Psalms 47

1Nochi intlacame ximomatlajtlaxcaloca. Xijpaquilismacaca Toteco Dios huan xihuicaca chicahuac. 2Pampa TOTECO yajaya tlen m'as hueyi huan temajmati. Yajaya nopa hueyi tlanahuatijquetl tlen quinahuat'ia nochi ni tlaltepactli. 3Quintzontlamilti pilaltepetzitzi toixtla huan quitlalijtoc nochi tlaltini tomaco para tiquinnahuatise. Yeca tojuanti tlahuel tipaquij. 4Yajaya quitlapejpenijtoc ni tlali para techaxcatis. Techmaca tlen m'as cuali pampa techicnel'ia tojuanti tiitlacajhua. 5Toteco Dios tlejcotoc campa tlanahuat'ia. Nochi tzajtziyaya ica paquilistli huan tlapitzayayaj ica tlapitzali quema TOTECO calaquiyaya. 6Xihuicaca tiohuicatl para ma tijpaquilismacaca Toteco Dios. Xijhuicatica pampa yajaya totlanahuatijca. 7Toteco Dios, yajaya nopa tlanahuatijquetl tlen quinahuat'ia nochi ni tlaltepactli. Xijcualtlalica se huicatl tlen yejyectzi huan xijhuicatica. 8Toteco Dios mosehuijtoc ipan isiyaj tlatzejtzeloltic, huan tlanahuat'ia ipan nochi tlaltini. 9Nopa huejhueyi tlacame tlen quipiyaj tlanahuatili ipan campa hueli tlali ipan ni tlaltepactli mosejcotil'iaj tohuaya. Quinequij para ma san sejco tijhueyichihuase Toteco Dios, yajaya tlen iTeco Abraham tlen huejcajquiya itztoya. 10Iaxca ya nochi tlanahuatiani huan ininsoldados campa hueli ipan tlaltepactli, huan inijuanti quihueyitlepanitaj.

will be added

X\