MATEO 4

1Teipa Itonal Toteco quihuicac Jes'us hasta nopa huactoc tlali campa ax tleno eli para Axcualtlacatl ma quiyoltilana Jes'us para ma tlajtlacolchihua. 2Huan Jes'us mosajqui cuarenta tonali, huan teipa nel'ia mayanayaya. 3Huan ajsico Axcualtlacatl huan quiilhui Jes'us: --Intla nel'ia tiIcone Dios, huajca xijnahuati ni tetl ma mocuepa pantzi. 4Huan Jes'us quinanquili: --Ijcuilijtoc ipan Itlajtol Toteco campa quiijtohua: 'Ax san pantzi monequi para itztose tlacame. Nojquiya monequi tijneltoquilijtiyase nochi Itlajtol Toteco.' 5Huajca Axcualtlacatl quihuicac Jes'us hasta altepetl Jerusal'en, ialtepe Toteco Dios, huan quiquetzqui itzonatipa nopa hueyi tiopamitl, 6huan quiilhui: --Intla nel'ia tiIcone Dios, huajca xihuitoni hasta tlatzintla pampa ijcuilijtoc ipan Itlajtol Toteco campa quiijtohua: 'Toteco Dios quintitlanis ielhuicac ejcahua para ma mitzmocuitlahuica, huan yajuanti mitzmatzacuilise para ax timoicxicocos ica niyon se tetl.' 7Huan Jes'us quiilhui: --Nojquiya ijcuilijtoc ipan Itlajtol Toteco campa quiijtohua: 'Amo xijyejyeco Toteco Dios san para tiquitas tlachque quichihuas.' 8Teipa Axcualtlacatl quihuicac Jes'us ipan se huejcapantic tepetl huan quinextili nochi tlacame tlen iniaxca nochi tlanahuatiani ipan nochi tlaltini ipan tlaltepactli huan nochi ininricojyo. 9Huan quiilhui: --Nochi ya ni nimitzmacas intla timotlancuaquetzas huan tinechhueyichihuas. 10Huajca Jes'us quiilhui Axcualtlacatl: --Xinechtlalcahui Axcualtlacatl. Pampa ijcuilijtoc ipan Itlajtol Toteco: 'San Toteco Dios xijhueyichihua huan san ya xijtlepanita.' 11Huajca quisqui Axcualtlacatl huan quicajtejqui Jes'us. Huan elhuicac ehuani hualajque huan quipalehuicoj. 12Teipa quema Jes'us quicajqui para Juan itztoya ipan tlatzactli, quisqui tlen estado Judea huan mocuepqui altepetl Nazaret ipan estado Galilea. 13Huan teipa quisqui altepetl Nazaret huan yajqui para itztoti ipan altepetl Capernaum tlen mocahua nechca nopa hueyi atl campa monamiqui estado Zabul'on ihuaya estado Neftal'i. 14Quichijqui ya ni para ma tlami tlen Toteco quiilhuijtoya itiocamanalojca Isa'ias huejcajquiya huan ya ni tlen quiijto: 15"Nopa tlaltini Zabul'on huan Neftal'i mopant'iaj iteno hueyi atl ipan nopa seyoc nali atemitl Jord'an ipan estado Galilea. Nepa mocahuaj tlacame tlen ax israelitame. 16Pero nochi nopa tlacame tlen itztoyaj ipan tzintlayohuilotl, ama quiitztoque se hueyi tlahuili. Itztoyaj queja mictoque, pero ama cahuantoc se hueyi tlahuili para quintlahuilis inintlalnamiquilis." 17Huajca ipan nopa tonali Jes'us pejqui tlacamanalohua huan quinilhui tlacame: "Ximoyolpatlaca huan xijcahuaca tlen ax cuali inquichihuaj intla inquinequij incalaquise campa tlanahuat'ia Toteco tlen itztoc elhuicac, pampa yajaya inmechnechcahu'ia ama." 18Huan Jes'us nejnemiyaya iteno nopa hueyi atl tlen itoca Galilea huan quinitac ome icnime. Se itoca eliyaya Sim'on, pero nochi quitocaxtiyayaj Pedro. Huan ne se iicni itoca eliyaya Andr'es. Yajuanti quimajcahuayayaj matlatl atitla pampa eliyayaj michtlajtlamani. 19Huan Jes'us quinilhui: --Xinechtoquilica. Ama inmichtlajtlamani, pero seyoc tequitl nimechmacas. Nimechnextilis quejatza intlajtlamase tlen tlacame para ma nechtoquilica. 20Huan yajuanti nimantzi quicajtejque ininmatla huan quitoquilijque. 21Teipa Jes'us nejnenqui achi m'as huan quinitac seyoc ome icnime, se tlen itoca eliyaya Jacobo huan ne se itoca eliyaya Juan. Itztoyaj ipan se cuacanahua ihuaya inintata, Zebedeo, quitlatlamaniyayaj ininmatla. Huan Jes'us nojquiya quinnotzqui ma yaca ihuaya. 22Huan nimantzi quicajtejque nopa cuacanahua huan inintata huan quitoquilijque Jes'us. 23Huan Jes'us panotinemiyaya campa hueli ipan nochi estado Galilea huan tlamachtijtinemiyaya ipan nopa israelita tiopantini ipan sesen altepetl. Huan tlacamanalojtinemiyaya nopa cuali tlajtoli tlen quejatza eltos quema Toteco tlanahuatis. Huan Jes'us quinchicahuayaya tlen mococohuayayaj ica tlen hueli cocolistli. 24Huajca campa hueli ipan nochi tlali Siria nochi tlacame quicajque tlen Jes'us, huan quinhualicaque campa ya nochi tlen quipixtoyaj tlacuajcualocayotl huan miyac tlamantli cocolistli. Nojquiya quinhualicaque tlen tlaijiyohuiyayaj pampa quinpixque iajacahua Axcualtlacatl, huan tlen huetziyayaj ica ajaca cocolistli huan tlen huajhuapahuiyayaj. Huan nochi Jes'us quinchicajqui. 25Huan quitoquiliyayaj tlahuel miyac tlacame tlen hualajque tlen estado Galilea, huan tlen tlali Dec'apolis, huan tlen altepetl Jerusal'en, huan tlen estado Judea huan sequin tlen hualajque seyoc nali atemitl Jord'an.

will be added

X\