1 TOTECO quicamahui Mois'es ipan nopa huactoc tlali Sina'i ipan nopa yoyon tiopamitl campa mopantiyayaj. Quicamahui ipan 15 itequi nopa ompa metztli ipan nopa israelita calendario quema ya panotoya se xihuitl huan se metztli para nopa israelitame quistoyaj tlen tlali Egipto. Huan ya ni tlen TOTECO quiilhui: 2 - 3 "Monequi ta ihuaya Aar'on xijtlalanaca se censo tlen nochi israelita tlacame tlen quiaxitijtoque 20 xihuitl para huejcapa huan tlen hueli tlatehuitij. Xiquijcuiloca sese itoca, huan itoca itata, huan itoca ihuejcapan tata, huan xiquinpohuaca quesqui itztoque. Huan quema ya inquinpojtose nochi, xiquintecpanaca ipan huejhueyi pamitl queja soldados para tlatehuise. 4 Nojquiya inmechpalehuis se iteipa ixhui nochi nopa 12 huejcapan tatame tlen huejcajquiya itztoyaj. Sesen motlapalehuijca elis tlen m'as tlayacana ipan iteixmatcahua ipan ihueyi familia. 5 - 15 Ya ni inintoca nopa tlayacanani tlen inmechpalehuis tlen sesen hueyi familia: Familia Tlayacanquetl Rub'en Elisur, icone Sedeur Sime'on Selumiel, icone Zurisadai Jud'a Naas'on, icone Aminadab Isacar Natanael, icone Zuar Zabul'on Eliab, icone Hel'on Efra'in, icone Jos'e Elisama, icone Amiud Manas'es, icone Jos'e Gamaliel, icone Pedasur Benjam'in Abid'an, icone Gedeoni Dan Ahiezer, icone Amisadai Aser Pagiel, icone Ocr'an Gad Eliasaf, icone Reuel Neftal'i Ahira, icone En'an 16 Ya ni elque inintoca nopa tlayacanani tlen tlapejpenilme para tlayacanase ipan sesen hueyi familia." 17 Huan Mois'es huan Aar'on ininhuaya ni tlayacanani tlen TOTECO quintocajtlalijtoya, 18 quinnotzque nochi israelitame ma mosentilica ipan nopa tonal quema TOTECO quicamahui Mois'es. Huan pejque quinijcuilohuaj nochi tlacame tlen ya quiaxitijtoyaj 20 xihuitl ica huejcapa. Huan sesen quiijcuilojque ajqueya eliyaya ihuejcapan tata huan ajqueya itata. Moijcuilojque sesentzitzi. 19 Huajca nopona ipan nopa huactoc tlali tlen itoca Sina'i quinpojque nochi ni tlacame queja TOTECO quinahuatijtoya Mois'es. 20 - 43 Huan quema Mois'es, Aar'on huan nopa 12 tlayacanani tlen israelitame ya tlantoya inintequi, ya ni ininmiyaca nopa tlacame tlen quinpojque tlen quipixque 20 xihuitl para huejcapa huan huelque yohuij tlatehuitij: Familia Quesqui Rub'en, iachtohui ejca Israel 46,500 Sime'on 59,300 Gad 45,650 Jud'a 74,600 Isacar 54,400 Zabul'on 57,400 Efra'in, icone Jos'e 40,500 Manas'es, icone Jos'e 32,200 Benjam'in 35,400 Dan 62,700 Aser 41,500 Neftal'i 53,400 44 Huajca ya ni techilhui tlen quipantijque Mois'es huan Aar'on huan nopa 12 tlayacanani tlen tlayacanayayaj ipan sese ifamilia tlen iteipa ixhuihua Israel. 45 Quinpojque nopa israelita tlacame tlen quiaxitijtoyaj 20 xihuitl ica huejcapa huan tlen huelque yohuij para tlatehuitij. 46 Huan quipantijque para ica nochi itztoyaj 603 mil 550 tlaca israelitame tlen huelque tlatehuitij. 47 Pero ax quinpojtoyaj tlacame ipan nopa hueyi familia tlen iteipa ixhuihua Lev'i, 48 pampa TOTECO quiilhuijtoya Mois'es: 49 "Quema tijtlalanas se censo tlen nochi israelitame tlen hueli tlatehuitij, amo xiquinpohua nopa levitame, inijuanti tlen hualajque ipan nopa huejcapan tata Lev'i. Amo xiquintlali san sejco ihuaya ne sequinoc israelitame. 50 Pero xiquintequimaca nochi levita tlacame ma quimocuitlahuica noyoyon tiopa tlen quipiya nopa caxa, huan nochi tlen eltoc ipani, huan nochi tlamantzitzi tlen nopona calijtic quitequihu'iaj. Quema inyase sejcoyoc, elis levitame inintequi para quihuicase nopa yoyon tiopamitl campa na nimocahua imohuaya huan nojquiya quihuicase nochi tlen quipiyaj. Nojquiya levitame ma quiquetzaca ininyoyoncalhua nechca nochaj para ma quiyahualoca. 51 Huan quema monequi quihuicase nopa yoyon tiopamitl, inijuanti tlen quicocopitzase. Huan quema inajsise campa inquiquetzase imoyoyoncalhua, inijuanti tlen sampa quicualchijchihuase nopa tiopamitl queja eltoya. Pero intla se tlacatl tlen ax se iteipa ixhui Lev'i quinechcahuis nopa yoyon tiopamitl campa na nimocahua imohuaya, monequi inquimictise. 52 Huan monequi nochi tlacame ipan sesen hueyi familia tlen israelitame quipiyase campa quiquetzase ininyoyoncalhua san sejco, ica se pamitl nopona campa quintocarohua iteipa ixhuihua ininhueyi familia. Huan iixhuihua sesen huejcapan tata quipiyase ininbandera para quinextis canque mocahua ininpamitl. 53 Pero nochi nopa levitame quiquetzase ininyoyoncalhua yahualtic tlen nopa yoyon tiopamitl campa nimocahua imohuaya huan tlen quipiya tlen imohuaya nimocajtoc pampa inintequi levitame quimocuitlahuise nopa tiopamitl. Quimocuitlahuise para aqui hueli tlacatl ax huelis monechcahuis huan ax nicualanis ica inisraelitame." 54 Huajca nopa israelitame quichijque senquistoc nochi tlen TOTECO quinahuati Mois'es.
