Nehemiah 7

1Quema ya tijsencajtoyaj nopa tepamitl tlen quiyahualo altepetl Jerusal'en huan nochi ipuertas ya tijtlatzquiltijtoyaj, tiquintequimacaque puerta tlamocuitlahuiani, huicani huan levitame para tlamocuitlahuise. 2Huan niquintequimacac ma quipiyaca tlanahuatili ipan nopa altepetl noicni Hanani huan Hanan'ias tlen eliyaya capit'an tlen soldados ipan nopa cuartel tlen eltoya nopano. Hanan'ias eliyaya se tlacatl tlen nel'ia temachtli huan quitlepanitac Toteco Dios miyac huan ax queja sequinoc. 3Huan na niquinilhui: "Amo xijtlapoca cuapuertas tlen Jerusal'en hasta quema ya quistos cuali tonati huan sampa xijtzacuaca nopa puertas quema noja itztose tlamocuitlahuiani. Huan xijtzacuaca nopa puertas cuali huan xijtlalica nopa hueyi tepos barra. Huan nojquiya xiquintequimaca tlacame tlen Jerusal'en ehuani ma tlamocuitlahuica. Sesen ma quipiya itequi campa ta tijtlalis o nechca ichaj." 4Niquilhui ya nopa pampa nopa altepetl elqui tlahuel hueyi huan san quentzi tlacame itztoyaj ipani pampa aya oncayaya caltini tlasencahuali. 5Huan Toteco Dios nechyoltilana para ma niquinsentilis nochi tlayacanca tlacame, nochi tequihuejme, huan nochi tlacame para ma moijcuiloca ipampa familias. Ya nicajsic se amatlapohuali ica inintoca tlen achtohuiya mocueptoyaj huan ya ni tlen nijpanti ijcuilijtoc ipani: 6Nica eltoc inintoca nopa israelitame tlen ehuani altepetl Jerusal'en huan campa hueli ipan tlali Jud'a tlen Nabucodonosor quinhuicac tlali Babilonia para tlatequipanotij huan teipa sampa mocuepque ipan Jerusal'en huan nopa sequinoc pilaltepetzitzi campa ejque. 7- 25Mocuepque ininhuaya nopa tlayacanani tlen inintoca eliyayaj Zorobabel, Jes'ua, Nehem'ias, Azar'ias, Raam'ias, Nahamani, Mardoqueo, Bils'an, Misperet, Bigvai, Nehum huan Baana. Nica techilhu'ia ipan tlaque familia hualajque nopa tlacame huan quesqui yajuanti mocuepque tlen nopa familia. Familia|d Quesqui|d Paros 2,172 Sefat'ias 372 Ara 652 Pahat Moab ipampa Jes'ua huan Joab 2,818 Elam 1,254 Zatu 845 Zacai 760 Bin'ui 648 Bebai 628 Azgad 2,622 Adonicam 667 Bigvai 2,067 Ad'in 655 Ezequ'ias ipampa icone Ater 98 Hasum 328 Bezai 324 Harif 112 Gaba'on 95 26- 38Huan nica techilhu'ia inialtepe canque hualajque nopa tlacame huan quesqui yajuanti mocuepque tlen nopa altepetl. Altepetl|d Quesqui|d Bel'en huan Netofa 188 Anatot 128 Bet Azmavet 42 Quiriat Jearim, Cafira huan Beerot 743 Ram'a huan Geba 621 Micmas 122 Betel huan Hai 123 nopa seyoc altepetl Nebo 52 nopa seyoc altepetl Elam 1,254 Harim 320 Jeric'o 345 Lod, Hadid huan Ono 721 Senaa 3,930 39- 42Huan nica techilhu'ia quesqui totajtzitzi mocuepque tlen tlali Babilonia huan ipan tlen familia hualajque: Familia|d Quesqui|d Jeda'ias 973 Imer 1,052 Pasur 1,247 Harim 1,017 43Mocuepque 74 levitame tlen itztoyaj iixhuihua Josu'e ipampa Jes'ua huan Cadmiel. 44Mocuepque 148 huicani tlen itztoyaj iixhuihua Asaf. 45Mocuepque 138 tiopan puerta tlamocuitlahuiani tlen itztoyaj iniixhuihua Salum, Ater, Talm'on, Acub, Hatita huan Sobai. 