Micah 3

1"Xijtlacaquilica imojuanti tlen intlayacanani ipan tlali Jud'a huan tlali Israel. Monequisqu'ia m'as inquimatisqu'iaj tlen xitlahuac que nochi sequinoc. ¿Ax neli? Huan quinamiqui intlayacanani intlamocuitlahuisqu'iaj para oncas tlen xitlahuac ipan imotlal. 2Pero inquihuejcamajcahuaj tlen xitlahuac huan inquinequij tlen ax cuali. Inquinquixtil'iaj notlacajhua tlen iniaxca, queja se tecuani quiquixtil'ia icuetlaxo tlen quimictijtoc. Eltoc queja inquicuaj ininnacayo huan hasta iniomiyo notlacajhua tlen inquintlahuijsojtoque tlalchi. 3Quena, imojuanti queja intecuanime, inquicuaj notlacajhua ininnacayo huan inquinquixtil'iaj inincuetlaxo. Inquinpojpostequil'iaj iniomiyo huan inquinhuejhuelohuaj queja nacatl tlen inquinequij cuechtic para se tlacualistli. Intlayacanani, inquincuil'iaj notlacajhua nochi tlen quipiyaj. 4Huan yeca ipan nopa tonali quema inquitemose TOTECO para ma inmechpalehui, ax inmechnanquilis. Yajaya san moixtlatis pampa inquichijtoque tlahuel miyac tlamantli tlen ax cuali." 5Quej ni TOTECO quinilhu'ia tiocamanalohuani: "Intiocamanalohuani, inquincuapolojque notlacajhua. Inistlacatij huan inquiijtohuaj se quipiyas paquilistli intla inmechtlamacas. Pero intla se tlacatl ax quipiya tleno para inmechmacas, inquiyolmelahuaj para hualas tlatehuijcayotl para inquimajmatise. 6"Huajca hualas tlatzacuiltili imopani huan ayoc huelis inquiitase ipan tlanextili para inquimatise tlachque hualas. Tlamis imotequi, intiocamanalohuani, pampa ax inteyolmelajtoque para hualas tlatzacuiltilistli. Elis queja sejtos tonati huan oncas tzintlayohuilotl campa imojuanti. 7Huan intiocamanalohuani tlahuel inmopinahuase pampa ax inquimatiyayaj tlen hualayaya. Huan imojuanti tlen intetonalitayayaj ayoc inquimatise tlachque inquichihuase. San inmocamatzacuase huan inmopinahuase pampa ax nimechnanquilis." 8Pero na niMiqueas, ax queja nopa niitztoc. Nijpiya miyac ichicahualis Itonal TOTECO. Ax nimajmahui niquinyolmelahuas tlacame ipan tlaltini Jud'a huan ipan Israel para TOTECO quintlatzacuiltis israelitame ipampa inintlajtlacolhua pampa ya nopa xitlahuac. 9Huajca xijtlacaquilica ya ni intlayacanani ipan Israel huan Jud'a. Inquicuesijcaitaj tlen melahuac huan inquichihuaj huijcoltic nochi tlen xitlahuac. 10Inquitlamitemitijtoque Jerusal'en ica temictiani huan nochi tlamantli tlajtlacoli. 11Intlayacanani, inquinequij tlacame ma inmechtlaxtlahuica para intetlajtolsencahuase. Intotajtzitzi, san intlamacht'iaj intla inquitlanij tomi. Intiocamanalohuani, san intemachilt'iaj TOTECO itlajtol intla inmechtlaxtlahu'iaj. Teipa inquichihuaj queja inmotlatzquil'iaj ipan TOTECO. Huan inmohueyimatij huan inquiijtohuaj: "TOTECO itztoc tohuaya huan yeca ax tleno tlen fiero techajsis." 12Huan imopampa imojuanti imotlajtlacolhua, imocualancaitacahua quixolehuase altepetl Jerusal'en. Canactzi mocahuas queja se mili tlapoxahuali huan canactzi elis queja se monton campa calxolehuaj. Huan nopa tlachiquili campa ijcatoc tiopamitl, teipa elis se cuatitlamitl.

will be added

X\