Numbers 2

1Nojquiya TOTECO quiilhui Mois'es huan Aar'on ni tlanahuatili: 2"Nochi israelitame monequi quiquetzase ininyoyoncalhua para huejca quiitase nopa yoyon tiopamitl campa timopant'iaj. Huan sesen mocahuas nechca ibandera ihuejcapan tata huan mocahuas nechca ihueyi bandera nopa tlatehuijca pamitl tlen quitocarohua. 3- 8"Nopa tlacame tlen nopa huejhueyi familias tlen Jud'a, Isacar huan Zabul'on quiquetzase ininyoyoncalhua huan ininbandera ica campa quisa tonati tlen nopa yoyon tiopamitl. Huan nica eltoc inintoca sesen hueyi familia, inintlayacanca huan quesqui tlacame huelque yohuij tlatehuitij: Familia Tlayacanquetl Quesqui Jud'a Naas'on, icone Aminadab 74,600 Isacar Natanael, icone Zuar 54,400 Zabul'on Eliab, icone Hel'on 57,400 9Huajca ipan nopa tlatehuijca pamitl tlen Jud'a elis tlacame tlen hualahuij ipan ni eyi huejhueyi familias huan san sejco ajsique 186,400 tlacame tlen huelque tlatehuise. Huan ni tlatehuijca pamitl tlayacantiyas quema inisraelitame inquistehuase para inmochihuase sejcoyoc. 10- 15"Nopa tlacame tlen nopa huejhueyi familias tlen Rub'en, Sime'on huan Gad quiquetzase ininyoyoncalhua huan ininbandera ica sur tlen nopa yoyon tiopamitl. Huan nica eltoc inintoca sesen hueyi familia, inintlayacanca huan quesqui tlacame huelque yohuij tlatehuitij: Familia Tlayacanquetl Quesqui Rub'en Elisur, icone Sedeur 46,500 Sime'on Selumiel, icone Zurisadai 59,300 Gad Eliasaf, icone Reuel 45,650 16Huajca ipan nopa tlatehuijca pamitl Rub'en itztose tlacame tlen hualahuij ipan ni eyi huejhueyi familias huan san sejco ajsique 151,450 tlacame tlen huelque tlatehuise. Huan ni tlatehuijca pamitl motecpanase iica nopa tlatehuijca pamitl Jud'a quema inquistehuase para inmochihuase sejcoyoc. 17"Huan teipa motecpanase nopa levitame tlen quihuicase noyoyon tiopa, niimoTECO, quema inquisase para seyoc lado. Huan quisase tlatlajco ipan nochi huejhueyi familias san queja mocahuaj tlatlajco ininyoyoncalhua. Queja nopa quisase campa monequi sesen itzintla ibandera. 18- 23"Nopa tlacame tlen nopa huejhueyi familias tlen Efra'in, Manas'es huan Benjam'in quiquetzase ininyoyoncalhua huan ininbandera ica campa temo tonati tlen nopa yoyon tiopamitl. Huan nica eltoc inintoca sesen hueyi familia, inintlayacanca huan quesqui tlacame huelque yohuij tlatehuitij: Familia Tlayacanquetl Quesqui Efra'in Elisama, icone Amiud 40,500 Manas'es Gamaliel, icone Pedasur 32,200 Benjam'in Abid'an, icone Gedeoni 35,400 24Huajca ipan nopa itlatehuijca pamitl Efra'in elis tlacame tlen hualahuij ipan ni eyi huejhueyi familias huan san sejco mochihuase 108,100. Huan ni tlatehuijca pamitl motecpanase iica nopa levitame. 25- 30"Nopa tlacame tlen nopa huejhueyi familias tlen Dan, Aser huan Neftal'i quiquetzase ininyoyoncalhua huan ininbandera ica norte tlen nopa yoyon tiopamitl. Huan nica eltoc inintoca sesen hueyi familia, inintlayacanca huan quesqui tlacame huelque yohuij tlatehuitij: Familia Tlayacanquetl Quesqui Dan Ahiezer, icone Amisadai 62,700 Aser Pagiel, icone Ocr'an 41,500 Neftal'i Ahira, icone En'an 53,400 31Huajca ipan nopa tlatehuijca pamitl tlen Dan elis nopa soldados tlen ni eyi huejhueyi familias huan san sejco ajsique 157,600 tlacame tlen huelque tlatehuise. Huan ni tlatehuijca pamitl motecpanase iica ibandera hasta teipa huan nejnemise iica nopa tlatehuijca pamitl Efra'in." 32Huajca quema quinpojtoyaj nochi israelita tlacame tlen huelque tlatehuitij ipan nochi huejhueyi familias ajsique 603,550 tlacame. 33Pero ax quintlalijque san sejco nopa levitame pampa TOTECO quinahuatijtoya Mois'es ma ax quinpohua ica tlen tlatehuise. 34Huajca nopa israelitame quichijque nochi senquistoc queja TOTECO quinahuatijtoya Mois'es. Huan sesen hueyi familia quiquetzque ininchaj tlen yoyomitl iica ibandera campa quinilhuijtoyaj. Huan quema quistejque, motecpantiyajque huan nejnenque sesen hueyi familia senquistoc queja TOTECO quinahuatijtoya Mois'es.

will be added

X\