46Huan mocuepque tiopan calijtic tequipanohuani tlen itztoyaj iniixhuihua: Ziha, Hasufa, Tabaot, 47Queros, Siaha, Pad'on, 48Lebana, Hagaba, Salmai, 49Han'an, Gidel, Gahar, 50Rea'ia, Rez'in, Necoda, 51Gazam, Uza, Paseah, 52Besai, Mehunim, Nefisesim, 53Bacbuc, Hacufa, Harhur, 54Bazlut, Meh'ida, Harsa, 55Barcos, S'isara, Tema, 56Nez'ia huan Hatifa. 57Huan mocuepque ininteipa ixhuihua itlatequipanojcahua Salom'on tlen inintoca eliyayaj: Sotai, Soferet, Perida, 58Jaala, Darc'on, Gidel, 59Sefat'ias, Hatil, Poqueret Hazebaim huan Am'on. 60Huajca ica nochi mocuepque 392 tlen itztoyaj iniixhuihua tiopan calijtic tequipanohuani huan tlen itztoyaj iniixhuihua itlatequipanojcahua Salom'on. 61Huan ipan nopa tonali nojquiya mocuepque sequinoc tlacame tlen altepetini tlen itoca Tel Mela, Tel Harsa, Querub, Ad'on huan Imer ipan tlali Persia, pero ax quipantijque inintoca ipan nopa amatlapohuali huan ax huelque quiixnextijque ajqueya inintata, niyon ininhueyi tata, niyon intla nel'ia itztoyaj israelitame. 62Elque 642 tlen ni tlacame huan elque iixhuihua: Dela'ia, Tob'ias huan Necoda. 63Huan mocuepque totajtzitzi tlen itztoyaj iixhuihua Haba'ia, Cos, huan Barzilai tlen monamicti ihuaya se iichpoca Barzilai tlen tlali Galaad huan quicuili itoca isihua. 64Nochi ni totajtzitzi quintemolijque inintoca ipan nopa amatlapohuali huan ax quipantijque. Huajca ax quintequimacaque queja totajtzitzi pampa ax quimatque intla tlapajpactique o axtle. 65Huan na nigobernador niquinilhui ma amo quicuaca tlacualistli tlen tlatzejtzeloltic para totajtzitzi hasta quema quitlajtlanise TOTECO ica nopa piltetzitzi tlen itoca Urim huan Tumim, nopa dados tlatzejtzeloltic, para quimatise intla eliyayaj totajtzitzi o axtle. 66Huajca ica nochi tlen mocuepque ipan tlali Jud'a eliyayaj 42,360 tlacame. 67Huan nojquiya mocuepque 7,337 inintlatequipanojcahua, tlacame huan sihuame. Huan mocuepque 245 huicani, tlacame huan sihuame. 68Huan quinhualicatoyaj ininhuaya 736 cahuayojme, huan 245 mulas, 69huan 435 camellos, huan 6,720 burrojme. 70Huan sequin tlayacanani ipan familias tlapalehuijque ica tomi para nopa tequitl. Huan na tlen nigobernador nitemacac 8 kilos huan tlajco tlen oro, huan 50 tazas, huan 530 ininyoyo totajtzitzi. 71Huan sequin tetajme ipan familias temacaque 170 kilos tlen oro huan 1,210 kilos tlen plata. 72Huan nochi sequinoc tlen itztoyaj ipan nopa altepetl temacaque 170 kilos tlen oro, huan se mil cien kilos tlen plata, huan 67 ininyoyo totajtzitzi. 73Huan teipa nochi totajtzitzi, levitame, puerta tlamocuitlahuiani, huicani huan tlen tequipanohuayayaj ipan tiopamitl, huan nochi sequinoc israelitame mocuepque ipan inialtepe campa ejque huan mochantijque. Huan quema ajsiyaya nopa metztli chicome ipan toisraelita xihui, nochi nopa israelitame ya quipixque ininchajchaj para ipan itztose sesen ipan ialtepe.

will be added

X\