FILEMÓN 1

1Na niPablo tlen niitztoc ipan tlatzactli pampa nicamatiyaya nopa cuali tlajtoli tlen Jesucristo. Na niitztoc nica ihuaya noicni Timoteo. Nimitztlajcuilhu'ia ni amatlajcuiloli ta, tinoicni Filem'on, tlen nimitzicnel'ia huan tlen titequiti nohuaya ipan itequi Toteco. 2Nojquiya niquintlajcuilhu'ia tosihua icni Apia tlen nochi quiicnel'iaj, huan Arquipo tlen nojquiya se isoldado Toteco tlen tequiti tohuaya para titecamahuise itlajtol Toteco. Nojquiya tiquintlajcuilhu'iaj nochi nopa tlasentilistli tlen tlaneltocani tlen mosentil'iaj ipan mochaj. 3Toteco Dios Totata huan Toteco Jesucristo ma quipiyaca hueyi ininyolo imohuaya huan ma inmechmacaca tlasehuilistli. 4Filem'on, nochipa nijtlascamati Toteco mopampa ta quema nimomaijtohua, 5pampa quejipa nijcaqui para chicahuac tijneltoca Tohueyiteco Jesucristo huan miyac tiquinicnel'ia nochi itlatzejtzeloltijca tlacajhua. 6Huan nijtlajtlan'ia Toteco para huelis tiquinilhuis miyac tlacame queja tijneltocatoc Jesucristo para inijuanti nojquiya huelise quineltocase. Queja nopa ta huan inijuanti huelise inquimachilise nochi nopa tlatiochihuali tlen tijpiyaj ipan Jesucristo. 7Tinoicni Filem'on, tijpiyaj hueyi paquilistli ica quejatza titeicnel'ia. Huan miyac huelta titechyolchicajtoc queja nojquiya tiquinyolchicajtoc nochi tlen Toteco quiniyocatlalijtoc para elise itlatzejtzeloltijca tlacajhua. 8Huajca nimitztlajtlan'ia se favor. Yonque nihuelisqu'ia nimitznahuatisqu'ia ica itequihuejcayo Cristo para xijchihua tlen quinamiqui, ax nimitznahuatis. 9Pero pampa nimitzicnel'ia, san nimitztlajtlan'ia ni favor, na niPablo tlen nijpiya miyac xihuitl, huan tlen nitzactoc pampa nijtoquil'ia Cristo Jes'us. 10Nimitztlajtlan'ia ipampa On'esimo tlen niquita queja nocone pampa niquilhui itlajtol Toteco nica campa nitzactoc huan yajaya quineltocac. 11Nijmati On'esimo ax m'as mitzpalehuiyaya quema aya choloyaya momaco, pero intla sampa tijselis para motlatequipanojca, ama yajaya mitzpalehuis miyac queja nojquiya nechpalehu'ia. 12Huajca nimitztitlanil'ia On'esimo huan nijmachil'ia queja nimitztitlanil'ia noyolo pampa nel'ia niquicnel'ia. 13Nijnequiyaya mocajtosqu'ia nohuaya queja se tlen tinechtitlanilijtosqu'ia para nechtequipanos nica campa nitzactoc pampa nitlacamanalohua nopa cuali tlajtoli tlen Jesucristo. 14Pero pampa ax tijmatiyaya intla itztoya nohuaya, ax nijnequiyaya ma mocahua huan ica fuerza nimitzquixtilis se mocual tlatequipanojca. Nijnequi ica mopaquilis xijchihua tlen tiquita cuali para tijchihuas. 15Huelis timoilhuis para On'esimo mitzcajtejqui para se tlalochtli para teipa huelis mocahuas mohuaya para nochipa. 16Huan ama yajaya ayoc san se tlatequipanojquetl tlen tijcojtoc. Ama yajaya toicni ipan Jesucristo tlen niquicnel'ia huan tlen nijmati tiquicnelis nojquiya quema sampa itztos mohuaya para mitztequipanos. 17Huajca intla tinechixmati queja nimoicni tlen tequiti mohuaya ipan itequi Jesucristo, xijseli On'esimo queja tinechselisqu'ia. 18Huan intla yajaya mitzixtequilijtoc se tlenijqui o intla mitztlahuiquil'ia se tlenijqui, xijtlali ipan nocuenta na. 19Na niPablo nimitztlajcuilhu'ia ni tlajtoli ica noma: Nimitztlaxtlahuis. Pero ax nimitzilhuis quesqui tinechtlahuiquil'ia pampa nimitzpalehui xijneltoca Jesucristo. 20Quena noicni, xijchihua ni favor huan sampa xijseli. Ya nopa nechpalehuis na huan nechyolchicahuas ipan Tohueyiteco. 21Yeca nimitztlajcuilhuil'ia ni amatl pampa cuali nijmati tijchihuas tlen nimitzilhu'ia. Quena, nel'ia nijmati onpano tijchihuas nochi tlen nimitztlajtlan'ia. 22Nojquiya xinechchihuili se favor huan xinechsencahuilis campa nicochis. Nijmati tijtlajtlan'ia Toteco para ma nechmajcahuaca ipan ni tlatzactli. Huan nijchiya para queja nopa panos para huelis niyas nimechpaxaloti. 23Mitzontlajpalohua Epafras tlen nohuaya itztoc ipan tlatzactli pampa camatiyaya tlen Jesucristo. 24Nojquiya mitzontlajpalohuaj Marcos, Aristarco, Demas huan Lucas tlen nojquiya tequitij nohuaya ipan itequi Toteco. 25Toteco Jesucristo ma quipiya hueyi iyolo ica imotonal. Queja nopa ma eli.

will be added

X\