Numbers 34

1Huan nojquiya TOTECO quiilhui Mois'es: 2"Nojquiya xiquinmaca ni tlanahuatili nopa israelitame: Quema incalactose ipan tlali Cana'an tlen nimechmacas para imoaxca, ya ni nopa tlaltini tlen ihuaya inmonepantise: 3"Ica sur inmonepantise ica nopa huactoc tlali Zin nechca nopa tlali Edom. Inepa imotlal pehuas ica campa quisa tonati tlen nopa Hueyi Atl Mictoc, 4huan yajtiyas para sur hasta nopa tlaixtlejcolis tlen itoca Acrabim. Huan panos ipan nopa huactoc tlali Zin huan ajsis hasta campa Cades Barnea. Teipa panos campa Hasaradar hasta Asm'on, 5huan tlen Asm'on quitoquilis nopa atlajtli tlen monepant'ia ica tlali Egipto huan quitoquilijtiyas hasta norte campa nopa Hueyi Atl Mediterr'aneo. 6"Huan ica campa huetzi tonati inmonepantise ica nopa Hueyi Atl Mediterr'aneo. 7"Huan nopa nepamitl para imotlal ica norte pehuas ica nopa Hueyi Atl Mediterr'aneo huan yajtiyas xitlahuac para campa quisa tonati hasta ajsis campa nopa tepetl Hor. 8Huan teipa tlen tepetl Hor yas hasta Lebo Hamat, huan teipa hasta Zedad. 9Teipa tlen Zedad yas hasta Zifr'on huan tlamis ipan Hazar En'an. Ya ni elis nopa nepamitl tlen imotlal ica norte. 10"Huan nopa nepamitl tlen imotlal ica campa quisa tonati, pehuas ipan Hazar En'an huan yas hasta Sefam. 11Huan tlen Sefam inepa imotlal yas hasta Ribla achi m'as para campa quisa tonati tlen A'in. Huan tlen A'in temos hasta inaliyo campa quisa tonati ipan nopa Hueyi Atl Cineret. 12Huan quitoquilis nopa atemitl Jord'an hasta itlamiya nopa Hueyi Atl tlen itoca Mictoc. "Nochi ya ni elis nopa nepamitl tlen quiyahualohua imotlal." 13Huan Mois'es quinmacac nopa israelitame ni tlanahuatili: "Huajca ya ni nopa tlali tlen inmomajmacase ica sorteo queja TOTECO technahuatijtoc. Huan quiselise nochi nopa chicnahui huan tlajco huejhueyi familias tlen mocajtoque. 14Pampa nopa huejhueyi familias Rub'en ihuaya Gad huan nopa tlajco hueyi familia Manas'es ya mocuilijtoque inintlal tlen quintocarohua, 15ipan ni nali tlen atemitl Jord'an. Inintlal mocahua achi m'as para campa quisa tonati tlen altepetl Jeric'o tlen eltoc iixmelac ipan seyoc nali ni atemitl." 16Huan TOTECO quicamahui Mois'es huan quiilhui: 17"Para temajmacase nopa tlali niquintlapejpenijtoc Eleazar nopa totajtzi huan Josu'e, icone Nun. 18Pero nojquiya ma quinpalehuica se tlayacanquetl ipan sesen hueyi familia. 19- 28Huajca nica eltoc inintoca sesen tlayacanquetl tlen sesen hueyi familia tlen quinpalehuise: Familia Tlayacanquetl Jud'a Caleb, icone Jefone Sime'on Semuel, icone Amiud Benjam'in Elidad, icone Quisl'on Dan Buqui, icone Jogli Manas'es icone Jos'e Haniel, icone Efod Efra'in icone Jos'e Kemuel, icone Sift'an Zabul'on Elizaf'an, icone Parnac Isacar Paltiel, icone Az'an Aser Ahiud, icone Selomi Neftal'i Pedael, icone Amiud 29Huajca ya ni eltoc nopa tlacame tlen TOTECO quintequimacac ma quinxelhuilica nopa tlali Cana'an nopa israelitame."

will be added

X\