Numbers 12

1Teipa Mar'ia ihuaya Aar'on pejque quijilnamiquij Mois'es, pampa Mois'es mosihuajtijtoya ica se sihuatl tlen ehua ipan tlali Etiop'ia. 2Huan nojquiya quiijtojque: "¿Ajqueya quiijtohua para TOTECO san quicamahu'ia Mois'es? Nojquiya techcamahuijtoc tojuanti." Huan TOTECO quicajqui. 3Melahuac Mois'es eliyaya se tlacatl tlen achi m'as moicnonequiyaya huan ax queja nochi sequinoc tlacame ipan tlaltepactli. 4Huajca nimantzi TOTECO quiilhui Mois'es, Aar'on huan Mar'ia: "Xiyaca imojuanti ineyi campa nopa yoyon tiopamitl campa timopant'iaj." Huan nochi eyi yajque campa nopa yoyon tiopamitl. 5Huajca TOTECO temoc ipan nopa mixtli huan moquetzqui campa puerta tlen calaqui ipan nopa yoyon tiopamitl. Huan quinnotzqui Aar'on ihuaya Mar'ia huan quema monechcahuijque, 6TOTECO quinilhui: "Xijtlacaquilica ni tlamantli tlen nimechilhuis: Quema nimechtitlanil'ia se tiocamanalojquetl para itztos imohuaya, na niimoTECO, nimonext'ia ica ya ipan se temictli o nimocamahu'ia ihuaya ipan se tlanextili. 7Pero ax queja nopa nijcamahu'ia ni notlatequipanojca Mois'es. Yajaya tlen achi m'as temachtli nechneltoquil'ia que nochi sequinoc notlatequipanojcahua. 8Huan quema ihuaya Mois'es nicamati, timoixtlachilijtoque huan nicamati ica se tlajtoli tlen ax ohui huan tlen nimantzi quimachil'ia. Huan yajaya quiita noxayac huan queja na niitztoc. Huajca ¿para tlen inmotlalijtoque inquiijilnamiquij notlatequipanojca Mois'es?" 9Huan TOTECO nel'ia cualanqui miyac ininhuaya huan quisqui. 10Huan quema nopa mixtli mijcueni ipan nopa yoyon tiopamitl, Mar'ia pejqui palani itlacayo huan mocajqui chipahuac. Huan quema Aar'on moicancuepqui para quiitas Mar'ia, quiitac quipixqui nopa fiero tlacayo palanca cocolistli tlen itoca lepra. 11Huajca nimantzi Aar'on quiilhui Mois'es: "Xijpiya hueyi moyolo tohuaya, noteco. Amo xitechtlatzacuilti ipampa ni totlajtlacol. Nel'ia tihuihuitique huan yeca queja nopa ticamatque. 12Pero amo xijcahua Mar'ia ma mocahua queja se conetl tlen tlacati mictoc tlen quisa iijtico inana ica icuetlaxo ya san papalaca." 13Huajca Mois'es quitzajtzili TOTECO: "¡Toteco Dios, nimitztlajtlan'ia xijchihua hueyi moyolo, huan xijchicahua!" 14Huan TOTECO quinanquili: "Intla itata san quiixchajchatosqu'ia, monequi mopinahuasqu'ia hasta chicome tonali, huajca xijquixtica huan ma itzto huejca tlen imoaltepe tlen imoyoyoncalhua para chicome tonali. Huan quema tlamis chicome tonali, sampa hueli mocuepas campa ichaj." 15Huan queja nopa Mar'ia quiquixtijque huejca tlen inialtepe huan nopona mocajqui chicome tonali. Huan nopa israelitame ax mijcuenijque hasta sampa quiselijque Mar'ia ipan inialtepe tlen yoyon caltini. 16Teipa motlalantejque tlen campa itztoyaj campa itoca Hazerot huan yajque quiquetzatoj ininchajchaj ipan nopa huactoc tlali tlen itoca Par'an.

will be added

X\