Psalms 20

1Ma TOTECO mitztlacaquili quema timocuesohua. Ma mitzmanahui nopa Dios tlen huejcajquiya quimanahui Jacob. 2Hasta campa yajaya itztoc ipan ichaj, ma quititlani tlapalehuili tlen quisa tlen altepetl Jerusal'en. 3Ma quiilnamiqui nochi motlacajcahualis tlen tijmacatoc. Ma moilhui tlen nopa tlacajcahualistli tlen tijtlati iixtla huan tlen yajaya quiseli ica paquilistli. 4Ma mitzmacas nopa tlen moyolo quinequi. Ma quichihua ma quisa cuali nochi tlen timoilhuijtoc tijchihuas. 5Queja nopa tojuanti titzajtzise ica paquilistli pampa ta titlatlantoc, huan tijtlalanase banderas ica itoca Toteco Dios pampa mitzpalehuijtoc. Quena, TOTECO ma mitzmaca nochi tlen tijtlajtlanijtoc. 6Cuali nijmati para TOTECO nechmaquixt'ia niitlanahuatijca tlen nechtlapejpenijtoc. Hasta tlen nepa elhuicac campa nel'ia tlatzejtzeloltic nechhualpalehuijtoc, huan nechchihua ma nitlatlani ica ichicahualis. 7Tlacame ipan sequinoc tlaltini motemach'iaj ipan inincarros huan inincahuajhua para momaquixtise quema onca tlatehuijcayotl. Pero tojuanti timotemach'iaj ipan TOTECO toDios. 8Inijuanti tlaijiyohuise huan huetzise, pero tojuanti timotlalanase huan noja tijpiyase fuerza. 9Toteco Dios, xijchihuas ma nitlatlani, na nimotlanahuatijca. Xinechnanquili quema timitznojnotzaj.

will be added

X\