FILIPENSES 1

1Na niPablo huan Timoteo tlen itztoc nohuaya, tojuanti tiitequipanojcahua Cristo Jes'us tlen techcojtoc para ma tielica tiiaxcahua. Timechtlajcuilhuil'iaj nochi imojuanti intlatzejtzeloltijca tlacajhua Toteco nepa ipan altepetl Filipos tlen yajaya inmechtlatzquiltijtoc ipan Jesucristo. Nimechtlajcuilhu'ia nochi imojuanti ininhuaya imotlayacancahua huan imotlapalehuijcahua ipan tlasentilistli. 2Toteco Totata huan Toteco Jesucristo ma quipiyaca hueyi ininyolo ica imojuanti, huan ma inmechmacaca tlasehuilistli ipan imoyolo. 3Nochipa quema nimechilnamiqui, nijtlascamati Toteco imopampa. 4Huan nochipa ninelpaqui quema nimomaijtohua ica Toteco imopampa, 5pampa hasta quema achtohui inquineltocaque Toteco huan hasta ama intepohuilijtoque tlen Cristo huan innechpalehuijtoque para ma momoyahua itlajtol. 6Huan temachtli nijmati ya ni. Nopa cuali tequitl tlen Toteco quipehualtijtoc ipan imoyolo quema inquineltocaque, quisenhuiquilis quicualtlalijtiyas mojmostla hasta quitlamiltis ipan nopa tonal quema Jesucristo hualas. 7Cuali para nimoilhu'ia quej ni tlen imojuanti pampa nel'ia nimechhuica ipan noyolo. Hueyi iyolo Toteco ica nochi tojuanti huan san sejco techtiochijtoc miyac. Huan yonque niitztoc ipan tlatzactli, o nimonext'ia iniixpa tequihuejme para nijmanahuis itlajtol Toteco, o san niteilhu'ia itlajtol, innechpalehuijtihualahuij ipan nochi tlamantli. 8Toteco quimati nel'ia miyac nimechicnel'ia ica nochi nopa teicnelijcayotl tlen Jesucristo nechmacatoc. 9Quema nimomaijtohua, nijtlajtlan'ia Toteco para noja m'as xiquinicnelica sequinoc, huan para noja m'as xijmatica tlen ya, huan xijpiyaca nel'ia cuali imotlalnamiquilis. 10Nijnequi xijmatica quejatza inquitlapejpenise tlen nel'ia cuali para initztose senquistoc intlapajpactique. Huan queja nopa axaca huelis inmechteilhuis ama, niyon quema Cristo sampa mocuepas. 11Nochipa xijchihuaca tlen cuali huan tlen xitlahuac iixpa Toteco. Huan quema tlacame quiitase nochi nopa cuali tlamantli tlen Jesucristo inmechpalehu'ia xijchihuaca, quihueyimatise huan quipaquilismacase Toteco. 12Noicnihua, nijnequi xijmatica para nochi ni tlaijiyohuilistli tlen nechpanotihualajtoc quipalehuijtoc para m'as ma momoyahua itlajtol Toteco. 13Ama nochi tlen itztoque nicani quimatij nitzactoc san pampa nijneltoca Cristo. Huan hasta nojquiya quimatij nochi nopa soldados tlen quimocuitlahu'iaj nopa hueyi cali campa itztoc nopa hueyi tlanahuatijquetl. 14Huan pampa nitzactoc, miyac tlaneltocani ayoc majmahuij huan achi m'as mosemacatoque ipan Toteco, huan yeca ama m'as moneltlal'iaj para quinilhuise sequinoc itlajtol. 15Sequin nel'ia quincamahu'iaj tlacame itlajtol Toteco pampa nechcocol'iaj huan quinequij mohueyimatise ica tlen quichihuaj, pero sequinoc quincamahu'iaj tlacame tlen Cristo ica ininyolo cuali iixpa Toteco. 