Psalms 127

1Intla TOTECO ax quitlalana se cali tlen tlacame quichihuasnequij, san tlapic inintequi tlen nopano tequitij. Intla TOTECO ax quimocuitlahu'ia se altepetl, san tlapic inintequi nopa tlacame tlen nopano tlamocuitlahu'iaj. 2San tlapic inmehuase cualca para intequitise chicahuac huan ax inmosiyajcahuase hasta tlajcoyohual. San tlapic para ica miyac cuesoli inquitemojtinemise imotlacualis huan san ya nopa inquimatise. Pampa Toteco Dios quinequi ximotemachica ipan ya huan xicochica cuali. Yajaya quinmacas nochi tlen quinicnel'ia nochi tlen monequi. 3Toconehua itztoque se regalo tlen TOTECO. Quena, tlen tlacatij tlen totlacayo eltoc queja se tlatlancayotl. 4Nopa coneme tlen se quinpiya quema noja se telpoca tlacatl, itztoque queja miyac cuatlamintli tlen quintequihu'ia se soldado para ica momanahuis ipan tlatehuijcayotl. 5Cuali ipanti se tlacatl tlen quinpiya miyac iconehua. Nopa tlacatl ax mopinahuas intla icualancaitacahua quitelhu'iaj iixtla se juez, pampa nochi quitlepanitase tlen quinpiyas para ica momanahuis.

will be added

X\