Psalms 4

1Toteco Dios, ta tinechchijtoc nixitlahuac moixpa, Nimitztlajtlan'ia, xinechnanquili quema nimitznojnotza. Ta tlen nochipa tinechpalehu'ia quema nitlaijiyohu'ia, ama sampa xinechtlasojtla huan xijcaqui quema nimomaijtohua. 2Huan Toteco quinanquili: "Intlacame, xijtlacaquilica ya ni: ¿Hasta quema tlamis para noca inpaquise, tlen m'as quinamiqui nijselis tlatlepanitacayotl? ¿Hasta quema tlamis inquinhueyichihuase tlaixcopincayome tlen ax neli ya Tecojtli? ¿Hasta quema tlamis inmocahuilise ma inmechcajcayahuaca?" 3Intlacame, xijmatica ya ni. TOTECO techiyocatlalijtoc para tiiaxcahuaj nochi tojuanti tlen techcojtoc. Huan yajaya nechtlacaquil'ia quema nijnojnotza huan nechchihuil'ia tlen nijtlajtlan'ia. 4Yonque inhuihuipicaj ica cualantli, amo xitlajtlacolchihuaca. Quema inmotectose ipan imotlapech huan ax tleno molin'ia, ximoyolilhuica tlen eltoc ipan imoyolo. 5Xijchihuaca tlen quinequi TOTECO huan ya nopa elis queja inquimacasqu'iaj se tlacajcahualistli tlen quipact'ia. Quena, ximotemachica ipan ya. 6Miyac quiijtohuaj: "Axaca huelis techpalehuis." Pero ta tihueli, TOTECO. Titechcualita huan titechtiochihua. 7Ta tijtlalijtoc ipan noyolo m'as paquilistli, huan ax queja tlen quipiyaj tlacame tlen quipixcaj miyac trigo, o quipiyaj miyac xocomecatl iayo. 8Yeca na nimotecas ica paquilistli ipan noyolo huan ica cuali nicochis, pampa nijmati san ta, TOTECO, tinechmanahu'ia huan axaca huelis tleno nechchihuilis.

will be added

X\