Nehemiah 11

1Nopa tlayacanani tlen israelitame ya mocahuayayaj para itztose ipan altepetl Jerusal'en. Pero nochi sequinoc israelitame monejqui mahuiltise ica piltetzitzi para quiitase ajqueya m'as itztoquij nopano pampa monequi se ipan sesen majtlactli tlacame mochantis para mocahuas ipan altepetl Jerusal'en, nopa altepetl tlatzejtzeloltic para TOTECO. Huan nopa seyoc chicnahui yasqu'iaj itztotij ipan sequinoc altepetini. 2Huan sequin tlacame ica ininpaquilis motemacaque para mocahuase altepetl Jerusal'en. Huan nochi israelitame quintiochijque pampa queja nopa monequiyaya. 3Huan ya ni inintoca nopa tlayacanani ipan sequinoc estados tlen mocahuacoj ipan Jerusal'en. Nechca nochi tlacame, totajtzitzi, levitame, tiopa tlatequipanohuani huan iniixhuihua Salom'on itlatequipanojcahua noja mocajque ipan ininchajchaj ipan miyac pilaltepetzitzi ipan tlali Jud'a. Pero sequin tlacame tlen tlali Jud'a hualajque huan mochantijque ipan altepetl Jerusal'en. 4Sequin tlacame tlen nopa huejhueyi familias Jud'a huan Benjam'in hualajque para mocahuase ipan altepetl Jerusal'en. Tlen iixhuihua Jud'a mocajque ipan Jerusal'en: Ata'ias, icone Uz'ias, tlen elqui icone Zacar'ias, tlen elqui icone Amar'ias, tlen elqui icone Sefat'ias, tlen elqui icone Mahalaleel, tlen elqui se ipan ifamilia Fares. 5Nojquiya hualajqui Maas'ias, icone Baruc, tlen elqui icone Colhoze, tlen elqui icone Haza'ias, tlen elqui icone Ada'ias, tlen elqui icone Joiarib, icone Zacar'ias, tlen elqui icone Siloni. 6Huajca ica nochi sequinoc tlen iixhuihua Fares tlen mocajque altepetl Jerusal'en eliyayaj 468 tlacame tlen tetique para tlatehuise. 7Tlen iixhuihua Benjam'in mocajque ipan Jerusal'en: Sal'u, icone Mesulam, tlen elqui icone Joed, tlen icone Peda'ias, tlen icone Cola'ias, tlen icone Maas'ias, tlen icone Itiel, tlen elqui icone Jesa'ias. 8Huan ica Sal'u mocajque Gabai huan Salai huan sequinoc tlen para nochi mochijque 928. 9Huan inintlayacanca ipan nopa altepetl elqui Joel, icone Zicri, huan iniompa tlayacanca elqui Jud'a, icone Sen'ua. 10Tlen nopa totajtzitzi mocajque ipan Jerusal'en: Jeda'ias, icone Joiarib, Jaqu'in, 11huan Sera'ias, icone Hilc'ias, tlen elqui icone Mesulam, tlen icone Sadoc, tlen icone Meraiot, tlen icone Ahitob, tlen elqui se tlayacanquetl ipan itiopa Toteco Dios. 12Huan yajuanti ininhuaya tlen tequitiyayaj ipan tiopamitl eliyayaj 822. Nojquiya hualajqui para mocahuas Ada'ias, icone Jeroham, tlen elqui icone Pelal'ias, tlen icone Amsi, tlen icone Zacar'ias, tlen icone Pasur, tlen icone Malqu'ias, 13huan ininhuaya nochi iteixmatcahua tlen tlayacanani tlen ininchaj ehuani mochihuayayaj 242. Nojquiya hualajqui para mocahuas Amasai, icone Azareel, tlen elqui icone Azai, tlen icone Mesilemot, tlen elqui icone Imer. 14Huan ihuaya hualajque 128 ihuampoyohua tlen quinyacanayayaj ininchaj ehuani huan eliyayaj tlacame tlen tlahuel tetique. Huan quinyacanayayaj Zabdiel, icone Gedolim. 