1 Ya ni nopa tlalnamijca tlajtoli tlen quiijto Agur icone Jaqu'e tlen ejqui Mas'a. Agur quiijcuilo ya ni para Itiel huan Ucal: 2 Tlahuel m'as nihuihuitic que sequinoc tlacame. Ax nijmachil'ia tlamantli tlen onca queja sequinoc tlamachil'iaj. 3 Na ax nijpantijtoc tlalnamiquilistli tlen eltoc ipan ni tlaltepactli, ¿quejatza huelis niquixmatis TOTECO tlen tlatzejtzeloltic? 4 San yajaya TOTECO tlejcotoc hasta elhuicac huan sampa hualtemoc. San ya quitzacuil'ia ajacatl ica ima huan quiilp'ia hueyi atl ipan ipayo. San yajaya quichijchijqui tlaltepactli huan nochi tlen onca. ¿Tijmati tlachque itoca huan tlachque itoca icone? 5 Temachtli nochi itlajtol TOTECO huan tlen quiijtohua, mochihuas. Yajaya quinmanahu'ia nochi tlen motemach'iaj ipan ya. 6 Amo xijmiyaquili tlen yajaya quiijtojtoc. Yajaya huelis mitztlacahualtis chicahuac huan quinextilis para tiistlacatiquetl. 7 NoTeco, nimitztlajtlan'ia ome tlamantli quema noja niitztoc. Se favor xinechnanquili huan xinechchihuili tlen niquijtohua. 8 Achtohui xinechpalehui para ax nimohueyimatis, niyon ax niistlacatis. Nojquiya amo xinechricojtili, niyon amo xinechpobrejchihua. San xinechmaca tlen ica nipanotos mojmostla. 9 Pampa intla nimoricojchihuas, huelis teipa nimohueyimatis huan nimoilhuis para ax monequi nimotemachis ipan ta TOTECO. Huan intla nimochihuas tlahuel niteicneltzi, huelis nitlachtequis huan nimitzixpanos. 10 Amo quema xijtlaijilhui se tequihuejquetl iixpa iteco, pampa huelis mitztelchihuas huan mitztlaijiyohuiltis. 11 Itztoque sequin tlacame tlen quintelchihuaj inintatahua. Ax quema quintlascamatil'iaj. 12 Yajuanti moitaj para tlahuel cuajcualme huan para quichihuaj nochi tlen tlapajpactic, pero nel'ia itztoque soquiyojque iixpa TOTECO huan miyac inintlajtlacolhua. 13 Nopa tlacame tlahuel mohueyimatij huan motlepanitaj hasta quinitaj sequinoc queja ax tleno ininpati. 14 Tlacame queja nopa quihuicaj machetes queja imiyaca totlancochhua para ica quintzontlamiltise teicneltzitzi. Quena, nochi tlen teicneltzitzi huan tlen ax tleno quipiyaj quinequij quinmictise. 15 Onca miyac tlamantli queja nopa tlalocuili tlen quinequi tlapijpiyas m'as mojmostla. Quena, nimitznextilis nahui tlamantli tlen ax quema tlami ixhuij, huan ax quema quiijtohuaj: "Ya cuali." 16 Mictla nochipa quinsel'ia m'as mijcatzitzi. Se sihuatl tlen ax hueli conepiya, nochipa quinequi se conetl. Huactoc tlali nochipa quinequi m'as atl, huan tlitl nochipa quitemohua m'as tlamantli para quitlatis. 17 Aqui quincualancaita o quinhuetzquil'ia itatahua, quipantise tzopilome huan cuajme tlen quiquixtilise iixtiyolhua huan quicuase. 18 Huan onca nahui tlamantli tlen na ax hueli nijmachil'ia, huan tlen ica san nijsentlachil'ia: 19 se cuajtli tlen patlani ipan ajacatl, se cohuatl tlen mohuahuatatzti ipan huejhueyi tetl, nopa cuaacali tlen yohui aixco ipan hueyi atl tlen huejcatla, huan quejatza se tlacatl mojmostla m'as quiicnelis nopa ichpocatl tlen quiixtoca. 20 Nojquiya ax hueli nijmachil'ia quejatza se sihuatl hueli quinamaca itlacayo, huan teipa tlacua huan motenpojpohua, huan quiijtohua: "Ax tleno tlen ax cuali nijchijtoc." 21 Huan itztoque nahui tlamantli tlen quichihuaj ma momajmatica tlacame, huan tlen yajuanti quichihuaj ax hueli quiijiyohu'iaj: 22 se tequihuejquetl tlen mochihua se tlanahuatijquetl, se tlacatl huihuitic tlen quipiya nochi tlen quinequi hasta mocahua tlen iaxca huan nelmohueyimati, 23 se sihuatl tlen nochi quicualancaitaj huan teipa monamict'ia, huan se sihua tequihuejquetl tlen quicuil'ia ihuehue nopa sihuatl tlen quitequipanohuayaya. 24 Itztoque nahui piltlapiyaltzitzi ipan tlaltepactli tlen pilsiltzitzi, pero tlahuel tlalnamiquij hasta quinonpano tlalnamiquini ica inintlalnamijcayo. 25 Tlalnamiquij tzicame pampa yonque ax quipiyaj miyac chicahualistli, quisentil'iaj inintlacualis quema tlatotoniya. 26 Tlalnamiquij cuatochime tlen itztoque campa tetl, pampa yonque ax quipiyaj fuerza, quichihuaj inintepasol tecacahuaya campa tetzala. 27 Tlalnamiquij pilchapoltzitzi pampa yonque ax quipiyaj inintlayacanca, nejnemij nochi ica pamitl campa yohuij. 28 Tlalnamiquij nopa tocame pampa yonque ax ohui para tiquitzquis ica moma, mopant'iaj campa hueli hasta ipan icaltlanahuatil se tlanahuatijquetl. 29 Itztoque nahui tlamantli tlen nel'ia moneltlal'iaj huan monemilt'iaj queja se hueyi tlanahuatijquetl: 30 se le'on tecuani tlen m'as tetic que sequinoc tlapiyalime, yajaya ax cholohua pampa ax tleno quimajmat'ia; 31 se cuapelech tlen tomahuac imetz, se oquich chivo, huan se hueyi tlanahuatijquetl quema quinyacana isoldados. 32 Intla ica mohuihuiyo timohueyimajtoc huan timoyolilhuijtoc para tijchihuas tlen ax cuali, ximopinahua ica tlen timoilhuijtoc huan xijtlali moma ipan mocamac, niyon se tlamantli ax cuali xijchihua. 33 Intla tijmanelos chicahuac nopa lechi, temachtli tijchihuas mantequilla. Huan intla tijtepachos chicahuac se tlacatl iyacatzol, temachtli quisas estli. Huan intla tijcualancamacas seyoc, temachtli inmotehuise.
