Psalms 12

1Xitechpalehui, TOTECO, pampa ayoc aca tlen nel'ia mitzneltoquil'ia. Ayoc acajme tlacame tlen quiijtohuaj tlen melahuac. 2Se ica seyoc moistlacahu'iaj. Quipiyaj ome ininxayac queja nojquiya quipatlaj inintlajtol. 3TOTECO quintzontlamiltis nochi tlen quipiyaj ome ininxayac huan tlen mohueyimatij quema camatij. 4Quintzontlamiltis tlen quiijtohuaj: "San ica totlajtol titlatlanise. Intla tijnequij tiistlacatise, tojuanti tijmatij. Axaca huelis technahuatis." 5Pero quej ni quiijtojtoc TOTECO: "Inijuanti tlen teicneltzitzi huan tlen ax quipiyaj fuerza nechtzajtzil'iaj ipampa nopa fiero tlacame tlen quintlaijiyohuilt'iaj. Yeca ama nimotlalanas para niquinpalehuis. Niquinmaquixtis ininmaco tlen quincocol'iaj." 6Nel'ia temachtli tlen quiijtohua TOTECO. Itlajtol senquistoc melahuac. Quena, eltoc queja se cuali plata tlen quinelicxitijtoque, huan quipajpactoque miyac hueltas hasta senquistoc cuali. 7TOTECO, ta titechmocuitlahu'ia. Titechmanahuis para nochipa ica tlacame tlen ax cuajcualme queja ama itztoque. 8Quena, yonque mosisinijca tlacame mooquichmajtinemij campa hueli huan nochi tlacame san quipatiitaj tlen ax cuali, Ta titechmocuitlahu'ia.

will be added

X\