Psalms 108

1¡NoTeco Dios, noyolo mocualtlalijtoc para nimitzhueyimatis! Nipaquis huan nihuicas tiohuicatl moixtla ica nochi noyolo. 2¡Quena, na nihuicas huan nitlatzotzonas ipan noguitarra huan noarpa! Ica paquilistli na nihuicas ijnaltzi quema aya tlanesi. 3Nimitzpaquilismacas, TOTECO, campa hueli iniixtla tlacame tlen nochi altepetini, huan nimitzhueyimatis iniixtla tlacame tlen nochi tlaltini. 4Pampa ta tlahuel titemachtli huan onpano miyac moteicnelijcayo, hasta quionajsi ihuejcapanca elhuicactli. 5Ma nochi mitzhueyimatica nepa elhuicac, Toteco Dios. Huan ipan nochi tlaltepactli ma quisentlachilica tlacame mohueyitilis. 6Xijtlacaquili quejatza mitztzajtzil'iaj moconehua tlen tiquinicnel'ia. Xihuala ica miyac chicahualistli huan xinechmanahuiqui. 7Toteco Dios camatqui ipan itiopa huan quiijto: "Ica paquilistli nijxelos tlali Siquem huan nopa tlamayamitl tlen itoca Sucot. 8Pampa na noaxca tlali Galaad huan Manas'es. Nosoldados hualase ipan tlali Efra'in. Huan notlanahuatijcahua hualase ipan tlali Jud'a. 9Pero tlen itztoque ipan tlali Moab huan Edom nechtequipanose, huan nitzajtzis ica paquilistli quema niquintlantos nopa filisteos." 10¿Ajqueya nechmacas chicahualistli para niquintlanis nopa altepetini tlen moyahualtzactoque ica tepamitl? ¿Ajqueya nechyacanas para nicalaquis ipan tlali Edom? 11¿Atlac titechtlahuelcajtoc? ¿Ax elis ta, tiToteco Dios, tlen titechyacanas huan tiyas ica nosoldados para titlatehuitij? 12Xitechpalehui para tiquintlanise tocualancaitacahua pampa san motlapalehuil ipati. Ax ipati yonque miyac tlacame techpalehuisqu'iaj intla ta, axtle. 13Pero ica ta motlapalehuil tijchihuase huejhueyi tlamantli. Pampa san mopampa ta ipan hueli timoquejquetzase tocualancaitacahua.

will be added

X\