FILIPENSES 3

1Huan ama, noicnihua, xijpiyaca paquilistli ipan Tohueyiteco. Para na ax ya se tequitl para sampa nimechilhuis tlen ya nimechilhuijtoc, huan cuali para imojuanti intla sampa nimechilhuis. 2Xitlachixtoca ica nopa ax cuajcualme tlen mosisin'iaj queja chichime huan quinpact'ia motequilise inintlacayo. Ax melahuac inintlajtol. Tlamacht'iaj para nochi tlacame monequi ma motequilica nopa tlanescayotl tlen itoca circuncisi'on para huelis momaquixtise tlen inintlajtlacolhua. 3Pero nel'ia eltoc tojuanti tlen tijpiyaj nopa tlanescayotl tlen itoca circuncisi'on tlen nel'ia ipati, pampa tojuanti tijhueyichihuaj Toteco Dios ica itlapalehuil Itonal Toteco. Tojuanti ax timotemach'iaj ipan tlen se tlacatl quichihuilijtoc totlacayo. Timotemach'iaj ipan Cristo Jes'us huan tlen yajaya techchihuilijtoc. 4Na achi m'as que sequinoc nihueltosqu'ia nimotemachijtosqu'ia ipan nopa tlen na niitztoya para nimotlajtlacolquixtilijtosqu'ia pampa na achi m'as nijchijtinemiyaya nopa tlamantli tlen israelitame moilhu'iaj temaquixtisqu'ia. 5Nechtequilijque nopa tlanescayotl tlen itoca circuncisi'on ipan notlacayo quema nijpiyayaya chicueyi tonali. Nitlacatqui niisraelita pampa niiteipa ixhui Benjam'in, icone Israel tlen huejcajquiya. Nicamati hebreo pampa nitlacatqui ipan se familia tlen hebreo tlacame. Huan teipa quema nimotlacachijqui, nimochijqui se nifariseo, inijuanti tlen achi m'as chicahuac quitoquil'iaj itlanahuatil Mois'es. 6Huan pampa tlahuel niquintoquili inintlanahuatilhua nopa fariseos, nijtlatzacuiltiyaya itiopa Toteco, tlen quiijtosnequi nochi tlacame tlen quineltocaj Cristo. Huan axaca huelqui nechteilhu'ia ica itlanahuatilhua Mois'es, pampa nijchijqui nochi tlen quiijto. 7Pero nochi nopa tlamantli tlen achtohuiya nimoilhuiyaya para tlahuel ipati, teipa niquitac para ax tleno ipati quema nijmachili tlen Cristo nechchihuili. 8Quena, niquita nochi tlamantli queja ax tleno ipati. Ama san nijnequi niquixmatis Jesucristo, nohueyiTeco, huan san ya nopa niquita para hueyi ipati. Huajca ama nijtlahuelcajtoc nochi tlen nijchihuayaya huan tlen achtohui nieliyaya, huan niquita nochi nopa tlamantli san queja tlasoli para huelis nijtoquilis Jesucristo, 9huan nitlatzquitos ipan ya. Ama nijmati para ax niitztoc xitlahuac iixpa Toteco ipampa tlen nijchihuayaya quema nijtoquiliyaya nopa tlanahuatili. Pero Toteco nechchijqui nixitlahuac quema nijneltocac Cristo, pampa Toteco quinchihua tlacame xitlahuaque iixpa ipampa inintlaneltoquilis ipan Jesucristo. 10Huajca ama san ya ni nijnequi. Nijnequi niquixmatis Cristo huan nijmachilis ipan na nopa hueyi chicahualistli ica tlen moyolcuic. Nijnequi nitlaijiyohuis se quentzi queja yajaya tlaijiyohui. Nijnequi mojmostla nimotemactilis ica ya yonque monequi nimiquis ipampa. 11Quena, huan nochi nijchihua pampa quema nimiquis, nijnequi nimoyolcuis huan niquisas campa mijcatzitzi. 12Ax niquijtohua para nijpiya nonemilis tlen senquistoc cuali, niyon ax hueli niquijtos para ax onca niyon se notlajtlacol. Pero mojmostla nijchihua campeca para nijchihuas m'as tlen cuali para se tonal nicaxilis nopa tlen Jes'us quinequiyaya ma nieli quema ya nechmaquixti huan nechnotzqui para ma nieli niiaxca. 13Noicnihua, ax ninemi nel'ia cuali queja nijnequi ninemis. Pero ya ni nijchihua: Mojmostla niquilcahua tlen nijchijqui yalhuaya huan san nimoyolilhu'ia tlen cuali huelis nijchihuas ama. 14Mojmostla ica nochi noyolo nijchihua campeca para ninejnemis nel'ia cuali. Nijnequi nielis queja se tlatlanquetl tlen motlalohua hasta itlamiya. Huan yeca quinotzas para yas huejcapa iniixpa nochi para quiselis tlen quitlantoc. Nijnequi nijselis nopa tlatlancayotl tlen nechmacas Toteco Dios. Yajaya tlen technotzqui ipan Jesucristo para ma tiyaca huejcapa hasta elhuicac para tijselise tlen onca para tojuanti. 15Nochi intlaneltocani tlen ya intetixtoque ipan Cristo monequi ximoilhuica queja na huan xijtemoca mojmostla quejatza inhuelise inmonejnemiltise noja m'as cuali. Huan intla sequin imojuanti inmoilhu'iaj para ayoc tleno m'as inmechpolohua para inmonejnemiltise nel'ia cuali, huajca Toteco inmechnextilis para aya inquiaxil'iaj pampa aya inquichihuaj nochi tlen senquistoc xitlahuac. 16Pero para ama monequi mojmostla ma tinejnemica queja quiijtohua nochi itlajtol tlen ya tijmajtoque. 17Noicnihua, nochi imojuanti ximonejnemiltica queja na nimonejnemilt'ia. Nojquiya ximomacaca cuenta ajqueya m'as monemilt'iaj cuali queja tojuanti. 18Nimechilhuijtoc ya ni miyac huelta huan ama nichoca para sampa nimechilhuis. Itztoque miyac tlacame tlen quiijtohuaj quitoquil'iaj Cristo, pero ica ininnemilis quinext'iaj para quicocol'iaj tlen yajaya quinchihuili quema mijqui ipan cuamapeli. 19Nopa tlacame polihuise para nochipa. Ax quema moilhu'iaj tlen Toteco. San moilhu'iaj tlen quinequij inintlacayo huan sentlacuaj se tonal. Monequi mopinahuasqu'iaj ica nochi tlen fiero quichijtoque, pero inijuanti mohueyimatij. Nopa tlacame san moilhu'iaj tlen eltoc ipan ni tlaltepactli. 20Pero tojuanti ax tiitztoque queja inijuanti. Tojuanti ayoc tiehuaj nicani, tojuanti ticomun tlacame nepa elhuicac campa itztoc Tohueyiteco. Huan ama titlachixtoque para sampa hualas Tohueyiteco Jesucristo. 21Huan quema hualas, yajaya techpatilis ni totlacayo tlen teicneltzi tlen ama titlacame tijpiyaj para elis queja ya itlacayo tlen yancuic huan tlen eltoc nel'ia cuali. Huan Jesucristo huelis techpatilis totlacayo pampa quipiya nopa chicahualistli tlen m'as hueyi tlen quimaca tlanahuatili ica nochi tlacame huan nochi tlen onca.

will be added

X\