Psalms 116

1Nel'ia niquicnel'ia TOTECO pampa yajaya nechtlacaquil'ia quema nimomaijtohua huan nechnanquil'ia. 2Huan pampa mohuijtzoma huan nechnanquil'ia, nimomaijtos ica ya nochi tonali quema niyoltos. 3Nechyahualojtoya miquistli. Nijmachiliyaya queja niitztosqu'ia ipan tlacoyoctli, pampa nechajsic miyac cuesoli queja nimiquiyaya. 4Huajca nijtzajtzili TOTECO huan niquilhui: "TOTECO, xinechmanahui." 5¡TOTECO nel'ia cuali iyolo! ¡Yajaya senquistoc xitlahuac! ¡Toteco tlahuel tetlasojtla! 6TOTECO quinmocuitlahu'ia tlen moicnonequij huan itztoque queja coneme. Na ya nimictinemiyaya huan yajaya nechmanahui. 7Ama huelis nimosiyajcahuas pampa TOTECO nechchihuilijtoc tlen cuali. 8Nechmanahuijtoc imaco miquistli, quihuatztoc noixayo huan nechpalehuijtoc para ma ax nihuetzi ipan tlajtlacoli. 9Ipan ni tlaltepactli campa itztoque tlacame, nimonejnemiltis xitlahuac iixtla TOTECO. 10Na nijneltocayaya Toteco huajca niquijto: "Nitlaijiyohu'ia miyac, Toteco." 11Huan quema ayoc nijmatiyaya tlachque nijchihuas, niquijto: "Nochi tlacame san istlacatij." 12Huan ama ya niitztoc cuali. ¿Quejatza huelis nijtlaxtlahuis TOTECO ipampa nochi tlen nechchihuilijtoc? 13Nijhualiquilis xocomecatl iayo queja se tlacajcahualistli, huan nijhueyimatis TOTECO pampa nechmaquixtijtoc. 14Tlamiyacapa nijhualiquilis TOTECO nopa tlacajcahualistli tlen nijtlajtolcahuili nijmacas. 15TOTECO quiita para tlahuel ipati ininyolis itlacajhua tlen quinicnel'ia, huan ax quincahuil'ia miquise san quej hueli. 16TOTECO, na nimotlatequipanojca, quena, niicone se nonana tlen nojquiya mitztequipano. Huan tinechmanahuijtoc tlen campa niilpitoya. 17Nimitzpaquilismacas huan nimitztlascamatis huan ta tiquitas queja elisqu'ia se tlacajcahualistli. 18Tlamiyacapa nijhualiquilis TOTECO nopa tlacajcahualistli tlen nijtlajtolcahuili nijmacas. 19Quena, nijmacas TOTECO nopano ipan icalixpa ichaj tlen eltoc ipan altepetl Jerusal'en. ¡Paquilistli!

will be added

X\