Proverbs 28

1Se tlacatl tlen ax quitlepanita TOTECO cholohua yonque axaca quitojtoca, pero se tlen monejnemilt'ia xitlahuac moneltlal'ia queja se le'on tecuani. 2Quema tlahuel tlajtlacolchihuaj itlacajhua se tlali, momiyaquilise inintlanahuatijcahua huan inintlal huelis tlatzintlanhuetzis. Pero quema tlanahuat'ia se tlacatl tlen itztoc xitlahuac huan tlalnamiqui, onca temachili ipan se tlali. 3Quema se tlacatl tlen teicneltzi quintlachtequil'ia tlen m'as teicneltzitzi que ya, eltoc queja onpano chicahuac huetzi atl huan quitlaminenpolohua nochi mili huan ax quicahua sintli para oncas tlaxcali. 4Tlacame tlen ax quitlepanitaj tlanahuatili quinyolchicahuaj tlen ax cuajcualme, pero tlen quichihuaj tlen quiijtohua tlanahuatili quinfuerzajtlamilt'ia. 5Ax cuajcualme ax quimachil'iaj quejatza huelis mochihuas tlen xitlahuac ipan se tlali, pero tlen quitemohuaj TOTECO huan quichihuaj tlen ipaquilis quimachil'iaj nochi tlamantli. 6M'as cuali tielis se teicneltzi tlen monejnemilt'ia xitlahuac, huan ax se tlapijpixquetl tlen fiero iojhui. 7Se tlalnamijca telpocatl quintlepanita itlanahuatilhua TOTECO, pero se telpocatl tlen nemi ininhuaya tlen ax tequitij huan nochi se tonal tlacuaj quipinahualt'ia itata. 8Se tlen quintlanejt'ia itomi pilteicneltzitzi huan quininama itlanca para m'as huelis moricojchihuas, quipolos iricojyo. Itomi ajsis imaco seyoc tlen hueyi iyolo ica tlen teicneltzitzi. 9Intla se tlacatl ax quitlepanita itlanahuatilhua TOTECO, TOTECO ax quitlacaquilis quema momaijtohua. 10Se tlacatl tlen quihuica seyoc tlen itztoc xitlahuac ipan se ojtli tlen ax cuali, huetzis ipan nopa ostotl tlen quisencahuayaya para seyoc. Pero tlen quinyolchicahua cuajcualme para m'as ma quichihuaca tlen xitlahuac, quiselis itlaxtlahuil. 11Se tlapijpixquetl motlepanita huan moilhu'ia para tlalnamiqui, pero se teicneltzi tlen tlalnamiqui nimantzi quimati para ax neli. 12Quema cuajcualme tlatlanij, nochi tlacame yolpaquij. Pero quema motlejcolt'iaj tlacame tlen fiero inintlalnamiquilis, nochi momajmat'iaj huan motlat'iaj. 13Aqui quitlat'ia itlajtlacolhua ax cualquisas, pero aqui quipohuil'ia TOTECO nochi itlajtlacolhua huan quicahua, TOTECO quitlapojpolhuis. 14TOTECO quitiochihuas nopa tlacatl tlen yamanic iyolo huan quitlepanita TOTECO, pero se tlacatl tlen yoltetic huan ax quichihuil'ia cuenta TOTECO huetzis ipan tlen ax cuali. 15Intla se tlanahuatijquetl tlen ax quitlepanita TOTECO quipiya tequihuejcayotl ica tlacame tlen teicneltzitzi, nel'ia mahuilili. Yajaya quintzajtziltis queja se le'on tecuani tlen mayana o se oso tlen mosisin'ia huan nanalca pampa aya tlacuajtoc. 16Se tlanahuatijquetl tlen huihuitic quintlaijiyohuilt'ia itlacajhua, pero se tlen quintlepanita itlacajhua huan ax quiixtoca quitlanis tomi tlen ax quinamiqui, huejcahuas iyolis para tlanahuatis. 17Se temictijquetl tlen quimachil'ia para fiero quichijtoc quema temicti nochipa cholojtinemis tlen nopa tlajtlacoli tlen quihuica hasta nopa tonali quema miquis. Ma axaca quichihua campeca para quitzacuilis itlacuajcualol. 18Tlen monejnemilt'ia xitlahuac ax quipantis tlen fiero, pero tlen quichihua tlen ax xitlahuac nimantzi huetzis. 19Aqui tequiti chicahuac ipan imila quipiyas hasta mocahuas itlacualis, pero tlen san motonalpolohuaj ica tlamantli tlen ax tleno ipati mopantise teicneltzitzi. 20Se tlacatl tlen itztoc temachtli quiselis miyac tlatiochihualistli, pero aqui quinequi moricojchihuas ica se tlalochtli mohualiquilis tlaohuijcayotl. 21Ax cuali para se acajya quichicoicnelis se tlacatl huan seyoc, axtle. Monequi ma quinchihuili nochi tlacame queja tlen quiijtohua tlanahuatili. Pero sequin tlajtlacolchihuase huan tlachicoicnelise ipampa se tlaxtlahuili tlen san ipati queja se pantzi. 22Se tlacatl tlen nochi tlamantli quiixtoca quinequisqu'ia moricojchihuas san ica se tlalochtli. Pero ax quimati queja nopa m'as mochihuas teicneltzi. 23Se tlen quitlacahualt'ia ihuampo quema monequi elis m'as inelhuampo teipa, que seyoc tlen san quiyejyectlal'ia ica itlajtol pampa ax quinequi quiilhuis tlen xitlahuac. 24Aqui quitlachtequil'ia itata o inana huan quiijtohua para ya nopa ax tlajtlacoli, eli san se ica se temictijquetl. 25Aqui quiixtoca moaxcatis tlen seyoc iaxca nimantzi quiyolit'ia cualantli, pero aqui motemach'ia ipan TOTECO quipiyas nochi tlen cuali. 26Aqui motemach'ia ipan yajaya iselti nel'ia huihuitic, pero aqui motemach'ia ipan nopa tlalnamiquilistli tlen TOTECO temaca, momanahuis tlen tlaohuijcayotl. 27Aqui quinpalehu'ia tlen teicneltzitzi ax quema quipolos tlen ica panos, pero aqui moixtzacua huan moyoltetil'ia para ax quinpalehuis tlen teicneltzi quipantis miyac tlatelchihualistli. 28Quema ax cuajcualme quiitzqu'iaj tequihuejcayotl para tlanahuatise, tlacame motlat'iaj ica majmajtli. Pero quema nopa ax cuali tequitini mopant'iaj ica miquistli, momiyaquil'iaj tlacame tlen itztoque xitlahuaque.

will be added

X\