Proverbs 18

1Se tlen itzcuinti moiyocacahua tlen sequinoc tlacame pampa san moilhu'ia tlen yajaya iselti quinequi. Monajnanquil'ia ica nochi tlen cuali inintlalnamiquilis. 2Tlacame tlen huihuitique ax quinequij tlamachilise, san quinequij tematiltise tlen moilhu'iaj. 3Se tlacatl tlen fiero iyolis quimati tetlaijilhuis huan tlahuihuiita. Nimantzi pehua tepinahualt'ia huan tlanajnanquil'ia pampa ayoc tleno quitlepanita. 4Itlajtol se tlacatl tlen tlalnamiqui eltoc queja atentli tlen tlahuel huejcatla ica se atl tlen temaca se cuali yolistli. Queja meya miyac atl ipan se ameli, itlajtol tepalehu'ia huan temaca tlalnamiquilistli. 5Tlajtlacoli intla se juez quipalehuis tlen ax cuali quichihua. Nojquiya ax cuali intla se juez quitlatzacuilt'ia se tlen ax tleno quichijtoc. 6Tlen huihuime quiijtohuaj ajachica quipehualt'ia tlanajnanquilistli. Inintlajtol quihualica miyac tlatehuijcayotl. 7Ica icamac se tlen huihuitic monenpolos. Ica tlen quiijtohua moijilp'ia ipan tlaohuijcayotl. 8Itlajtol se tlen ixtacatzi mitzilhuis se tlajtoli para quitlaijilhuis seyoc, eltoc queja se tlamantli ajhuiyac ipan mocamac, pero para tlen quitlaijilhu'ia, calaqui hasta m'as ipan iyolijtic para quicocos. 9Se tlacatl tlen tlatzihui ipan itequi san se eltoc ica se tlen quixolehua tlen iaxca iteco. 10TOTECO eltoc queja se huejcapantic tepancali campa tlacame hueli momanahuise. Cuajcualme yohuij campa TOTECO huan ayoc aca hueli quincocos. 11Tlen tominpiyaj moilhu'iaj para inintomi temachtli huelis quinmanahuis tlen miquistli. Ipan inintlalnamiquilis inintomi quinmaca temachili queja se hueyi altepetl tlen cuali tzactoc ica se tepamitl tlen tilahuac, pero mocajcayajtoque. 12Quema se tlacatl mohueyimati, huetzis ipan pinahualistli, pero quema se moechcapantlal'ia, quihualiquil'ia tlatlepanitacayotl. 13Nel'ia se huihuiyotl huan se pinahualistli intla titlananquilis quema noja aya tijcactoc nochi tlen quichihuaj campeca para mitzilhuise. 14Se tlacatl hueli quiijiyohuis se cocolistli ipan itlacayo, pero intla se tlahuel quiyolcocos, nel'ia ohui quiijiyohuis. 15Se tlacatl tlen tlalnamiqui nochipa quinequi quimachilis tlamantli yancuic. Nochipa tlacactoc para quicaquis m'as tlalnamiquilistli. 16Se tlacatl tlen temaca regalos quitlapohua puertas para ipan calaquis. Huan huelis ajsis hasta iniixpa huejhueyi tlacame. 17Nesi xitlahuac tlen quiijtohua nopa achtohui tlacatl tlen monext'ia iixpa se juez para momanahuis, pero teipa huala ne se huan tenextil'ia para nel'ia tlaixpanotoc. 18Nopa tequitini hueli quiquixtise suertes para quimatise temachtli quejatza quisencahuase se cualantli tlen ohui. Ica suertes tlamis tlajtoli. 19Nel'ia ohui para sampa timohuampochihuas ihuaya se moicni tlen tiquixpanotoc, huelis m'as ax ohui para tijtlanis se altepetl tlen yahualtic tzactoc ica tepamitl. Cualantli quinxejxelohua tlen achtohui mohuampochihuayayaj queja se puerta ica candado quixejxelohua tlen calijtic huan calteno. 20Se tlen quinpalehu'ia sequinoc huan temaca cuali tlamachtili, quitemit'ia tlen ya iyolo queja se tlacualistli tlen quiixhuit'ia iijtic. Quema se tlacatl quiijtohua tlen quinamiqui, momaca miyac paquilistli. 21Se huelis quipantis miquistli o se yolistli cuali ipampa tlen quiijtohua. Huan se tlen tlahuel quinequi camatis quiselis tlen quitlantoc ica itlajtol intla cuali o axtle. 22Se tlacatl tlen mocuili se sihuatl quipantijtoc se tlamantli tlen cuali, huan TOTECO nel'ia paquis ica tlen quichijtoc. 23Se teicneltzi motlajtlan'ia tlapalehuili, pero nopa tlacatl tlen tominpiya quinanquil'ia chicahuac. 24Se tlacatl tlen quinequi quinpiyas ihuampoyohua, monequi quinpalehuis sequinoc queja mochihuaj tlacame tlen mohuampochijtoque. Pero itztoque tohuampoyohua tlen m'as techicnel'iaj que toicnihua.

will be added

X\