Numbers 7

1Huan ipan nopa tonali quema Mois'es quitlamisencajtoya nopa yoyon tiopamitl campa TOTECO mocahuasqu'ia ininhuaya, quiatzejtzelhui ica aceite sesen tlamantli tlen mocajqui calijtic, huan quiiyocatlali para TOTECO. Nojquiya quiatzejtzelhui ica aceite nopa tlaixpamitl huan nochi tlen motequihu'ia nopona. 2Teipa yajque nopa tlayacanca israelitame ipan sesen hueyi familia tlen tlapalehuijtoyaj para quitlalanque nopa censo. 3Huan quitlalitoj iixtla TOTECO nochi tlen quinequiyayaj quimactilise. Huan sesen nopa tlayacanani quihualicac se hueyi toro. Huan sese ome tlayacanani quihualicaque se cuacarro. Huajca ica nochi nopa ofrendas tlen quihualicaque elqui chicuase cuacarros tlen tzactoque, huan 12 huejhueyi torojme tlen quimatij tlatilanase huan quimacaque TOTECO iteno ipuerta nopa yoyon tiopamitl campa mocahua TOTECO. 4Huan TOTECO quiilhui Mois'es: 5"Xiquinselili nopa cuacarros huan nopa huejhueyi torojme tlen quimatij tlatilanaj, huan xiquinmaca nopa levitame para ma quintequihuica ipan nochi nopa tequitl tlen monequi para quihuicase tlen eltoc ipan nopa yoyon tiopamitl campa timopant'iaj. Xijmaca sesen levita nopa tlamantzitzi tlen monequi quitequihuis ipan itequi tlen quitocarohua quichihuas." 6Huajca Mois'es quinseli nopa cuacarros huan nopa huejhueyi torojme huan quinmajmacac nopa levitame. 7Iixhuihua Gers'on quinmacac ome cuacarros huan nahui huejhueyi torojme para quitequihuise ipan inintequi. 8Huan iixhuihua Merari quinmacac nahui cuacarros huan chicueyi huejhueyi torojme para quitequihuise ipan inintequi ica imaco Itamar, icone nopa totajtzi Aar'on. 9Pero iixhuihua Coat ax quinmacac niyon se cuacarro huan niyon se toro, pampa monejqui quihuicase iniajcolpa nopa tlamantli tlatzejtzeloltique tlen mocajqui ininmaco para quimocuitlahuise. 10Huan nojquiya quema ajsic tonal para quiiyocatlalise nopa tlaixpamitl para TOTECO huan quitlatzejtzelolchihuase, sesen nopa tlayacanani tlen nochi huejhueyi familias quihuicaque se ofrendas huan quitlalijque iixtla nopa tlaixpamitl. 11Huan TOTECO quiilhui Mois'es: "Mojmostla ipan sesen tonal quema inquitlatzejtzelolchihuaj nopa tlaixpamitl, xijcahua san se tlayacanquetl ma nechtemactili tlen quihualicac." 12Huajca ipan nopa achtohui tonali, quitemactili iregalo Naas'on, icone Aminadab, ipan nopa hueyi familia Jud'a. 13Huan iregalo eliyaya se hueyi plato ixpelentic tlen plata huan ietica eliyaya se kilo huan tlajco, ihuaya se hueyi taza tlen plata ica ietica queja tlajco kilo ipan itlayejyecol nopa yoyon tiopamitl. Huan nopa plato huan nopa hueyi taza quihualicac temitoc ica harina tlen achi m'as cuali maneltic ica aceite para se tlacajcahualistli tlen harina. 14Nojquiya quihualicac se cuchara tlen senquistoc oro ica 110 gramos ietica, huan temitoya ica copali. 15Huan quihualicac se becerro, se oquich borrego huan se piloquich borregojtzi tlen san quipiya se xihuitl para elise se tlacajcahualistli tlatlatili. 16Nojquiya quihualicac se oquich chivo para se tlacajcahualistli ipampa tlajtlacoli. 17Huan para se tlacajcahualistli para ma onca tlayoltlalili ihuaya TOTECO, quinhualicac ome huejhueyi torojme tlen quimatij tlatilanaj, macuili oquich borregojme, macuili oquich chivojme huan macuili piloquich borregojtzitzi tlen san quipiyaj se xihuitl. Nochi ya ni elqui nopa regalos tlen Naas'on, icone Aminadab, quihualicac. 18Ipan ome tonali quihuicac iregalo Natanael, icone Zuar, tlen eliyaya tlayacanquetl ipan nopa hueyi familia Isacar. 19- 23Huan iregalo tlen quitemactili elqui senquistoc san se queja tlen temacac Naas'on. 24Ipan eyi tonali quihuicac se regalo Eliab, icone Hel'on, tlen eliyaya tlayacanquetl ipan nopa hueyi familia Zabul'on. 25- 29Huan quitemactili iregalo tlen elqui senquistoc san se queja ne sequinoc. 