Psalms 128

1Nel'ia paqui nopa tlacatl tlen quiimacasi huan quitlepanita TOTECO. Quena, paqui tlen nemi xitlahuac ipan iojhui. 2Quiselis itlaxtlahuil pampa tequiti cuali. Yajaya paquis miyac huan nochi tlen quichihuas quisas cuali. 3Isihua paquis ipan ichaj. Yajaya elis queja se cuali xocomeca tzontli tlen achi m'as quimocuitlahu'iaj, huan tlen temaca miyac itlajca. Quinpiyas miyac ininconehua tlen mosehuise campa imesa huan quipiyase miyac chicahualistli. Quena, itztose queja olivo cuatini tlen nel'ia cuali. 4Queja nopa TOTECO quitiochihuas nopa tlacatl tlen quiimacasi huan quitlepanita. 5TOTECO quitiochihuas tlen altepetl Sion. Quicahuilis para quiitas para nochi eltoc cuali ipan Jerusal'en nochi tonali tlen iyolis. 6Quicahuilis para itztos hasta quinitas iixhuihua. ¡Toteco quimacas tlasehuilistli nopa tlali Israel!

will be added

X\