MATEO 27

1Huan quema tlanesqui, nochi nopa tlayacanca totajtzitzi huan huehue tlacame tlen israelitame quisencajque quejatza quichihuasqu'iaj para quifuerzajhuise nopa hueyi tequihuejquetl ma tlanahuatis para monequi miquis Jes'us. 2Huan nopa soldados quiilpijque Jes'us huan quihuicaque iixtla gobernador Poncio Pilato. 3Huan quema Judas tlen quitemactilijtoya quiitac para yajuanti quitemactiliyayaj Jes'us para ma miqui, tlahuel mocueso ica tlen quichijtoya. Huan quihuicac nopa treinta plata tomi, huan quincuepili nopa tlayacanca totajtzitzi huan huehue tlacame tlen israelitame. 4Huan quinilhui: --Nitlajtlacolchijtoc pampa nimechtemactilijtoc yajaya tlen ax quipiya tlajtlacoli. Pero yajuanti quinanquilijque: --Para tojuanti ax tocuenta. Ta tijmati. 5Huan Judas quitepejqui nopa plata tomi tiopan calijtic. Teipa quistejqui huan yajqui mocuahuiyonito hasta mijqui. 6Huan nopa tlayacanca totajtzitzi quicuique nopa plata tomi huan quiijtojque: --Ax cuali para tijmanelose ni tomi ihuaya ne seyoc ipan tiopan caja pampa ica ni tomi tijtlaxtlahuijque tlen techtemactili Jes'us para ma miquis, huajca ni tomi quihuica estli. 7Teipa quisencajque tlachque quichihuasqu'iaj ica nopa tomi huan quicojque itlal se chachapalchijquetl para nopano quintlalpachosqu'iaj tlen seyoc tlali ehuani. 8Huajca nopa tlali quitocaxtijque Tlali tlen Estli. Huan queja nopa itoca hasta ama. 9Huajca ya ni quitlamilti tlen nopa tiocamanalojquetl Jerem'ias huejcajquiya quiijcuilo para teipa panos. Yajaya quiijto: "Nopa israelita tlacame quipatitlalise ica treinta plata tomi para ya nopa quiixtlahuasqu'iaj. 10Teipa quicuise nopa tomi huan ica quicohuase itlal se chachapalchijquetl pampa queja nopa Toteco quinnahuatis ma quichihuaca." 11Huan Jes'us moquetztoya iixtla gobernador huan yajaya quitlajtlani: --¿Ta tiinintlanahuatijca israelitame? Huan Jes'us quinanquili: --Quena, na. 12Huan quema nopa tlayacanca totajtzitzi huan nopa huehue tlacame tlen israelitame quiteilhuiyayaj Jes'us iixtla nopa gobernador, yajaya ax molini. 13Huajca Pilato quitlajtlani Jes'us: --¿Ax tijcaqui ica quesqui tlamantli mitzteilhu'iaj? 14Pero noja Jes'us ax tleno tlananquili, huan yeca nel'ia quisentlachili nopa gobernador. 15Sesen xihuitl ipan nopa Pascua ilhuitl, Gobernador Pilato momajtoyaya quiquixt'ia se tlen tzactoc ipan tlatzactli para quimajcahuas. Huan quiquixtisqu'iaj ajqueya nopa miyac tlacame quitlapejpenisqu'iaj. 16Huan ipan nopa tonali itztoya ipan tlatzactli se tlacatl tlen nochi quiixmatiyayaj para fiero iyolis huan itoca eliyaya Barrab'as. 17Huajca mosentilijque nopa miyac tlacame, huan Pilato quintlajtlani: --¿Ajqueya inquinequij ma nimechmalacanilis para yas ichaj? ¿Nimechtojtomilis Barrab'as o ni Jes'us tlen tlacame quitocaxt'iaj nopa Cristo? 18Pilato quiijto ya ni pampa quinequiyaya quimalacanis Jes'us. Quimatqui nopa tlayacanani san quihualiquilijque pampa moxicohuayayaj ica ya pampa nochi tlacame quitoquiliyayaj. 19Huan quema Pilato mosehuijtoya ipan isiyaj ipan nopa lugar para tetlajtolsencahuas, isihua quititlanili se tlajtoli huan quiilhui: "Amo tleno xijchihuili Jes'us pampa yajaya se tlacatl xitlahuac. Tlayohua niquitac tlamantli fiero tlen ya ipan se temictli." 20Pero nopa tlayacanca totajtzitzi huan nopa huehue tlacame tlen israelitame quinchihualtijque nopa miyac tlacame tlen itztoyaj nepa ma tlajtlanica para ma quinmalacanili Barrab'as huan ma quimicti Jes'us. 21Huajca nopa gobernador sampa quintlajtlani: --¿Ajqueya nimechmactilis tlen ne ome tlacame? Huan nopa tlacame quiilhuijque: --Barrab'as. 22Huan Pilato quintlajtlani: --Huajca ¿tlachque nijchihuas ica Jes'us tlen quitocaxt'iaj nopa Cristo? Huan quinanquilijque: --Xijcuamapelolti. 