Psalms 122

1Na nipajqui quema nechilhuijque: "Ma tiyacajya ichaj TOTECO." 2Pero ama ya tiitztoque nica ipan altepetl Jerusal'en. Quena, ya ticalactoque campa ipuertas ipan nopa tepamitl. 3Jerusal'en quisencajtoque para nopano nochi ma mosentilica. 4Nochi itlacajhua TOTECO ipan tlen hueli hueyi familia tlen israelitame hualahuij nica sesen xihuitl, para quitlascamatise huan quipaquilismacase Toteco senquistoc queja quiijtohua itlajtol. 5Pampa nopano mosehu'ia para tetlajtolsencahuas nopa tlanahuatijquetl tlen iixhui David. 6Ximomaijtoca ica TOTECO para ma onca tlasehuilistli ipan altepetl Jerusal'en. Xijtiochihua Jerusal'en ica ni tlajtoli: 7"Ma itztoca cuali nochi tlen quiicnel'iaj ni altepetl Jerusal'en. Ma onca tlasehuilistli ica calijtic nopa tepamitl tlen quiyahualohua. Ma itztoca ica paquilistli ipan nochi tequicaltini." 8Pampa niquinicnel'ia noicnihua huan nohuampoyohua tlen itztoque nica, niquijtohua: "Ma quipiya tlasehuilistli ni altepetl. 9Pampa niquicnel'ia ichaj TOTECO tlen mocahua nica, ma onca tlasehuilistli ipan ni altepetl."

will be added

X\