Psalms 146

1Na nijhueyimatis TOTECO ica nochi noyolo. 2Nochi tonali ipan noyolis nijpaquilismacas TOTECO. Nihuicas tiohuicatl para noTeco Dios hasta nimiquis. 3Amo ximotemachica ipan huejhueyi tlacame tlen quipiyaj tequihuejcayotl, niyon ipan se tlen hueli tlacatl pampa niyon se tlacatl ax huelis mitzmaquixtis. 4Pampa se tonal miquise nochi tlacame huan mocuepase tlali. Quena, tlamis iniijiyo huan ininyolis, huan ica se tlalochtli tlamis nochi tlen moilhuijtoyaj quichihuase. 5Pero nel'ia paqui nopa tlacatl tlen quipixtoc queja itlapalehuijca yajaya tlen iTeco Jacob, huan san ipan TOTECO iDios motemach'ia para quimocuitlahuis. 6Yajaya tlen quichijchijqui elhuicactli, tlaltepactli, hueyi atl huan nochi tlen itztoque nopano. Yajaya tlen quichihua nochi tlen quitlajtolcajtoc para quichihuas. 7TOTECO quinchihuil'ia tlen xitlahuac nochi teicneltzitzi tlen sequinoc quintlaijiyohuilt'iaj. Huan quintlamaca tlen mayanaj. Quinchihua ma yaca malacantoque tlen tzactoque yonque ax tleno quichijtoque. 8TOTECO quintlachiyalt'ia popoyotzitzi. Quintlalana tlen nechca itztoque para huetzise. Huan quinicnel'ia tlen monejnemilt'iaj xitlahuac iixtla. 9TOTECO quinmocuitlahu'ia nopa sejcoyoc ehuani. Yajaya quinmocuitlahu'ia tlen icnotzitzi huan tlen cahual toahuihua. Pero yajaya quixolehua tlen quisencahuaj tlacame tlen ax quitlepanitaj. 10TOTECO tlanahuatis para nochipa. Imojuanti ipan altepetl Jerusal'en, imoTeco Dios elis nopa Tlanahuatijquetl, tlen quinnahuatis nochi tlacame tlen tlacajtiyase para nochipa. ¬°Paquilistli!

will be added

X\