Nehemiah 6

1Quema Sanbalat, Tob'ias, huan Gesem, nopa 'arabe tlacatl, huan sequinoc tocualancaitacahua quimatque para ya titlantoyaj tijcualchijchihuaj nopa tepamitl huan ax tleno m'as polihuiyaya, san monequiyaya cuapuertas tijtlatzquiltise, nel'ia cualanque. 2Huan Sanbalat huan Gesem nechtitlanilijque se amatlajcuiloli. Nechilhui ma nimosentili ininhuaya ipan se pilaltepetzi ipan nopa tlamayamitl tlen itoca Ono. Pero na nijmachili para quinequiyayaj nechmictise, 3huajca na niquintitlanili tlayolmelahuani para quinilhuise: "Na nimotequihu'ia ipan se hueyi tequitl huan ax hueli nijcajtehuas. ┬┐Para tlen monequi moquetzas ni tequitl para niquisas huan nitemos campa imojuanti?" 4Huan yajuanti queja nopa nechtitlanilijque tlajtoli nahui hueltas huan na san se niquinnanquiliyaya. 5Teipa ica macuili hueltas Sanbalat quititlanqui itlatequipanojca ma nechhualiquili seyoc amatlajcuiloli tlapojtoc ipan ima, 6huan ya nopa quiijto: "Campa hueli nochi quimatij para ta huan nochi israelitame intlasencahuaj para inmoajcomanase ica totlanahuatijca huan yeca inquicualtlal'iaj nopa tepamitl. Ihuical nojquiya quiijtohua Gesem. Nojquiya quiijtohuaj para timochihuas tiinintlanahuatijca. 7Huan quiijtohuaj para ya tiquintlalijtoc tiocamanalohuani para ma quiijtoca ipan altepetl Jerusal'en para ta titlanahuatijquetl. Temachtli quimatis Tlanahuatijquetl Artajerjes nochi ni tlajtoli tlen nemi. Huajca m'as cuali xihuala huan ticamatise san tojuanti." 8Huajca na nijcuepili ica se amatlajcuiloli tlen quiijto: "Ax tleno melahuac tlen tiquijtojtoc. San tiistlacati." 9Yajuanti san quinequiyayaj techmajmatise para ayoc tijchihuase nopa tequitl, pero na achi m'as nimoyolchicajqui. 10Teipa niyajqui nijpaxaloto Sema'ias, icone Dela'ia huan iixhui Mehetabel. Yajaya senitztoya ipan ichaj huan ax huelqui quisa. Yajaya quiijto para Toteco Dios quinojnotztoya ma nechilhui ma timosentilica ipan tiopa calijtic huan ma tijtzacuaca cuali nopa puertas huan ma timotlatica. Quiijto para hualayayaj tlacame nopa tlayohua para techmictiquij. 11Huan na nijnanquili: "Tlacame queja na ax cholohuaj. Ax nitotajtzi para nicalaquis tiopan calijtic, niyon para nijmanahuis noyolis, huajca ax niyas." 12Huan na nimomacac cuenta para Toteco Dios ax quinojnotztoya. San quiijtojtoya nopa tlajtoli tlen nopantis queja elisqu'ia se tiocamanalojquetl pampa Sanbalat huan Tob'ias quitlaxtlahuijtoyaj. 13Quitlaxtlahuiyayaj para ma nechmajmati para ma nijchihua tlen ax monequi huan nitlajtlacolchihuas. Queja nopa quipiyasqu'iaj se tlajtoli ax cuali tlen na para ma nechteilhuica. 14Huajca nimomaijto huan niquijto: "NoTeco Dios, xiquilnamiqui tlen ax cuali quichijtoque Sanbalat huan Tob'ias. Nojquiya xiquilnamiqui tlen fiero quichijtoque nopa sihua tiocamanalojquetl, Noad'ias, huan nochi nopa sequinoc tiocamanalohuani tlen quinequij nechmajmatise." Queja nopa nimomaijto. 15Huan tijtlamiltijque tijcualchijchihuaj nopa tepamitl ipan tonal 25 itequi nopa metztli Elul ipan toisraelita xihui. Huajca tlen ipejya totequi hasta tijtlamiltijque tijcualchijchijque nopa tepamitl ipan san 52 tonali. 16Huan quema quimatque tocualancaitacahua huan nopa tlacame ipan nochi tlaltini tlen quiyahualojtoque altepetl Jerusal'en para tijtlamiltijtoyaj nopa tequitl, tlahuel momajmatijque pampa quimachilijque para san ica ichicahualis Toteco Dios tijtlamiltijtoyaj nopa tequitl. 17Huan ipan nopa 52 tonali tlayacanca tlacame ipan tlali Jud'a quititlaniliyayaj miyac amatlajcuiloli Tob'ias, huan nimantzi quincuepiliyaya. 18Queja nopa quichijque pampa miyac tlacame tlen tlali Jud'a motemacatoyaj ihuaya Tob'ias pampa imontat eliyaya Secan'ias, icone Ara. Nojquiya icone Tob'ias tlen itoca Johan'an mosihuajtijtoya ihuaya iichpoca Mesulam, icone Berequ'ias. 19Ajachica nopa tlayacanca tlacame hualayayaj huan nechpohuiliyayaj para nel'ia se cuali tlacatl Tob'ias huan sampa yahuiyayaj quipohuiliyayaj Tob'ias nochi tlen na niquijtohuayaya. Huan Tob'ias nojquiya nechtitlaniliyaya miyac amatlajcuiloli para nechmajmatis.

will be added

X\