Psalms 130

1TOTECO, quema nimopant'ia ipan se hueyi tlaohuijcayotl, na nimitztzajtzil'ia para xinechtitlanilis motlapalehuil. 2Toteco, xinechtlacaquili quema nimitznojnotza. Xinechchihuili cuenta tlen nimitztlajtlan'ia huan xinechpalehui. 3TOTECO, intla tiquilnamiquisqu'ia nochi totlajtlacolhua, axaca huelisqu'ia moquetzas moixtla. 4Pero ta nel'ia titetlapojpolhu'ia, para nochi tlacame ma mitztlepanitaca. 5Na nimochiya ipan ta, TOTECO, para tinechpalehuis, Quena, ica nochi noyolo nimotemach'ia ipan nopa tlen tinechtlajtolcahuilijtoc ipan motlajtol. 6Ipan noalma senquistoc nitlachixtoc para ta, TOTECO, xitequiti. Nitlachixtoc para tinechpalehuis, queja nopa tlamocuitlahuiani quichiyaj ma tlanesi. Quena, m'as nitlachixtoc huan ax queja tlamocuitlahuiani tlen tlahuel quinequij ma tlanesi. 7Nochi inisraelitame, ximotemachica ipan TOTECO, pampa san yajaya quipiya hueyi iyolo huan san yajaya temaquixt'ia ajachica. 8Yajaya quinmaquixtis israelitame tlen nochi inintlajtlacolhua.

will be added

X\