 9NoTeco Dios, na nochipa nimitztlascamatis ipampa nochi nopa cuali tlamantli tlen tijchijtoc. Huan san ipan ta nimochiyas para tinechtlasojtlas, pampa nochi quimatij para ta nel'ia tijpiya hueyi moyolo ica tlen moaxcahua.

will be added

X\