23Huan Pilato quintlatzintoquili sampa: --Pero ¿para tlen? ¿Tlachque tlajtlacoli quichijtoc? Pero nopa tlacame m'as tzajtziyayaj: --Xijcuamapelolti. 24Huan Pilato quiitac para ax huelis quimanahuis Jes'us pampa nopa miyac tlacame ya pejque m'as mosisin'iaj. Huajca tlajtlanqui se achi atl para momajtequis. Huan momajtejqui iniixtla nochi nopa tlacame huan quinilhui: --Na ax nijhuica tlajtlacoli para ma miquis ni tlacatl tlen cuali. Inquihuicase tlajtlacoli imojuanti intla inquimictise. 25Huan nochi nopa tlacame quinanquilijque huan quiilhuijque: --Ma tijhuicaca tlajtlacoli tojuanti huan toconehua para ma miqui. 26Huajca quinmalacanili Barrab'as, pero tlanahuati ma quihuitequica Jes'us huan quinmactili para quicuamapeloltise. 27Huan nopa soldados quihuicaque Jes'us ipan nopa hueyi cali tlen iaxca gobernador, huan queja seiscientos soldados mosentilijque huan quiyahualojque Jes'us. 28Huan quiquixtilijque iyoyo huan quiquentijque se yoyomitl tlen chichiltic queja tlanahuatiani momatij moquent'iaj. 29Huan quinsencajque se huitzcorona huan quitlalilijque ipan itzonteco Jes'us. Huan quitlalilijque se ojtla cuahuitl ipan inejmatl queja quipiya se tlanahuatijquetl huan pejque quihuihuiitaj. Motlancuaquetzque iixtla huan quiilhuijque: --¡Ma itzto miyac tonali ni inintlanahuatijca israelitame! 30Huan teipa quichajchaque huan quiquixtilijque nopa ojtla cuahuitl huan pejque ica quimaquil'iaj ipan itzonteco. 31Huan teipa quema tlanque quihuihuiitaj, quiquixtilijque nopa yoyomitl tlen huehueyac huan quiquentijque tlen ipa iyoyo huan quihuicaque quicuamapeloltitij. 32Huan quema yajuanti ya quistoyaj ipan altepetl Jerusal'en, quipantijque se tlacatl itoca Sim'on tlen ehua tlali Cirene huan quichihualtijque ma quiquechpano icuamapel Jes'us. 33Huan teipa ajsitoj ipan nopa lugar tlen itoca G'olgota (tlen quinequi quiijtos "Campa Onca Mijcatzontecomitl"). 34Huan nepa nopa soldados quimacaque Jes'us vinagre ihuaya se pajtli tlen chichic ma quii para ma tlapolo. Pero Jes'us quiyeco huan quema quimachili tlachque quipixtoya, ax quiic. 35Huan quema nopa soldados quimalavoshuijque Jes'us ipan icuamapel, momajmacaque iyoyo huan mahuiltijque ica piltetzitzi para quiitase ajqueya quihuicasqu'ia. Huajca quitlamiltijque itlajtol nopa tiocamanalojquetl tlen quiijcuilo huejcajquiya campa quiijtohua: "Yajuanti momajmacase noyoyo huan mahuiltise para quiitase ajqueya quihuicas tlen nimoquent'ia." 36Huan teipa nopa soldados mosehuijque para tlamocuitlahuise quema Jes'us ya itztoya ipan icuamapel. 37Huan quitlalijque se tlajcuiloli itzonpac Jes'us campa nesiyaya tlachque ica quiteilhuijtoyaj. Huan nopa tlajcuiloli quiijto:|sc NI JES'US, YAJAYA ININTLANAHUATIJCA ISRAELITAME|r. 38Huan quincuamapeloltijque ome tlaxtequini ipan inincuamapelhua nechca Jes'us. Se ipan inejmatl huan seyoc ipan iarraves. 39Huan nochi tlacame tlen panoyayaj nepa nojquiya quihuihuiitayayaj. Quiojoliniyayaj inintzonteco, 40huan quiilhuiyayaj: --Ta tiquijto tijxolehuasqu'ia nopa tiopan cali huan sampa tijsencahuas ica eyi tonali. Huajca ximomaquixti. Intla ta tiIcone Toteco, xitemo ipan nopa cuamapeli. 41Nojquiya quihuihuiitayayaj nopa tlayacanca totajtzitzi, nopa tlamachtiani tlen itlanahuatil Mois'es, nopa fariseos huan nopa huehue tlacame tlen israelitame. Huan quiijtohuayayaj: 42--Yajaya quinmaquixti sequinoc pero ax hueli momaquixt'ia iselti. Intla nel'ia yajaya nopa tlanahuatijquetl tlen tiisraelitame, huajca ma temo nimantzi ipan icuamapel huan huajca, quena, tijneltocase. 43Yajaya nochipa motemachi ipan Toteco, huajca ma Toteco quimanahui amantzi, intla nel'ia quiyolpact'ia. Pampa yajaya quiijto para Icone Toteco. 