Nehemiah 12

1Ya ni techilhu'ia tlen totajtzitzi huan levitame mocuepque ihuaya Zorobabel, icone Salatiel, huan ihuaya Jes'ua. Inintoca nopa totajtzitzi elque: Sera'ias, Jerem'ias, Esdras, 2Amar'ias, Maluc, Hat'us, 3Secan'ias, Rehum, Meremot, 4Iddo, Gineto, Ab'ias, 5Mijam'in, Maad'ias, Bilga, 6Sema'ias, Joiarib, Jeda'ias, 7Sal'u, Amoc, Hilc'ias, huan Jeda'ias. Nochi ya ni eliyayaj tlayacanani tlen totajtzitzi huan inintlapalehuijcahua ipan nopa tonali quema tequitiyaya Jes'ua. 8Huan nopa levitame tlen mocuepque ininhuaya elque: Jes'ua, Bin'ui, Cadmiel, Sereb'ias, Jud'a huan Matan'ias tlen ica ihuampoyohua tlayacanayayaj ipan huicatl para quitlascamatise TOTECO ipan tlasentililistli. 9Nojquiya iniicnihua Bacbuqu'ias huan Uni moquetzayayaj iniixmelac huan tlapalehuiyayaj ipan tlasentililistli. 10Nopa hueyi totajtzi Jes'ua quipixqui itelpoca, Joiacim. Joiacim elqui itata Eliasib. Eliasib teipa elqui itata Joiada. 11Joiada teipa elqui itata Jonat'an. Jonat'an teipa elqui itata Jad'ua. 12Nica eltoc inintoca nopa tlayacanca totajtzitzi tlen quinyacanayayaj ininhueyi familia tlen totajtzitzi huan tequitque imaco Joiacim quema yajaya eliyaya hueyi totajtzi: Mera'ias quinyacanayaya ichaj ehuani Sera'ias. Hanan'ias quinyacanayaya ichaj ehuani Jerem'ias. 13Mesulam quinyacanayaya ichaj ehuani Esdras. Johan'an quinyacanayaya ichaj ehuani Amar'ias. 14Jonat'an quinyacanayaya ichaj ehuani Melic'u. Jos'e quinyacanayaya ichaj ehuani Seban'ias. 15Adna quinyacanayaya ichaj ehuani Harim. Helcai quinyacanayaya ichaj ehuani Meraiot. 16Zacar'ias quinyacanayaya ichaj ehuani Iddo. Mesulam quinyacanayaya ichaj ehuani Ginet'on. 17Zicri quinyacanayaya ichaj ehuani Ab'ias. Piltai quinyacanayaya ichaj ehuani Miniam'in huan Moad'ias. 18Sam'ua quinyacanayaya ichaj ehuani Bilga. Jonat'an quinyacanayaya ichaj ehuani Sema'ias. 19Matenai quinyacanayaya ichaj ehuani Joiarib. Uzi quinyacanayaya ichaj ehuani Jeda'ias. 20Calai quinyacanayaya ichaj ehuani Salai. Eber quinyacanayaya ichaj ehuani Amoc. 21Hasab'ias quinyacanayaya ichaj ehuani Hilc'ias huan Natanael quinyacanayaya ichaj ehuani Jeda'ias. 22Quema Dar'io tlanahuatiyaya ipan tlali Persia quichijque se lista ica inintoca nopa tlayacanani tlen familias tlen levitame huan totajtzitzi. Quichijque ipan nopa tonali quema Eliasib, Joiada, Johan'an huan Jad'ua eliyayaj huejhueyi totajtzitzi. 23Huan nopa tlayacanca levitame quiijcuilojque inintoca ipan se amatlapohuali hasta ipan nopa tonali quema itztoya hueyi totajtzi Johan'an, icone Eliasib. 24Huan nopa levitame tlen tlayacanani elque: Hasab'ias, Sereb'ias huan Jes'ua, icone Cadmiel. Huan iniicnihua tlen san se ininchaj ehuani moquetzayayaj iniixmelac ipan nopa tlasentililistli para quipaquilismacase huan quitlascamatise Toteco Dios quema quintocarohua tequitise. Queja nopa tlapalehuiyayaj queja huejcajquiya tlanahuatijtoya David tlen elqui itlatequipanojca Toteco Dios. 25Huan Matan'ias, Bacbuqu'ias, Obad'ias, Mesulam, Talm'on huan Acub eliyayaj puerta tlamocuitlahuiani. 26Yajuanti tequitique quema Joiacim, icone Jes'ua huan iixhui Josadac, eliyaya hueyi totajtzi, huan na niNehem'ias nieliyaya gobernador, huan Esdras eliyaya totajtzi huan tlamachtijquetl. 27Quema ajsic tonali para quiiyocatlalise para TOTECO nopa yancuic tepamitl para altepetl Jerusal'en tlen ya quitlamicualchijchijtoyaj, huajca quintemojque nochi levitame ipan campa hueli altepetini huan quinhualicaque hasta altepetl Jerusal'en para tlapalehuise ipan nopa ilhuitl. Quinejque ma quihueyichihuaca TOTECO ica paquilistli, huan ica huicatl para quitlascamatise, huan ica tlatzotzonali ipan panderos, arpas, huan liras. 28Huan nojquiya hualajque nopa levita huicani tlen itztoyaj ipan pilaltepetzitzi nechca Jerusal'en huan ipan nopa altepetini tlen nopa netofatitame. 