30Ipan nahui tonali quihuicac se regalo Elisur, icone Sedeur, tlen eliyaya tlayacanquetl ipan nopa hueyi familia Rub'en. 31- 35Huan quitemactili nojquiya san se iregalo queja ne sequinoc. 36Ipan macuili tonali quihuicac se regalo Selumiel, icone Zurisadai, tlen eliyaya tlayacanquetl ipan nopa hueyi familia Sime'on. 37- 41Huan quitemactili nojquiya san se iregalo queja ne sequinoc. 42Ipan chicuasen tonali quihuicac se regalo Eliasaf, icone Reuel, tlen eliyaya tlayacanquetl ipan nopa hueyi familia Gad. 43- 47Huan quitemactili nojquiya san se iregalo queja ne sequinoc. 48Ipan chicome tonali quihuicac se regalo Elisama, icone Amiud, tlen eliyaya tlayacanquetl ipan nopa hueyi familia Efra'in. 49- 53Huan quitemactili nojquiya san se iregalo queja ne sequinoc. 54Ipan chicueyi tonali quihuicac se regalo Gamaliel, icone Pedasur, tlen eliyaya tlayacanquetl ipan nopa hueyi familia Manas'es. 55- 59Huan quitemactili nojquiya san se iregalo queja ne sequinoc. 60Ipan chicnahui tonali quihuicac se regalo Abid'an, icone Gedeoni, tlen eliyaya tlayacanquetl ipan nopa hueyi familia Benjam'in. 61- 65Huan quitemactili nojquiya san se iregalo queja ne sequinoc. 66Ipan majtlactli tonali quihuicac se regalo Ahiezer, icone Amisadai, tlen eliyaya tlayacanquetl ipan nopa hueyi familia Dan. 67- 71Huan quitemactili nojquiya san se iregalo queja ne sequinoc. 72Ipan majtlactli huan se tonali quihuicac se regalo Pagiel, icone Ocr'an, tlen eliyaya tlayacanquetl ipan nopa hueyi familia Aser. 73- 77Huan quitemactili nojquiya san se iregalo queja ne sequinoc. 78Ipan majtlactli huan ome tonali quihuicac se regalo Ahira, icone En'an, tlen eliyaya tlayacanquetl ipan nopa hueyi familia Neftal'i. 79- 83Huan quitemactili nojquiya san se iregalo queja ne sequinoc. 84Nochi ya ni elqui nopa regalo tlen nopa tlayacanani tlen israelitame quitemactilijque para quiiyocatlalise nopa tlaixpamitl para TOTECO huan quitlatzejtzelolchihuase. Ica nochi elqui 12 huejhueyi platos tlen ixpelentique tlen plata, 12 huajcali tlen plata, huan 12 huejhueyi cucharas tlen oro. 85Huan sesen plato quipixqui se kilo huan tlajco ietica, huan sesen huajcali tlen plata quipixqui tlajco kilo ietica. Ica nochi nopa tlamantli tlen plata quipixqui nechca 26 kilos ietica ipan itlayejyecol nopa yoyon tiopamitl. 86Nojquiya oncayaya 12 cucharas tlen oro temitoya ica copali tlen quipixqui 110 gramos ietica ipan itlayejyecol nopa yoyon tiopamitl. Nopa oro tlen nochi nopa cucharas quipixqui se kilo huan 320 gramos ietica. 87Huan nopa tlapiyalime para tlacajcahualistli tlatlatili elque ica nochi 12 becerros, 12 oquich borregojme, 12 piloquich borregojtzitzi tlen san quipiyaj se xihuitl ihuaya nopa 12 tlacajcahualistli tlen harina tlen monequiyaya ininhuaya, huan 12 oquich chivojme para quinmacase queja tlacajcahualistli ipampa tlajtlacoli. 88Huan nochi nopa tlapiyalime tlen quihualicaque para tlacajcahualistli para tlayoltlalili elqui ica nochi 24 becerros, 60 oquich borregojme, 60 oquich chivojme huan 60 piloquich borregojtzitzi tlen san quipixque se xihuitl. Nochi ya ni elqui tlen quimactilijque TOTECO quema quiiyocacahuayayaj huan quitlatzejtzelolchihuayayaj nopa tlaixpamitl para TOTECO. 89Huan Mois'es quicaquiyaya itos Toteco Dios quema calaquiyaya para quicamahuis ipan nopa yoyon tiopamitl campa mopantiyaya ihuaya. Huan caquistic itos quisayaya tlen tlatlajco nopa ome elhuicac ehuani tlen inintoca querubines tlen moquetztoyaj iixco itzajca icaxa. Huajca nopona Toteco Dios quicamahui Mois'es.

will be added

X\