Numbers 33

1Nica eltoc inintoca nochi nopa lugares campa nopa israelitame panotiyajque quema quisque ipan tlali Egipto ica nochi nopa huejhueyi pamitl tlen inintlacajhua, huan quinyacantiyohuiyayaj Mois'es ihuaya Aar'on. 2Mois'es quiijcuilojtiyajqui nochi inintoca nopa lugares campa quiquetztiyajque ininyoyoncalhua. 3Nopa israelitame quistejque nopa altepetl Rames'es ipan tlali Egipto ipan 15 itequi nopa achtohui metztli ipan nopa israelita calendario. Quinextijque nopa ilhuitl Pascua huan ipan ijnaloc tlen ne seyoc tonali quistejque ica hueyi chicahualistli iniixtla nopa egiptome. 4Huan quema quistejque, nopa egiptome noja quintlaltocayayaj ininconehua tlen achtohuime pampa TOTECO quichijtoya ma miquica. Huan TOTECO nojquiya quintlamitepejqui nochi inintlaixcopincayohua. 5Huan nopa israelitame quistejque altepetl Rames'es huan quiquetzque ininyoyoncalhua ipan Sucot. 6Quistejque Sucot huan mochihuatoj ipan Etam campa pehua nopa huactoc tlali. 7Quistejque Etam huan mocuepque para quimacase se huelta ica Pi Hahirot tlen mocahua ica campa quisa tonati tlen Baal Zef'on, huan nopona mochijque nechca Migdol. 8Huan quema quistejque Pi Hahirot, apanoque nopa hueyi atl huan ajsitoj campa nopa huactoc tlali. Huan nejnentiyajque eyi tonali ipan nopa huactoc tlali tlen Etam huan mochijque campa Mara. 9Huan quistejque tlen Mara huan ajsitoj ipan nopa huactoc tlali tlen itoca Elim campa oncayaya 12 ameltini huan 70 apach cuatini, huan mochijque nopona. 10Teipa quistejque Elim huan mochihuatoj nechca nopa hueyi atl tlen itoca Chichiltic. 11Huan quistejque campa nopa Hueyi Atl Chichiltic huan mochihuatoj ipan nopa huactoc tlali tlen itoca Sin. 12Huan quistejque campa nopa huactoc tlali Sin huan mochihuatoj ipan Dofca. 13Huan quistejque Dofca huan mochihuatoj ipan Al'us. 14Teipa quistejque Al'us huan mochihuatoj ipan huactoc tlali tlen Refidim campa ax oncayaya atl para quiise. 15Huan quistejque Refidim huan mochihuatoj ipan nopa huactoc tlali Sina'i. 16Teipa quistejque nopa huactoc tlali Sina'i huan mochihuatoj ipan Kibrot Hataava. 17Huan quistejque Kibrot Hataava huan mochihuatoj ipan Hazerot. 18Huan quistejque Hazerot huan mochihuatoj ipan Ritma. 19Teipa quistejque Ritma huan mochihuatoj ipan Rim'on Peres. 20Huan quistejque Rim'on Peres huan mochihuatoj ipan Libna. 21Huan quistejque Libna huan mochihuatoj ipan Rissa. 22Huan quistejque Rissa huan mochihuatoj ipan Ceelata. 23Teipa quistejque Ceelata huan mochihuatoj ipan nopa tepetl Sefer. 24Huan quistejque campa nopa tepetl Sefer huan mochihuatoj ipan Harada. 25Huan quistejque Harada huan mochihuatoj ipan Macelot. 26Teipa quistejque Macelot huan mochihuatoj ipan Tahat. 27Huan quistejque Tahat huan mochihuatoj ipan Tara. 28Teipa quistejque Tara huan mochihuatoj ipan Mitca. 29Huan quistejque Mitca huan mochihuatoj ipan Hasmona. 30Huan quistejque Hasmona huan mochihuatoj ipan Moserot. 31Huan quistejque Moserot huan mochihuatoj ipan Bene Jaac'an. 32Huan quistejque Bene Jaac'an huan mochihuatoj ipan Hor ipan tlali Gidgad. 33Huan quistejque Hor ipan tlali Gidgad huan mochihuatoj ipan Jotbata. 34Huan quistejque Jotbata huan mochihuatoj ipan Abrona. 