Psalms 121

1Quema nijtlalanas noxayac huan nitlachiyas ipan nopa tepetini, nimoilhu'ia: "¿Canque huala notlapalehuil?" 2Notlapalehuil huala tlen TOTECO, yajaya tlen quichijchijqui elhuicactli huan tlaltepactli. 3Yajaya ax quema mitzcahuilis para timotepotlamis o tihuetzis. Yajaya mitzmocuitlahuis huan ax monequi cochis. 4Quena, TOTECO tlen quinmocuitlahu'ia israelitame ax ixijcopi, niyon ax cochi. 5TOTECO yajaya mitzmocuitlahu'ia. Yajaya itztoc monechca para mitzmanahuis. 6Yajaya mitzmocuitlahu'ia tonaya huan tlayohua. 7TOTECO mitzmocuitlahuis para ax mitzajsis niyon se tlamantli tlen ax cuali. Quena, yajaya quimocuitlahuis moyolis. 8TOTECO yajaya mitzmocuitlahuis campa hueli tiyas o tihualas, ama huan para nochipa.

will be added

X\