15Tlen nopa levitame mocajque ipan Jerusal'en: Sema'ias, icone Hasub, tlen elqui icone Azricam, tlen icone Hasab'ias, tlen elqui icone Buni. 16Huan mocajque Sabetai huan Jozabad tlen eliyayaj tlayacanca levitame, tlen quintequimacatoyaj para quiyacanase nochi tequitl calteno ipan itiopa Toteco Dios. 17Huan mocajqui ipan Jerusal'en Matan'ias, icone Mica'ia, tlen elqui icone Zabdi, tlen icone Asaf. Yajaya tlen momaijto quema quipehualti sesen culto para quitlascamatise Toteco Dios. Nojquiya mocajqui Bacbuqu'ias tlen nopa ompa para tlayacanas huan teipa Abda, icone Sam'ua, tlen elqui icone Galal, tlen elqui icone Jedut'un. 18Huajca nochi ni levitame tlen mocajque ipan altepetl Jerusal'en mochijque 284. 19Tlen nopa puerta tlamocuitlahuiani mocajque ipan Jerusal'en: Acub, Talm'on huan iniicnihua tlen nojquiya quimocuitlahuijque puertas. Huan ica nochi mochijque 172. 20Huan nopa sequinoc israelitame, totajtzitzi huan levitame mochantijque ipan sequinoc altepetini ipan tlali Jud'a campa quiselijtoyaj tlali tlen ininhuejcapan tatahua. 21Pero nopa tlacame tlen tequipanohuayayaj tiopan calijtic mochantijque ipan nopa tepetl Ofel nechca Jerusal'en. Inintlayacancahua eliyaya Ziha huan Gispa. 22Huan nopa tlayacanquetl tlen levitame tlen itztoyaj ipan Jerusal'en eliyaya Uzi tlen elqui icone Bani, tlen elqui icone Hasab'ias, tlen icone Matan'ias, tlen icone Mica'ia, tlen elqui se iixhui Asaf. Huan nochi iixhuihua Asaf itztoyaj huicani ipan tiopamitl. 23Huan nopa huicani mocajque imaco tlanahuatili tlen hualajqui tlen nopa tlanahuatijquetl ipan tlali Persia. Huan nopa tlanahuatijquetl quinnahuatiyaya tlen quichihuasqu'iaj mojmostla. 24Huan Peta'ias, icone Mesezabeel, tlen elqui se tlen iixhuihua Zera, tlen elqui icone Jud'a, yajaya elqui itlatequipanojca nopa tlanahuatijquetl para quiitas nochi tlamantli ica israelitame. 25Huan sequin iixhuihua Jud'a mocajque para itztose ipan altepetini Quiriat Arba, Dib'on huan ipilaltepehua, Jecabseel huan ipilaltepehua, 26Jes'ua, Molada, Bet Pelet, 27Hazar Sual, Beerseba huan ipilaltepehua, 28Siclag, Mecona huan ipilaltepehua, 29Enrim'on, Zora, Jarmut, 30Zanoa, Adulam huan ininpilaltepetzitzi, Laquis huan imilhua huan Azeca huan ipilaltepehua. Huajca iixhuihua Jud'a mochantijtoyaj tlen altepetl Beerseba hasta nopa tlamayamitl tlen itoca Hinom. 31Huan yajuanti tlen eliyayaj ipan nopa hueyi familia tlen iixhuihua Benjam'in mochantijque ipan altepetini: Geba, Micmas, A'ia, Betel huan ipilaltepehua, 32Anatot, Nob, Anan'ias, 33Hazor, Ram'a, Gitaim, 34Hadid, Seboim, Nebalat, 35Lod, Ono huan ipan nochi nopa tlamayamitl campa itztoyaj nopa tlacame tlen quipixque miyac yajatili para quichihuase miyac tlamantli. 36Huan quintitlanque sequin levitame tlen itztoyaj ipan tlali Jud'a para ma itztotij ipan inintlal iixhuihua Benjam'in.

will be added

X\