44Huan nopa tlachtequini tlen itztoyaj inechca ipan inincuamapel, nojquiya quihuihuiitayayaj. 45Huan ica tlajco tona tzintlayohuac campa hueli ipan tlaltepactli hasta las tres ica tiotlac. 46Huan nechca las tres Jes'us camatqui chicahuac huan quiijto: "El'i, El'i, ¿lama sabactani?" Ni tlajtoli quinequi quiijtos: "NoTeco, noTeco, ¿para tlen tinechtlahuelcajtoc?" 47Huan sequin tlacame tlen moquetztoyaj nechca quicajque itlajtol pero ax quimachilijque tlen quiijto, huan yajuanti quiijtojque: --Ni tlacatl quinotza tiocamanalojquetl El'ias. 48Huan nimantzi se tlen yajuanti motlalo, huan quicuito se tlamantli tlen tzotzoltic huan quiapacho ipan xocomecatl iayo tlen xococ. Huan quitlali ipan se ojtla cuahuitl huan quitentoquilti Jes'us para ma quichichina. 49Pero nopa sequinoc tlacame quiijtojque: --Xijcahua. Ma tiquitase intla hualas El'ias para quimanahuis o axtle. 50Huan Jes'us sampa camatqui chicahuac huan quimactili Itonal imaco Toteco. 51Huan ipan nopa tlalochtli, tzayanqui nopa hueyi cortina tlen ica quitzactoya nopa cuarto campa M'as Tlatzejtzeloltic tiopan calijtic. Tzayanqui ica ome tlen huejcapa hasta tlatzintla. Huan mojmolini tlali huan huejhueyi tetini motlajcoitaque. 52Huan ipan campo santo motlapojque campa quintlalpachojtoyaj mijcatzitzi huan moyolcuique miyac mijcatzitzi tlen iaxcahua Toteco. 53Quisque ipan iniostohua huan teipa quema Jes'us ya moyolcuitoya, yajuanti calajque ipan altepetl Jerusal'en huan miyac tlacame quinitaque. 54Huan se capit'an huan isoldados tlen ihuaya quimocuitlahuiyayaj Jes'us quiitaque quema mojmolini tlali huan quiitaque nochi m'as tlen panoyaya. Huan tlahuel momajmatijque huan quiijtojque: --Nel'ia ni tlacatl elqui Icone Toteco. 55Huan itztoyaj nopano miyac sihuame tlen quitlachiliyayaj Jes'us ica huejca. Yajuanti quitoquilijtoyaj Jes'us tlen estado Galilea para quipalehuise ica tlen monejqui. 56Huan ipan nopa sihuame itztoyaj Mar'ia Magdalena, Mar'ia ininnana Jacobo huan Jos'e, huan nojquiya ininnana itelpocahua Zebedeo. 57Huan quema tiotlaquixqui, ajsico se tominpixquetl tlen quitocaxtiyayaj Jos'e. Yajaya ejqui altepetl Arimatea huan quitoquili Jes'us queja se imomachtijca. 58Yajaya yajqui quiitato gobernador Pilato huan quitlajtlani ma quicahuili quicuis itlacayo Jes'us. Huajca Pilato tlanahuati para ma quimacaca. 59Huan Jos'e quicuic itlacayo Jes'us huan quipijqui ica se hueyi yoyomitl tlen yancuic. 60Huan quitlali ipan se tlacacahuaya yancuic tlen quicoyonijtoya ipan se hueyi tepexitl para ya iselti quema miquis. Huan quimimilo se hueyi tetl para ica quitzajqui, huan teipa quisqui. 61Huan Mar'ia Magdalena huan nopa seyoc Mar'ia mosehuijtoyaj imelac nopa tlacacahuaya quitlachiliyayaj. 62Huan hualmostla quema ya panotoya nopa tonali para tlacualtlalise para nopa ilhuitl, mosentilijque nopa tlayacanca totajtzitzi huan fariseos iixtla Pilato, 63huan quiilhuijque: --Tate, tiquilnamiquij quema noja itztoya nopa tlacajcayajquetl Jes'us, yajaya quiijto para quema miquis, ica eyi tonali moyolcuis. 64Huajca xiquintitlani soldados ma cuali quitzacuaca nopa tlacacahuaya huan quimocuitlahuise hasta panos eyi tonali para ma ax hualaca imomachtijcahua huan quihuicase itlacayo huan teipa nochi tlacame quiijtose para moyolcuitoc. Quej nopa achi m'as tlacajcayahuase teipa que achtohui quichihuayaya. 65Huajca Pilato quinilhui: --Nica itztoque nosoldados. Xiquinhuicaca huan xijchihuaca nochi tlen inquimatij inquichihuaj para ma mocahua neltemachtli. 66Huajca quinhuicaque nopa soldados huan quitzajque nopa tetl ipan tepexitl huan cuali quipepechojque huan quitlali se sello para quimatisqu'iaj intla se tlacatl calaquisqu'ia. Huan nopa soldados mocajque tlamocuitlahuiyayaj.

will be added

X\