35Huan quistejque Abrona huan mochihuatoj ipan Ezi'on Geber. 36Huan quistejque Ezi'on Geber huan mochihuatoj ipan huactoc tlali tlen Zin campa Cades. 37Huan quistejque Cades huan mochihuatoj ipan nopa tepetl Hor campa monepant'ia nopa tlali Edom. 38Huan queja TOTECO quinahuati ma quichihua, tlejcoc nopa totajtzi Aar'on ipan ne tepetl Hor huan nopona mijqui ipan nopa achtohui tonal ipan nopa macuilpa metztli ipan nopa israelita calendario, quema ya quipiyayaya 40 xihuitl para quistoyaj ipan tlali Egipto. 39Huan quema Aar'on mijqui ipan nopa tepetl Hor, quipiyayaya 123 xihuitl. 40Huan Tlanahuatijquetl Arad tlen itztoya ipan nopa huactoc tlali Neguev ipan tlali Cana'an quicajqui para ajsitihualayayaj nopa israelitame. 41Huan nopa israelitame quistejque tepetl Hor huan mochihuatoj ipan Zalmona. 42Huan quistejque Zalmona huan mochihuatoj ipan Pun'on. 43Huan quistejque Pun'on huan mochihuatoj ipan Obot. 44Huan quistejque Obot huan mochihuatoj ipan Ije Abarim campa monepant'ia ica tlali Moab. 45Huan quistejque Ije Abarim huan mochihuatoj ipan Dib'on Gad. 46Huan quistejque Dib'on Gad huan mochihuatoj ipan Alm'on Diblataim. 47Huan quistejque Alm'on Diblataim huan mochihuatoj ipan nopa tepetini tlen Abarim tlen mocahua m'as nechca campa quisa tonati tlen Nebo. 48Huan quistejque tlen nopa tepetini tlen Abarim huan mochihuatoj ipan nopa tlamayamitl ipan tlali Moab nechca nopa atemitl Jord'an, huan iixmelac altepetl Jeric'o tlen mocajqui ipan seyoc nali. 49Huan quiquetzque ininyoyoncalhua nechca atemitl Jord'an ipan nopa tlamayamitl tlen tlali Moab, huan ininchajchaj pejqui campa Bet Jesimot huan ajsic hasta Abel Sitim. 50Ipan nopa tlamayamitl ipan tlali Moab nechca atemitl Jord'an, iixmelac altepetl Jeric'o, TOTECO quicamahui Mois'es huan quiilhui: 51"Xiquinilhui nopa israelitame ya ni: Quema inquiixcotonase ni atemitl Jord'an huan incalaquise ipan tlali Cana'an, 52xiquinmictica nochi tlen itztoque ipan nopa tlali. Xiquinxolehuilica nochi inindioses yonque quichijtoque tlen tetl, o quitejtejtzontoque tlen tepostli. Xijxolehuaca nochi inintlaixcopincayohua huan inintotiotzitzi huan nojquiya nochi nopa tlaixpamitl campa tlacajcahuaj ipan tepetini. 53Ximocuilica nopa tlali huan nopona ximochantica para initztose, pampa na nimechmactil'ia para elis imoaxca. 54Pero monequi ximomajmacaca nopa tlali ica sorteo queja imiyaca itlacajhua ipan sesen hueyi familia. Nopa huejhueyi familias ica m'as miyac tlacame quichihuase se sorteo para nopa tlaltini tlen achi hueyi, huan nopa huejhueyi familias tlen ax quipiya m'as miyac tlacame quichihuase sorteo para nopa tlaltini tlen ax m'as hueyi. Huan queja nopa, nopa sorteo quinextis para elis iaxca se familia, ya nopa elis iaxca. 55"Pero intla ax inquintlamimictise tlen ama itztoque ipan nopa tlali, tlen inquincahuilise ma mocahuaca tlahuel inmechcuesolmacase queja se cuatejtli tlen calaqui ipan imoixtiyol o queja se huitztli tlen calaqui ipan imotlacayo. Huan miyac intlaijiyohuise ipan nopa tlali tlen nimechmaca. 56Huan na nimechtlatzacuiltis imojuanti queja nimoilhuiyaya niquintlatzacuiltis inijuanti."

will be added

X\