16Inijuanti tlen nechcocol'iaj tecamahu'iaj itlajtol Toteco para tlacame ma quintlepanitaca. Ax quichihuaj nel'ia para Toteco. Huan moilhu'iaj m'as nechyolcocose pampa nitzactoc quema nijmatis tlen quichihuaj. 17Pero nopa sequinoc tlacame, quena, tecamahu'iaj itlajtol Toteco pampa nechicnel'iaj. Huan inijuanti quimatij Toteco nechtequitlalijtoc nicani para nijmanahuis itlajtol iniixpa tequihuejme. 18Pero ax quenijqui. Yonque sequin teilhu'iaj itlajtol ica nochi ininyolo huan sequinoc ax cuali ininyolo, noja nipaqui pampa miyac tlacame quinilhu'iaj sequinoc tlen Cristo. Huan noja m'as nipaquis, 19pampa nijmati nochi quisas cuali para na huan se tonal nechmanahuise pampa inquitlajtlan'iaj Toteco nopampa na huan Itonal Jesucristo nechpalehu'ia mojmostla. 20Ax quema nijnequi nijchihuas se tlamantli tlen ica nimopinahuas iixpa. Ya nopa tlen nijchiya. San nijnequi nimoneltlalis para Cristo para tlacame ma quiitaca ihueyitilis ipan nonemilis yonque niitztos para m'as tonali o yonque nechmictise. 21Pampa intla niitztos, niitztos para nijtequipanos Cristo. Huan intla nimiquis, nijtlanis nel'ia miyac, pampa niitztoti ihuaya Cristo para nochipa. 22Pero intla noja niitztos, huajca noja m'as nitequitis para Toteco huan m'as tlacame quineltocase Cristo. Yeca nel'ia ax nijmati tlaque nijtlapejpenis. Ax nijmati intla nijnequi niitztos o nijnequi nimiquis. 23Ohui para nijmatis tlen m'as cuali. Quemantzi nimoilhu'ia huelis achi m'as cuali para niitztos. Huan quemantzi nimoilhu'ia achi cuali para nimiquis huan niyas niitztoti ihuaya Cristo pampa ya nopa tlen m'as cuali para na. 24Pero para imojuanti quisas m'as cuali intla noja niitztos. 25Huajca nimoilhu'ia para noja niitztos para nimechpalehuis inmoscaltise ipan Toteco huan m'as inpactose pampa cuali inquineltocaj. 26Intla niitztos, huajca quema nimechpaxaloti, sampa inquitlascamatise Cristo Jes'us pampa quichijtoc para ma nechchololtica tlen ni tlatzactli huan sampa niitztos imohuaya. 27Pero yonque tlen hueli tlen ni ome tlamantli nopantis, tlen m'as ipati elis para ximonejnemiltica nel'ia cuali queja tlen quiijtohua itlajtol Toteco. Quej nopa yonque noja niyas nepa campa imojuanti o axtle, nijcaquis quejatza initztoque intemachme ipan Toteco, huan inquipiyaj san se imoyolo, huan chicahuac intequitij para tlacame ma quineltocaca itlajtol Toteco. 28Niyon quentzi amo xiquinimacasica tlen inmechcocol'iaj. Huan quema noja m'as inmoneltlalise para Toteco, ya nopa elis se tlanescayotl tlen quinnextilis para Toteco inmechmaquixtijtoc imojuanti huan para inijuanti nel'ia polihuise. 29Pampa Toteco ax san inmechmacatoc nopa paquilistli para xijneltocaca Cristo, nojquiya inmechmacatoc nopa paquilistli xitlaijiyohuica pampa iniaxcahua. 30Tojuanti tiitztoque san sejco ipan ni hueyi tlatehuijcayotl ica tlen ax cuali. Innechitztoque quema nitlaijiyohuiyaya achtohuiya huan inquimatij hasta ama noja nitlaijiyohu'ia.

will be added

X\