29Huan nojquiya hualajque huicani tlen Gilgal, tlen nopa mili nechca Geba huan tlen Azmavet pampa nochi tlen huicani mochantijtoyaj yahualtic altepetl Jerusal'en. 30Achtohui nochi nopa totajtzitzi huan levitame motlapajpacchijque. Huan nojquiya quintlapajpacchijque nochi israelitame, huan nopa puertas tlen nopa altepetl huan nopa tepamitl. 31Teipa niquinnahuati tequihuejme ipan tlali Jud'a ma tlejcoca itzonpac nopa tepamitl. Huan niquintlali ome pamitl tlen huicani. Nopa achtohui pamitl nejnenque ica inejmatl itzonpac nopa tepamitl hasta nopa Tlasoli Puerta. 32Huan Osa'ias quintoquili ica tlajco nopa tequihuejme tlen tlali Jud'a, 33ininhuaya Azar'ias, Esdras, Mesulam, 34Jud'a, Benjam'in, Sama'ias huan Jerem'ias. 35Huan quintoquilijque sequin totajtzitzi tlen quipitzayayaj tlapitzali. Teipa yajqui Zacar'ias, icone Jonat'an, tlen elqui icone Sema'ias, tlen elqui icone Matan'ias, tlen elqui icone Mica'ias, tlen elqui icone Zacur, tlen elqui icone Asaf. 36Huan inintepotzco yajque Zacar'ias iicnihua, Sema'ias, Azarael, Milalai, Gilalai, Maai, Natanael, Jud'a huan Hanani tlen tlatzotzonayayaj ica itlatzotzonalhua David tlen huejcajquiya eliyaya itlatequipanojca Toteco Dios. Huan nopa tlamachtijquetl Esdras quinyacanayaya. 37Huan quema ajsitoj campa nopa Ameli Puerta quisenhuiquilijque nejnenque huan tlejcoque ipan nopa ojtli tlen escalones tlen yahui hasta campa itoca Ialtepe David. Teipa tlejcoque campa ixtlejco nopa tepamitl huan panoque ica huejcapa ichaj David hasta nopa Atl Puerta ica campa quisa tonati. 38Huan nopa seyoc pamitl tlen huicani nejnenque ica iarraves, huan na niNehem'ias, niyohuiyaya iniica, itzonpac nopa tepamitl ica ne seyoc tlajco tlacame. Huan tijpanoque nopa tetzoptli tlen itoca Horno Torre, huan hasta campa m'as patlahuac nopa tepamitl. 39Huan tijpanoque itzonpac nopa Efra'in Puerta, nopa Sosoltic Puerta, nopa Michi Puerta, nopa tetzoptli itoca Torre tlen Hananeel, huan nopa seyoc tetzoptli tlen itoca Torre tlen Hamea. Teipa tijpanoque hasta nopa Borrego Puerta huan timoquetzatoj campa Caltlatzactli Puerta. 40Huan teipa nochi ome pamitl tlen huicani huan na huan tlajco nopa tequihuejme tiyajque hasta itiopa Toteco Dios campa timoquetzatoj. 41Tinejnemiyayaj ininhuaya nopa totajtzitzi tlen tlapitzayayaj tlen inintoca: Eliacim, Maase'ias, Miniam'in, Mica'ias, Elioenai, Zacar'ias huan Hanan'ias, 42huan nopa huicani tlen huicayayaj chicahuac tlen inintoca: Maas'ias, Sema'ias, Eleazar, Uzi, Johan'an, Malqu'ias, Elam huan Ezer. Huan Izrah'ias quinyacanayaya. 43Huan ipan nopa tonal quitlatijque miyac tlacajcahualistli para Toteco huan nochi paquiyayaj miyac pampa Toteco Dios quinmacatoya se hueyi paquilistli. Hasta nojquiya sihuame huan coneme tlahuel paquiyayaj huan nopa tlahuelchihualistli tlen paquilistli ipan altepetl Jerusal'en quicaquiyayaj hasta huejca. 44Huan ipan nopa tonal quintlalijque tlacame para quimocuitlahuise nopa cali campa quiajcocuise nopa ofrendas, nopa achtohui pixquistli huan nopa diezmos tlen quihualicayayaj tlacame. Monequi quisentilise tlen nochi miltini ipan nochi altepetini tlen itlanahuatilhua Mois'es quiijto pampa ya nopa quintocaro nopa totajtzitzi huan levitame. Huan nopa tlacame tlen tlali Jud'a paquiyayaj para temacase pampa nopa totajtzitzi huan levitame quintequipanohuayayaj. 45Huan nopa totajtzitzi, huan levitame, ininhuaya nopa huicani, huan puerta tlamocuitlahuiani quihueyichijque Toteco Dios huan motlapajpacchijque queja quiijto nopa tlanahuatili tlen David huan Salom'on quinmacaque. 46Pampa hasta huejcajquiya quema itztoyaj David huan Asaf, itztoyaj tlayacanani tlen quinyacanayayaj huicani para quihueyichihuase huan quitlascamatilise Toteco Dios. 47Huajca ipan ni tonali quema Zorobabel huan na, niNehem'ias, titlayacanayayaj, nochi israelitame quihualicayayaj nopa tlacualistli tlen mojmostla monequiyaya para nopa huicani huan nopa puerta tlamocuitlahuiani huan nojquiya para nopa levitame. Huan nopa levitame teipa quiiyocatlaliyayaj se diezmo para iteipa ixhuihua Aar'on, nopa totajtzitzi ma quitequihuica.

will be added

X\